നിരവധി പോഷകങ്ങളാല്‍ സമ്പന്നമാണ് അവോകാഡോ. വിറ്റമിന്‍സ്, മിനറല്‍സ്, നല്ല ഹെല്‍ത്തി ഫാറ്റ് എന്നിവ ഇതില്‍ അടങ്ങിയിരിക്കുന്നു. ഹൃദയത്തിന്റെ ആരോഗ്യം സംരക്ഷിക്കുന്നതിനും കാഴ്ചശക്തി വര്‍ദ്ധിപ്പിക്കുന്നതിനും എല്ലുകളുടെ ആരോഗ്യത്തിനും അവോകാഡോ നല്ലതാണ്. നല്ല മിതമായ ശരീരവണ്ണം നിലനിര്‍ത്തുന്നതിനും അവോകാഡോ സഹായിക്കുന്നുണ്ട്. ചര്‍മ്മ സംരക്ഷണത്തിനും മുടിയുടെ ആരോഗ്യത്തിനും അവോകാഡോ വളരെ നല്ലതാണ്. സ്ത്രീകള്‍ അവോക്കാഡോ കഴിക്കുന്നത് ആരോഗ്യത്തിന് വളരെയധികം ഗുണം ചെയ്യും. ഇവ എന്തൊക്കെയാണെന്ന് അറിയാം….
- പതിവ് ഭക്ഷണത്തില്‍ അവോക്കാഡോകള്‍ ഉള്‍പ്പെടുത്തുന്നതിലൂടെ, സ്ത്രീകള്‍ക്ക് ശരിയായ പോഷകാഹാരം ലഭിക്കാനും ആരോഗ്യം മികച്ചതായി നിലനിര്‍ത്താനും സാധിക്കും.
- വിറ്റാമിനുകള്‍ സി, ഇ, കെ, ബി6, റൈബോഫ്‌ലേവിന്‍, നിയാസിന്‍, ഫോളേറ്റ്, പാന്റോതെനിക് ആസിഡ്, മഗ്‌നീഷ്യം, പൊട്ടാസ്യം എന്നിവയുടെ സമ്പന്നമായ ഉറവിടമാണ് അവോക്കാഡോ. അവ ല്യൂട്ടിന്‍, ബീറ്റാ കരോട്ടിന്‍, ഒമേഗ -3 ഫാറ്റി ആസിഡുകള്‍ എന്നിവയും നല്‍കുന്നു.
- ഫെര്‍ട്ടിലിറ്റി, ഹോര്‍മോണ്‍ ബാലന്‍സ് എന്നിവയെ പിന്തുണയ്ക്കുന്നത് മുതല്‍ മൊത്തത്തിലുള്ള ആരോഗ്യം പ്രോത്സാഹിപ്പിക്കുന്നത് വരെ സ്ത്രീകള്‍ക്ക് അവക്കാഡോകള്‍ നിരവധി ആരോഗ്യ ഗുണങ്ങള്‍ നല്‍കുന്നു.
- അവോക്കാഡോയില്‍ ആരോഗ്യത്തിന് ഗുണം ചെയ്യുന്ന കൊഴുപ്പാണ് അടങ്ങിയിരിക്കുന്നത്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും ശരീരഭാരം നിയന്ത്രിക്കുന്നതിനും മികച്ചതാണ്.
- അവോക്കാഡോകള്‍ മൊത്തത്തിലുള്ള ഹോര്‍മോണ്‍ സന്തുലിതാവസ്ഥയ്ക്ക് സഹായിക്കുന്നു. കൂടാതെ ആര്‍ത്തവവുമായി ബന്ധപ്പെട്ട വയറുവേദന, മൂഡ് സ്വിങ്‌സ് തുടങ്ങിയ ലക്ഷണങ്ങളെ ലഘൂകരിക്കുകയും ചെയ്യും. ഇവയില്‍ അടങ്ങിയിരിക്കുന്ന വിറ്റാമിന്‍ ഇ ചര്‍മ്മത്തിന്റെ ആരോഗ്യത്തിനും ഗുണം ചെയ്യും.
- ദൈനംദിന ഭക്ഷണത്തില്‍ അവോക്കാഡോ ഉള്‍പ്പെടുത്തുന്നത് പ്രത്യുത്പാദനശേഷി വര്‍ധിപ്പിക്കും. അവോക്കാഡോ ഭക്ഷണത്തില്‍ ഉള്‍പ്പെടുത്തുന്നത് വിജയകരമായ ഗര്‍ഭധാരണത്തിനുള്ള സാധ്യത വര്‍ധിപ്പിക്കുമെന്നും ഗവേഷണങ്ങള്‍ സൂചിപ്പിക്കുന്നു.
