ഇത് മാമ്പഴക്കാലം. മാമ്പഴം എല്ലാവര്ക്കും ഇഷ്ടവുമാണ്. എന്നാൽ ശരീരഭാരം കൂടാതെ രക്തത്തിലെ പഞ്ചസാരയുടെ അളവ് കൂടാതെ നിങ്ങൾക്ക് എത്രയെണ്ണം സുരക്ഷിതമായി കഴിക്കാം? നിങ്ങളുടെ എല്ലാ ലഘുഭക്ഷണങ്ങളിലും പഴുത്ത പഴങ്ങൾ ഉൾപ്പെടുത്തുന്നവരാണെങ്കിൽ, നിങ്ങൾ അല്പ്പം ജാഗ്രത പാലിക്കണം. മാമ്പഴത്തിൽ ആന്റി ഓക്സിഡന്റുൾ, വിറ്റാമിനുകൾ, ധാതുക്കൾ, ഭക്ഷണ നാരുകൾ എന്നിവ അടങ്ങിയിട്ടുണ്ട്, എന്നാൽ അമിതമായി കഴിഞ്ഞാല് അത് നിങ്ങളുടെ രക്തത്തിലെ പഞ്ചസാരയുടെ അളവ് കൂട്ടുകയും ശരീരഭാരം കൂടുകയും ചെയ്യും.
മിതമായ അളവിൽ മാമ്പഴം കഴിക്കുന്നത് ദഹനം മെച്ചപ്പെടുത്തുകയും നിങ്ങളുടെ മാനസികാരോഗ്യം, ഹൃദയാരോഗ്യം, പ്രതിരോധശേഷി എന്നിവ വർദ്ധിപ്പിക്കുകയും ചെയ്യും. മാമ്പഴത്തിലെ വിറ്റാമിൻ സി, കരോട്ടിനോയിഡുകൾ എന്നിവ സൂര്യാഘാതത്തിൽ നിന്ന് ചർമ്മത്തെ സംരക്ഷിക്കാൻ സഹായിക്കും. കണ്ണുകളുടെ ആരോഗ്യം നിലനിർത്തുന്നതിനും മാക്യുലർ ഡീജനറേഷൻ പോലുള്ള പ്രായവുമായി ബന്ധപ്പെട്ട കാഴ്ച പ്രശ്നങ്ങൾ തടയുന്നതിനും മാമ്പഴത്തിലെ വിറ്റാമിൻ എ അത്യാവശ്യമാണ്. രക്തസമ്മർദ്ദം നിയന്ത്രിക്കാനും ഹൃദ്രോഗ സാധ്യത കുറയ്ക്കാനും സഹായിക്കുന്ന പൊട്ടാസ്യത്തിന്റെ നല്ലൊരു ഉറവിടമാണ് മാമ്പഴം. എന്നാല് അമിതമായ ഉപഭോഗം ശരീരഭാരം കൂട്ടും
എന്നാല് ഒരാൾക്ക് ഒരു ദിവസം എത്ര മാമ്പഴം സുരക്ഷിതമായി കഴിക്കാം? കഴിക്കുന്ന മങ്ങയുടെ വലിപ്പവും പ്രധാനമാണ്. ഒരു വലിയ മാമ്പഴത്തിന് സാധാരണയായി 300-350 ഗ്രാം തൂക്കം വരും. ഈ വലിപ്പമുള്ള ഒരു മാങ്ങയിൽ 250 മുതൽ 300 വരെ കലോറിയോ അതിൽ കൂടുതലോ ഊര്ജ്ജം അടങ്ങിയിരിക്കാം. പോഷകാഹാര വിദഗ്ധയായ ജൂഹി കപൂർ പറയുന്നത് വലിയ ഒരു മാമ്പഴത്തിന്റെ പകുതി , അല്ലെങ്കിൽ ഏകദേശം 150 ഗ്രാം. ഇത് ഏകദേശം 125-150 കലോറി നൽകും. പ്രായപൂർത്തിയായ ഒരാൾക്ക് പ്രതിദിനം ശരാശരി 2,000 കലോറി ഊര്ജ്ജം ആവശ്യമുണ്ടെങ്കിൽ, ഒരു വലിയ മാമ്പഴം അവരുടെ ദൈനംദിന കലോറി ആവശ്യകതയുടെ ഏകദേശം 15% സംഭാവന ചെയ്യും.
പഞ്ചസാരയുടെ വർദ്ധനവ് തടയാൻ പ്രതിദിനം ഒരു മാമ്പഴത്തിന്റെ പകുതി മുതൽ ഒരു മുഴുവന് മാമ്പഴംവരെ പോഷകാഹാര വിദഗ്ധനായ ലോവ്നീത് ബത്ര ശുപാർശ ചെയ്യുന്നു, എന്നാൽ മാമ്പഴത്തോടൊപ്പം ആരോഗ്യകരമായ കൊഴുപ്പുകൾ ചേർക്കാനും അദ്ദേഹം നിർദ്ദേശിക്കുന്നു. അതിനായി മാമ്പഴം കഴിക്കുന്നതിന് മുമ്പ് കുതിർത്ത ബദാം, വാൽനട്ട് എന്നിവ കഴിക്കാം. ഇത് പോഷകാഹാര വിദഗ്ധര് പറയുന്ന കണക്കുകളാണ്. മാമ്പഴത്തിന്റെ മധുരം നാവിലൂറുമ്പോള്, കൊതിപ്പിക്കുന്ന ഗന്ധവുമായി മുന്നിലെത്തുമമ്പാള് എങ്ങനെ കഴിക്കാതിരിക്കും? എന്തായാലും അമിതമായി കഴിക്കാതിരിക്കുക.