ചിലപ്പോള്‍ ചില ലക്ഷ്യങ്ങളില്‍ അടിപതറി വീണലും മറ്റ് ചില നേട്ടങ്ങൾ നമ്മള്‍ക്കായി കാത്തിരിക്കുന്നുണ്ടാവും. അത്തരത്തില്‍ ഏറ്റവും പ്രായം കൂടിയ മിസ് യൂണിവേഴ്‌സ് മത്സരാര്‍ത്ഥിയെന്ന നേട്ടം നഷ്ടമായെങ്കിലും അര്‍ജന്റീനക്കാരി അലജാന്ദ്ര മരിസറോഡ്രിഗസ് നേടിയെടുത്ത നേട്ടങ്ങള്‍അത്ര ചെറുതല്ല. മിസ് അര്‍ജിന്റീന മത്സരത്തില്‍ ബെസ്റ്റ് ഫേസ് എന്ന ടൈറ്റിലാണ് സ്വന്തമാക്കിയത്.അലജാന്ദ്രക്ക് പ്രായമിപ്പോള്‍ 60താണ്. എന്നാല്‍ പ്രായം വെറും നമ്പര്‍ മാത്രമാണെന്ന് തെളിയിക്കുകയാണ് അലജാന്ദ്ര.
മിസ് യൂണിവേഴ്‌സില്‍ മത്സരിക്കുന്നതിനുള്ള പ്രായപരിധി എടുത്ത് മാറ്റിയതിന് പിന്നാലെയാണ് അലജാന്ദ്ര മത്സരിക്കാനായി തീരുമാനിച്ചത്.ഇതൊരു വെല്ലുവിളിയായിരുന്നുവെന്നും, പുതിയ വെല്ലുവിളികള്‍ ഏറ്റെടുക്കുകയെന്നതിന് പുറമെ ഒരു പ്രതീക്ഷകളുമില്ലായിരുന്നുവെന്ന് അവര്‍ കൂട്ടിച്ചേര്‍ക്കുന്നുണ്ട്. കഴിഞ്ഞ മാസം നടന്ന മിസ് യൂണിവേഴ്‌സ് ബ്യൂണസ് ഐറിസ് മത്സരത്തില്‍ ഒന്നാമതെത്തിയതോടെ ഏറ്റവും പ്രായം കൂടിയ മിസ് യൂണിവേഴ്‌സെന്ന അപൂര്‍വനേട്ടം അവര്‍ സ്വന്തമാക്കിയിരുന്നു.
വിവാഹിതര്‍ക്കും ഗര്‍ഭിണികള്‍ക്കും ട്രാന്‍സ്‌ജെന്ററുകള്‍ക്കും ഇപ്പോൾ മിസ് യൂണിവേഴ്‌സ് പട്ടത്തിനായി മത്സരിക്കാന്‍ സാധിക്കും. വിവാദപരമായ യോഗ്യതകളെല്ലാം എടുത്തുമാറ്റി. സൗന്ദര്യത്തെക്കുറിച്ചുള്ള എല്ലാ പരാമര്‍ശങ്ങളും വെബ്‌സൈറ്റില്‍ നിന്നും ഒഴിവാക്കി.
