ഫസ്റ്റ് ക്ലാസ് ക്രിക്കറ്റില് ഒരു ഓവറില് ഏറ്റവും കൂടുതല് റണ്സ് നേടിയെന്ന അനാവശ്യ റെക്കോര്ഡ് ഇനി ഇംഗ്ലണ്ട് പേസര് ഒല്ലി റോബിന്സണിന്റെ പേരി. ബുധനാഴ്ച (ജൂണ് 26) സസെക്സ് ലെസ്റ്റര്ഷെയര് തമ്മിലുള്ള കൗണ്ടി മത്സരത്തിന്റെ നാലാം ദിനത്തില് റോബിന്സണ് ഒരു ഓവറില് വഴങ്ങിയത് 43 റണ്സ്. മൂന്ന് നോ-ബോളുകള് ഉള്പ്പെടുന്ന ഓവറില് എറിഞ്ഞത് ഒമ്പത് പന്തുകള്
സസ്സെക്സിന് വേണ്ടിയായിരുന്നു റോബിന്സണ് കളിച്ചത്. അഞ്ച് സിക്സറുകളും മൂന്ന് ബൗണ്ടറികളും മേടിച്ച അദ്ദേഹം ഒരു സിംഗിളും വഴങ്ങി. ഇതോടെ ഫസ്റ്റ് ക്ലാസ് ക്രിക്കറ്റില് ഒരു ഓവറില് ഏറ്റവും കൂടുതല് റണ്സ് നേടിയെന്ന അനാവശ്യ റെക്കോര്ഡും വഴങ്ങി. റോബിന്സന്റെ ഓവറിലെ ആദ്യ പന്ത് കിംബര് സിക്സറിന് പറത്തിയാണ് ഓവര് ആരംഭിച്ചത്. അടുത്ത പന്ത് നോബോള്, അതും സിക്സറിന് പറത്തി. അടുത്ത മൂന്ന് പന്തുകള് 4,6,4 ന് പോയി, റോബിന്സണ് മറ്റൊരു നോബോള് എറിഞ്ഞു, അത് വീണ്ടും സിക്സറിന് പോയി.
ഓവറിലെ അഞ്ചാമത്തെ നിയമപരമായ പന്ത് ബൗണ്ടറി, റോബിന്സന്റെ മറ്റൊരു നോ ബോള്, അത് ഒരിക്കല് കൂടി സിക്സറിനായി. ആ ഓവറിലെ അവസാന പന്തില് കിംബറിനു ലഭിച്ചത് സിംഗിള് മാത്രം. റോബിന്സന്റെ ഓവറിന് മുമ്പ് 56 പന്തില് 72 റണ്സ് എന്ന നിലയില് ബാറ്റ് ചെയ്ത ബാറ്റര് സെഞ്ച്വറി തികച്ചു, റോബിന്സണ് പേടിസ്വപ്നത്തില് നിന്ന് കരകയറുമ്പോഴേക്കും 65 പന്തില് 109 റണ്സ് എടുത്തിരുന്നു. ഇംഗ്ലണ്ടിന്റെ കൗണ്ടി ക്രിക്കറ്റില് ഒരു ബൗളര് നല്കുന്ന ഏറ്റവും കൂടുതല് റണ്സാണിത്.
ഫസ്റ്റ് ക്ലാസ് ക്രിക്കറ്റില് ഒരു ഓവറില് ഏറ്റവുമധികം റണ്സ് വഴങ്ങിയത് 1989-90 സീസണില് നേടിയ അവിശ്വസനീയമായ 77 റണ്സാണ്. എന്നിരുന്നാലും, ഇന്നത്തെ സമയത്ത് എറിയുന്ന ആറ് പന്തുകള്ക്ക് പകരം എട്ട് പന്ത് നീണ്ട ഓവര്.
വെല്ലിംഗ്ടണും കാന്റര്ബറിയും തമ്മിലുള്ള ഫസ്റ്റ് ക്ലാസ് ക്രിക്കറ്റ് മത്സരത്തില് ന്യൂസിലന്ഡിന്റെ റോബര്ട്ട് വാന്സാണ് ഈ റണ്സ് വഴങ്ങിയത്. ഓവറില് 17 നോ ബോളുകളാണ് വാന്സ് എറിഞ്ഞത്. ഏറ്റവും ഒടുവില്, സ്പിന്നര് ഷൊയ്ബ് ബഷീറും ഈ സീസണില് ഒറ്റ ഓവറില് 38 റണ്സ് വിട്ടുകൊടുത്തു. 1998ലെ ഇംഗ്ലീഷ് കൗണ്ടി സീസണില് 38 റണ്സ് വഴങ്ങിയ എജെ ട്യൂഡറുടെ റെക്കോര്ഡിനൊപ്പമാണ് ബഷീര്.