കോൾഡ്പ്ലേ സംഗീത കച്ചേരിയിൽ വെച്ച് കമ്പനിയുടെ എച്ച്ആർ ഡയറക്ടറായ ക്രിസ്റ്റിൻ കാബോട്ടുമൊത്തുള്ള ഒരു വീഡിയോ വൈറലായതിനെ തുടർന്ന് ആസ്ട്രോണോമർ സിഇഒ ആൻഡി ബൈറൺ രാജി വെച്ചത് വലിയ വാർത്തയായിരുന്നു. ഇപ്പോഴിതാ അദ്ദേഹം വീണ്ടും വാർത്തകളിൽ നിറയുകയാണ്.
ദ് ബ്ലാസ്റ്റിന്റെ റിപ്പോർട്ടുകൾ പ്രകാരം, ബൈറൺ 250,000 ഡോളറിൽ (ഏകദേശം 2.2 കോടി രൂപ) കൂടുതൽ OnlyFans-ൽ ചെലവഴിച്ചിട്ടുണ്ട്. സബ്സ്ക്രിപ്ഷനുകൾ, കസ്റ്റം വീഡിയോകൾ, സ്വകാര്യ വീഡിയോ കോളുകൾ എന്നിവയിലൂടെ വിവിധ ക്രിയേറ്റർമാരുമായി അദ്ദേഹം ഇടപാടുകൾ നടത്തിയിരുന്നതായിട്ടാണ് റിപ്പോർട്ടുകൾ. ഇപ്പോൾ, ബൈറന്റെ ഭാര്യ കെറിഗൻ മേഗൻ, ഈ കോടീശ്വരനെതിരെ ഒരു പുതിയ ആരോപണം ഉന്നയിച്ചിരിക്കുകയാണ്. OnlyFans ക്രിയേറ്ററായ സോഫി റെയിനുമായി വീഡിയോ കോളുകൾ ചെയ്യാൻ കുറഞ്ഞത് 40,000 ഡോളർ (ഏകദേശം 33.28 ലക്ഷം രൂപ) ചെലവഴിച്ചെന്നാണ് ആരോപണം.
ആൻഡി ബൈറൺ വീഡിയോ കോൾ വിവാദം
ദ് ബ്ലാസ്റ്റിന്റെ റിപ്പോർട്ടുകൾ അനുസരിച്ച്, 23 വയസ്സുള്ള OnlyFans ക്രിയേറ്ററായ സോഫി റെയിനുമായി (യഥാർത്ഥ പേര് ഇസബെല്ല ബ്ലെയർ) വീഡിയോ കോളുകൾക്കായി ബൈറൺ 40,000 ഡോളറിൽ (35 ലക്ഷം രൂപയിലധികം) കൂടുതൽ ചെലവഴിച്ചതായി ആരോപിക്കപ്പെടുന്നു. ബൈറണിന്റെ ഭാര്യ മേഗൻ കെറിഗൻ പങ്കുവെച്ച സന്ദേശങ്ങളിൽ, റെയിനുമായി അശ്ലീല വീഡിയോ കോളുകൾക്കായി അദ്ദേഹം ഒരു രഹസ്യ ഇൻസ്റ്റാഗ്രാം അക്കൗണ്ട് ഉപയോഗിച്ചിരുന്നതായി വെളിപ്പെടുത്തുന്നു.
വീഡിയോ കോളുകൾക്കായി ബൈറൺ വ്യാജ ഇൻസ്റ്റാ അക്കൗണ്ട് ഉണ്ടാക്കി
29 വയസ്സുള്ള ബ്രസീലിയൻ മോഡലും “ബോപ് ഹൗസ്” എന്ന OnlyFans ഗ്രൂപ്പിന്റെ തലവനുമായ കാമില്ല അറൂജോ ദ് ബ്ലാസ്റ്റിനോട് പറഞ്ഞത്, സബ്സ്ക്രിപ്ഷനുകൾ, കസ്റ്റം കണ്ടന്റുകൾ, കോളുകൾ എന്നിവയ്ക്കായി ബൈറൺ ഒരു ലക്ഷം ഡോളർ ചെലവഴിച്ചിട്ടുണ്ടെന്നാണ്. അറൂജോ കെറിഗനെ വിളിച്ച് പിന്തുണ അറിയിക്കുകയും ചെയ്തു. “നിങ്ങൾ തനിച്ചല്ലെന്ന് ഞാൻ അവളോട് പറഞ്ഞു. ഇതുപോലെ ഒരാൾ സ്ത്രീകളെ പരസ്യമായി അപമാനിക്കാനും വഞ്ചിക്കാനും ശ്രമിക്കുമ്പോൾ സ്ത്രീകൾ ഒന്നിച്ചുനിൽക്കണം. ഞാൻ അവൾക്കുവേണ്ടി ഇവിടെയുണ്ട്,” അറൂജോ പറഞ്ഞു.
ആരാണ് സോഫി റെയിൻ?
ഫ്ലോറിഡയിലെ മിയാമി സ്വദേശിയായ സോഫി റെയിൻ വെള്ളക്കാരനായ അച്ഛന്റെയും ഫിലിപ്പിനോ അമ്മയുടെയും മകളാണ്. 2024-ന്റെ അവസാനത്തിൽ അവരുടെ OnlyFans അക്കൗണ്ടിൽ നിന്നുള്ള സ്വകാര്യ ഉള്ളടക്കങ്ങൾ ഓൺലൈനിൽ ചോർന്നപ്പോൾ അവർ വാർത്തകളിൽ നിറഞ്ഞിരുന്നു. OnlyFans-ൽ നിന്ന് ലഭിക്കുന്ന വരുമാനം വെളിപ്പെടുത്തുന്ന ഒരു സ്ക്രീൻഷോട്ട് അവർ പുറത്തുവിട്ടതിന് തൊട്ടുപിന്നാലെയായിരുന്നു ഇത്.
2025 ഫെബ്രുവരിയിൽ, അഡൾട്ട് സ്ട്രീമിംഗ് പ്ലാറ്റ്ഫോമിൽ നിന്ന് 50 മില്യൺ ഡോളറിൽ അധികം ലാഭം നേടിയതായി അവർ അവകാശപ്പെട്ടിരുന്നു.
OnlyFans-ലേക്ക് മാറുന്നതിന് മുമ്പ്, ടിക് ടോക്കിലും ഇൻസ്റ്റാഗ്രാമിലും ലിപ്-സിങ്ക്, ഡാൻസ് വീഡിയോകളിലൂടെ സോഫി റെയിൻ വളരെ പ്രചാരത്തിലുണ്ടായിരുന്നു. നിലവിൽ, ഇൻസ്റ്റാഗ്രാമിൽ 7.5 മില്യണിലധികം ഫോളോവേഴ്സും ടിക് ടോക്കിൽ 11 മില്യണിലധികം ഫോളോവേഴ്സുമുണ്ട്.
റിപ്പോർട്ടുകൾ അനുസരിച്ച്, ഒരു സോഷ്യൽ മീഡിയ ഇൻഫ്ലുവൻസർ ആകുന്നതിന് മുമ്പ് അവർ കുറഞ്ഞ ശമ്പളമുള്ള ഒരു റെസ്റ്റോറന്റ് വെയിറ്ററായിരുന്നു. ഈ ജോലിയിൽ നിന്ന് പുറത്താക്കപ്പെട്ടതാണ് OnlyFans മോഡലായി മാറാൻ അവരെ നയിച്ചതെന്നും റിപ്പോർട്ടുകൾ പറയുന്നു.
