കഴിഞ്ഞയാഴ്ച 18 വയസ്സ് പൂര്‍ത്തിയാക്കിയ ഹോളിവുഡ് സൂപ്പര്‍താരപുത്രി സൂരി ക്രൂസിന്റെ അടുത്ത പ്ലാന്‍ എന്താണെന്ന് ആകാംഷയോടെ നോക്കുകയാണ് അവരുടെ മാതാപിതാക്കളുടെ ആരാധകര്‍. അമ്മ കാറ്റിയെപ്പോലെ തന്നെ സുന്ദരിയായ സൂരിക്ക് ഏപ്രില്‍ 18 ന് 18 വയസ്സ് തികഞ്ഞിരിക്കുന്ന സാഹചര്യത്തില്‍ ഫാഷന്‍, മോഡലിംഗ്, സിനിമ ഇതില്‍ ഏതു മേഖല ഇവര്‍ തെരഞ്ഞെടുക്കുമെന്നാണ് ആരാധകര്‍ നോക്കുന്നത്.
പദ്ധതികള്‍ വെളിപ്പെടുത്തിയിട്ടില്ലെങ്കിലും ഫാഷന്‍ പഠിക്കാന്‍ താല്‍പ്പര്യമുള്ള സൂരി ഈ വര്‍ഷം കോളേജില്‍ പഠനം ആരംഭിക്കുമെന്ന് സൂചനകളുണ്ട്. ഫാഷനോടൊപ്പം വിനോദത്തിലും സൂരി താല്‍പര്യം പ്രകടിപ്പിച്ചിട്ടുണ്ട്. ഹോംസിന്റെ ചിത്രമായ റെയര്‍ ഒബ്ജക്ട്സില്‍ ‘ബ്ലൂ മൂണ്‍’ പാടി ഹോളിവുഡില്‍ അരങ്ങേറ്റം കുറിച്ച സൂരി അവളുടെ ഹൈസ്‌കൂള്‍ നാടകത്തില്‍ നായികയായി അടുത്തിടെ അഭിനയിച്ചിരുന്നു.
ഹോളിവുഡിലെ രണ്ട് വലിയ പേരുകാരുടെ മകള്‍ എന്ന നിലയില്‍ സൂരിയെ സിനിമാ വ്യവസായം തുറന്ന കൈകളോടെ സ്വീകരിക്കും എന്ന കാര്യത്തില്‍ തര്‍ക്കമില്ലെന്ന് സിനിമാ നിരൂപകര്‍ കരുതുന്നു. പ്രായപൂര്‍ത്തിയായതിനാല്‍ അധികം വൈകാതെ താരം സാമൂഹ്യമാധ്യമങ്ങളില്‍ എത്തിയേക്കാമെന്നും ദശലക്ഷക്കണക്കിന് അനുയായികളെ വേഗത്തില്‍ നേടിയേക്കുമെന്നതില്‍ തര്‍ക്കമില്ല.
അമ്മ കാറ്റി ഹോംസിനൊപ്പം ന്യൂയോര്‍ക്ക് നഗരത്തില്‍കൂടി ചുറ്റിത്തിരിയുന്ന സൂരിയുടെ ചിത്രം അടുത്തിടെ പുറത്തുവന്നിരുന്നു. കോഫി റണ്ണിന് ശേഷം ന്യൂയോര്‍ക്ക് സിറ്റിയില്‍ ഒരുമിച്ച് ചുറ്റിക്കറങ്ങുന്ന ഇരുവരേയും കണ്ടാല്‍ അമ്മയും മകളുമാണെന്ന് തോന്നില്ലെന്നും സഹോദരിമാരെ പോലെ തോന്നുമെന്നുമായിരുന്നു ഹോളിവുഡ് മാധ്യമങ്ങള്‍ കുറിച്ചിരിക്കുന്നത്.
പൊക്കമുള്ള തവിട്ടുനിറത്തിലുള്ള ബൂട്ടുകളും തവിട്ടുനിറത്തിലുള്ള സ്വെറ്ററിന് മുകളിലുള്ള ഡെനിം ജാക്കറ്റും ധരിച്ച നീളമുള്ള, പാറ്റേണുള്ള, ഒഴുകുന്ന വസ്ത്രത്തില്‍ സൂരി സുന്ദരിയായി കാണപ്പെട്ടു. 45-കാരി കാറ്റിയാകട്ടെ വീതിയേറിയ ട്രെന്‍ഡി ജീന്‍സും ചാരനിറത്തിലുള്ള സ്വെറ്ററും, അടിയില്‍ ഒരു ബട്ടണ്‍-അപ്പ് ഷര്‍ട്ടിലും കൂളായി കാണപ്പെട്ടു.
