ഒരിക്കല് സൈക്കിളില് മോതിരവും ആഭരണങ്ങളും കൊണ്ടുനടന്നു വിറ്റിരുന്നയാളുടെ പേരില് ഇപ്പോള് 40 അക്കൗണ്ടുകളിലായി ഉള്ളത് 106 കോടി രൂപ. ഉത്തര്പ്രദേശിലെ ജമാലുദ്ദീന് എന്ന ചങ്കൂര് ബാബയുടെ പേരിലാണ് ഈ വന് തുക. മതപരിവര്ത്തന സംഘത്തിന്റെ സൂത്രധാരനാണ് ഇദ്ദേഹമെന്നും മദ്ധ്യേഷ്യയില് നിന്നുമാണ് സ്വത്തുക്കള് കുടുതല് വന്നതെന്നും ഇദ്ദേഹത്തിന്റെഹ ഉടമസ്ഥതയിലുള്ള ഒരു കെട്ടിടം യുപി സര്ക്കാര് പൊളിച്ചുമാറ്റിയെന്നുമാണ് ദേശീയമാധ്യമങ്ങള് പുറത്തുവിട്ടിരിക്കുന്ന റിപ്പോര്ട്ട്.
ഉത്തര്പ്രദേശിലെ ബല്റാംപൂര് ജില്ലയില് അടുത്തിടെ പിടികൂടിയ മതപരിവര്ത്തന റാക്കറ്റുമായി ബന്ധപ്പെട്ട് ശനിയാഴ്ച ലഖ്നൗവിലെ ഒരു ഹോട്ടലില് നിന്നാണ് ചങ്കൂര് ബാബയെയും അദ്ദേഹത്തിന്റെ അടുത്ത കൂട്ടാളിയായ നീതു എന്ന നസ്രീനെയും അറസ്റ്റ് ചെയ്തത്. എത്ര പേരെയാണ് മതം മാറ്റിയതെന്നും ദേശവിരുദ്ധ പ്രവര്ത്തനങ്ങള് നടത്തിയിട്ടുണ്ടോ എന്നും അന്വേഷിക്കുന്നുണ്ട്.
‘ദരിദ്രരും നിസ്സഹായരുമായ തൊഴിലാളികള്, ദുര്ബല വിഭാഗങ്ങള്, വിധവകളായ സ്ത്രീകള് എന്നിവര്ക്ക് പ്രോത്സാഹനങ്ങളും സാമ്പത്തിക സഹായവും വിവാഹ വാഗ്ദാനങ്ങളുമൊക്കെ നല്കി ഇദ്ദേഹം നിര്ബ്ബന്ധിച്ചും വശീകരിച്ചും ഇവരെ മതപരിവര്ത്തനത്തിന് വിധേയരാക്കുന്നതായിട്ടാണ് ആരോപണം. ചിലപ്പോഴൊക്കെ മതപരിവര്ത്തനത്തിന് ഭീഷണിയും ഉപയോഗിക്കാറുണ്ടെന്നും പറയുന്നു.
സംഘത്തിന് തീവ്രവാദ ബന്ധമുണ്ടോ എന്ന് യുപി ഭീകരവിരുദ്ധ സ്ക്വാഡും (എടിഎസ്) അന്വേഷിക്കുന്നുണ്ട്. സംഘത്തിനെതിരെ കേസ് രജിസ്റ്റര് ചെയ്ത യുപി സ്പെഷ്യല് ടാസ്ക് ഫോഴ്സും (എസ്ടിഎഫ്) വിഷയം അന്വേഷിക്കുന്നുണ്ട്. ബല്റാംപൂരിലെ സംഘത്തില് ഉള്പ്പെട്ടിട്ടുണ്ടെന്ന് ആരോപിക്കപ്പെടുന്ന മറ്റുള്ളവരെക്കുറിച്ചും ലോക്കല് പോലീസ് അന്വേഷണം നടത്തുന്നുണ്ട്.
ചങ്കൂര് ബാബയുടെ വരുമാനം കണ്ടെത്താന് എന്ഫോഴ്സ്മെന്റ് ഡയറക്ടറേറ്റും കേസ് രജിസ്റ്റര് ചെയ്തിട്ടുണ്ട്. കേസിന്റെ അടിസ്ഥാനം, ജമാലുദ്ദീന്റെ വരുമാനത്തില് പെട്ടെന്നുള്ള വര്ദ്ധനവാണ്. ആരാണ് പണം അയച്ചതെന്നും എന്ത് കാരണങ്ങളാലാണെന്നും ഏജന്സി അന്വേഷിച്ചുവരികയാണ്. ഒരിക്കല് തന്റെ സൈക്കിളില് മോതിരങ്ങളും ആഭരണങ്ങളും വിറ്റിരുന്ന ചങ്കൂര്ബാബ പിന്നീട് ഗ്രാമത്തലവനായി. ഉത്തര്പ്രദേശിലെ റെഹ്റ മാഫി ഗ്രാമത്തില് നിന്നുള്ള ചങ്കൂര് ബാബയുടെ മുഴുവന് സാമ്രാജ്യവും നേപ്പാളുമായി അതിര്ത്തി പങ്കിടുന്ന ബല്റാംപൂര് ജില്ലയിലെ ഉത്തരൗള പ്രദേശത്താണ്. ഒരിക്കല് അദ്ദേഹം തന്റെ ജന്മഗ്രാമത്തിന്റെ തലവനായും നിയമിക്കപ്പെട്ടു.
തന്റെ ഇപ്പോഴത്തെ സഹായി നീതുവിനെ കണ്ടുമുട്ടിയ ശേഷം, റെഹ്റ മാഫി ഗ്രാമത്തില് നിന്ന് ഏകദേശം മൂന്ന് കിലോമീറ്റര് അകലെയുള്ള മാധ്പൂരിലെ ഒരു ദര്ഗയ്ക്ക് അടുത്തുള്ള സ്ഥലത്ത് അദ്ദേഹം ഒരു കെട്ടിടം പണിതു. സര്ക്കാര് അന്വേഷണത്തില് കെട്ടിടം നിയമവിരുദ്ധമാണെന്ന് കണ്ടെത്തി. ബുധനാഴ്ച, അനധികൃത നിര്മ്മാണം ആരോപിച്ചു ബുള്ഡോസര് ഉപയോഗിച്ച് പൊളിച്ചുമാറ്റി.
കെട്ടിടത്തിന് രണ്ട് ഭാഗങ്ങളുണ്ടായിരുന്നു. ചങ്കൂര് ബാബയും അദ്ദേഹത്തിന്റെ കുടുംബവും സഹായികളും ഒരു വിഭാഗത്തിലാണ് താമസിച്ചിരുന്നത്. മറ്റേ വിഭാഗത്തെ സംബന്ധിച്ചിടത്തോളം, വ്യത്യസ്ത പദ്ധതികള് ഉണ്ടായിരുന്നെങ്കിലും ഇന്നുവരെ അവ നടപ്പിലാക്കിയിട്ടില്ല. അവിടെ ഒരു ആശുപത്രി പണിയുമെന്ന് നേരത്തെ ആരോപണമുണ്ടായിരുന്നു. കുറച്ച് വര്ഷങ്ങള്ക്ക് ശേഷം, ഈ കെട്ടിടത്തില് ഒരു ആശുപത്രി പണിയാന് കഴിയില്ലെന്നും അതിനാല് ഒരു സ്കൂളോ കോളേജോ നിര്മ്മിക്കുമെന്നും അവകാശപ്പെട്ടു.
അവകാശവാദങ്ങള് ഉന്നയിച്ചിട്ട് വര്ഷങ്ങള് കടന്നുപോയി, പക്ഷേ കെട്ടിടം എന്തിനു വേണ്ടിയാണ് ഉപയോഗിക്കുന്നതെന്ന് ഇപ്പോഴും വ്യക്തമല്ല. കെട്ടിടത്തില് രണ്ട് നായ്ക്കളും 15 സിസിടിവി ക്യാമറകളും ഉണ്ട്. ബല്റാംപൂര് കെട്ടിടത്തിന് പുറമേ, ചങ്കൂര് ബാബയ്ക്ക് മറ്റ് പല സ്ഥലങ്ങളിലും നിരവധി സ്വത്തുക്കള് ഉണ്ടായിരുന്നു. ഈ സ്വത്തുക്കളില് ഒന്ന് മഹാരാഷ്ട്രയിലെ ലോണാവാലയിലാണ്. ഇത് ചങ്കൂര് ബാബയുടെയും നവീനിന്റെയും പേരില് വാങ്ങിയതാണ്. രേഖകള് പ്രകാരം ഈ ഭൂമിയുടെ വില 16. 49 കോടി രൂപയാണ്.
മുഹമ്മദ് അഹമ്മദ് ഖാന് എന്ന വ്യക്തിയാണ് ഭൂമി വിറ്റത്. ചങ്കൂര് ബാബയ്ക്ക് ഫണ്ട് അയച്ചതായി കണ്ടെത്തിയതിനാല് ആന് അഹമ്മദ് ഖാനും അന്വേഷണത്തിലാണ്. ജമാലുദ്ദീന് ഭൂമി വിറ്റ അതേ വ്യക്തി തന്നെയാണോ ഈ അഹമ്മദ് ഖാന് എന്ന് ഇപ്പോള് അന്വേഷിക്കുന്നുണ്ട്.ചാങ്കൂറിന്റെ നിയമവിരുദ്ധ ജോലികള്ക്ക് സഹായിച്ചതായി ആരോപിക്കപ്പെടുന്ന സര്ക്കാര് സംവിധാനത്തിലെ ഏജന്റുമാര്, ഉദ്യോഗസ്ഥര്, ജീവനക്കാര് എന്നിവരെയും സുരക്ഷാ ഏജന്സികള് നിരീക്ഷിക്കുന്നുണ്ട്.
