വിജയ് നായകനായ വെങ്കട്ട്പ്രഭുവിന്റെ ഗോട്ട് സിനിമയുടെ ഷൂട്ടിംഗ് നടന്നുവരുന്നത് റഷ്യയിലാണ്. എന്നാല്‍ ലോക്‌സഭാ തെരഞ്ഞെടുപ്പ് വന്നതോടെ ഷൂട്ടിംഗിന് താല്‍ക്കാലികമായി ഇടവേളയിട്ട് നാട്ടിലേക്ക് എത്തിയിരിക്കുകയാണ് സിനിമയുടെ അണിയറക്കാര്‍. എന്തുകൊണ്ടാണ് സിനിമയുടെ ലൊക്കേഷനായി മോസ്‌ക്കോ തെരഞ്ഞെടുത്തതെന്ന് അടുത്തിടെ വെങ്കട്പ്രഭു റഷ്യന്‍ മാധ്യമങ്ങള്‍ക്ക് നല്‍കിയ അഭിമുഖത്തില്‍ വ്യക്തമാക്കി.
സംവിധായകന്‍ റഷ്യന്‍മാധ്യമങ്ങള്‍ക്ക് മുന്നിലിരിക്കുന്നതിന്റെ ചിത്രം നേരത്തേ ഇന്റര്‍നെറ്റില്‍ വൈറാലയി മാറിയിരുന്നു. ഈ വീഡിയോയ്‌ക്കൊപ്പം ആക്ഷന്‍ സിനിമയിലെ ഒരു ബൈക്ക് ചേസ് രംഗവും ഉള്‍പ്പെടുത്തിയിരുന്നു. സിനിമയുടെ ഒരു നിര്‍ണ്ണായക പാര്‍ട്ട് നടക്കുന്നത് മോസ്‌കോയില്‍ ആണെന്ന് വെങ്കട്പ്രഭു പറഞ്ഞു. സിനിമയുടെ കഥയില്‍ വിജയ് യുടെ കഥാപാത്രം വലിയ സംഭവവികാസങ്ങളിലൂടെ കടന്നുപോകുന്നുണ്ട്.
സിനിമയുമായി ബന്ധപ്പെട്ട കഥയില്‍ അനേകം കാര്യങ്ങള്‍ മോസ്‌ക്കോയിലാണ് നടക്കുന്നത്. എന്തുകൊണ്ടാണ് താന്‍ സിനിമയുടെ ലൊക്കേഷനായി മോസ്‌കോ തെരഞ്ഞെടുത്തതെന്നും സംവിധായകന്‍ വെളിപ്പെടുത്തി. കാണികള്‍ക്ക് ഫ്രഷായ വിഷ്വല്‍ എക്‌സ്പീരിയന്‍സ് നല്‍കുന്നതിന് വേണ്ടിയാണ് താന്‍ ഇവിടം തെരഞ്ഞെടുത്തതെന്നും സംവിധായകന്‍ പറഞ്ഞു.
ദക്ഷിണേന്ത്യന്‍ സിനിമകളില്‍ അത്ര സുപരിചിതമല്ലാത്ത ലൊക്കേഷന് വേണ്ടിയാണ് റഷ്യ തെരഞ്ഞെടുത്തത്. വിദ്യാഭ്യാസം, സാംസ്‌കാരിക വിനിമയം, വിനോദം തുടങ്ങി വിവിധ മേഖലകളില്‍ ഭാവിയില്‍ ഉണ്ടാകാനാിരിക്കുന്ന സഹകരണത്തെക്കുറിച്ച് കൂടി സംവിധായകന്‍ ശുഭാപ്തി പകടിപ്പിച്ചു. ഇന്ത്യയും റഷ്യയും തമ്മിലുള്ള സാംസ്‌കാരിക ബന്ധത്തെക്കുറിച്ചും വെങ്കട്ട് പ്രഭു വാര്‍ത്താസമ്മേളനത്തില്‍ സ്പര്‍ശിച്ചു.
