ഹോളിവുഡില്‍ അനേകരുടെ സ്വപ്‌നറാണിയായിരുന്ന കാതറിന്‍ ബാക്ക് ഇപ്പോഴും ഹോട്ട് സുന്ദരി. 1980 കളില്‍ ഹോളിവുഡില്‍ ലൈംഗിക ചിഹ്നമായിരുന്ന നടി കഴിഞ്ഞ ദിവസം ലോസ് ഏഞ്ചല്‍സില്‍ ആരുമറിയാതെ ഷോപ്പിംഗിന് എത്തിയപ്പോഴത്തെ ദൃശ്യങ്ങള്‍ മാധ്യമങ്ങളില്‍ എത്തിയിട്ടുണ്ട്. ഐതിഹാസിക ടിവി ഷോയായ ദി ഡ്യൂക്ക്സ് ഓഫ് ഹസാര്‍ഡില്‍ ഡെയ്സി ഡ്യൂക്കിന്റെ വേഷത്തില്‍ അറിയപ്പെടുന്ന കാതറീന്‍ 70 ാം വയസ്സിലും സെക്‌സി സുന്ദരിയായി കാണപ്പെട്ടതായി സണ്‍ റിപ്പോര്‍ട്ട് ചെയ്യുന്നു.
കറുത്ത ടോപ്പും പാന്റും സണ്‍ഗ്‌ളാസിലും നടി ആകര്‍ഷണീയമായ ലുക്കിലാണ് പ്രത്യക്ഷപ്പെട്ടത്. 1983 ല്‍ തുടങ്ങി 1986 വരെ ഏഴ് സീസണുകള്‍ ഓടിയ ടെലിവിഷന്‍ പരമ്പരയായ ‘ദി ഡ്യൂക്ക്സ് ഓഫ് ഹസാര്‍ഡ്’ ആയിരുന്ന നടിക്ക് പ്രശസ്തി നേടിക്കൊടുത്തത്. ഇതില്‍ ഡെനിം ഷോര്‍ട്‌സ് ധരിച്ച് പ്രത്യക്ഷപ്പെട്ട നടി അക്കാലത്ത് സെക്‌സ് സിംബലായി അറിയപ്പെടിരുന്നു. 1997 ല്‍ സിനിമയുടെ മറ്റൊരു പതിപ്പായ ‘ദി ഡ്യൂക്ക്സ് ഓഫ് ഹസാര്‍ഡ്: റീയൂണിയനി’ലും അവര്‍ അഭിനയിച്ചു. 2000-ല്‍ പുറത്തിറങ്ങിയ ദി ഡ്യൂക്ക്സ് ഓഫ് ഹസാര്‍ഡ്: ഹസാര്‍ഡ് ഇന്‍ ഹോളിവുഡും പുറത്തുവന്നെങ്കിലും പുതിയ അഭിനേതാക്കളായിരുന്നു ചിത്രത്തില്‍ ഉണ്ടായിരുന്നത്.
2005-ല്‍ പുറത്തിറങ്ങിയ അവസാന ചിത്രത്തില്‍, ഡെയ്സിയുടെ വേഷം ഏറ്റെടുക്കാന്‍ ജെസീക്ക സിംപ്സണാണ് എത്തിയത്. ഷോയ്ക്ക് ശേഷം, കാതറിന്‍ ടെലിവിഷനിലും സിനിമയിലും തുടര്‍ന്നും പ്രവര്‍ത്തിക്കുകയും ബിസിനസ്സ് ലോകത്തേക്ക് കടക്കുകയും ചെയ്തു. പിന്നീട് വിനോദ അഭിഭാഷകനായ പീറ്റര്‍ ലോപ്പസുമായി പ്രണയത്തിലായ കാതറിന്‍ സോഫിയയും ലോറയും എന്ന രണ്ട് പെണ്‍മക്കള്‍ക്ക് ജന്മം നല്‍കി.
2010-ല്‍ പീറ്റര്‍ ആത്മഹത്യ ചെയ്തു. കാതറിനും അവളുടെ കുടുംബവും തകര്‍ന്നു. ഈ ബുദ്ധിമുട്ടുകള്‍ക്കിടയിലും, നടി അര്‍പ്പണബോധമുള്ള അമ്മയായി തുടര്‍ന്നു, പെണ്‍മക്കളെ വളര്‍ത്തുന്നതിലും അവരുടെ ശ്രമങ്ങളെ പിന്തുണയ്ക്കുന്നതിലും ശ്രദ്ധ കേന്ദ്രീകരിച്ചു. വിശ്വാസവും തെറാപ്പിയും അവരെ എങ്ങനെ സഹായിച്ചുവെന്നും തന്റെ കുട്ടികളുമായി അടുപ്പം പുലര്‍ത്തുന്നതിനെക്കുറിച്ചും അവള്‍ സംസാരിച്ചു.
