വിവാഹമെപ്പോഴാണെന്നാണ് പാട്ടുകാരന്‍ ക്രിസ് മാര്‍ട്ടിനോടും ഹോളിവുഡ് നടി ഡെക്കോട്ട ജോണ്‍സണോടും ആരാധകരുടെ ചോദ്യം. വിഷാദരോഗത്തിനെതിരായ പോരാട്ടത്തെക്കുറിച്ചും കാമുകന്‍ ക്രിസ് മാര്‍ട്ടിന്‍ തന്നെ അതില്‍ നിന്ന് രക്ഷിച്ചതിനെക്കുറിച്ചും മുമ്പ് ഡക്കോട്ട ജോണ്‍സണ്‍ പറഞ്ഞിട്ടുണ്ട്. 2017 ഒക്ടോബര്‍ മുതല്‍ ഡേറ്റിംഗിലാണെങ്കിലും വളരെ സ്വകാര്യമായി വെച്ചിരിക്കുകയാണ് ഇരുവരും. ക്രിസ് മാര്‍ട്ടിന്റെ മുന്‍ ഭാര്യ ഗ്വിനെത്ത് പാല്‍ട്രോ ഇവരുടെ ബന്ധത്തില്‍ ഒരു നിര്‍ണ്ണായ പങ്കു വഹിക്കുന്നുണ്ട്. അവരുടെ പ്രണയത്തില്‍ വിശ്വസിക്കാനും ഒന്നിക്കാന്‍ അവരെ പ്രോത്സാഹിപ്പിക്കുകയും ചെയ്തത് അയണ്‍ മാന്‍ നടിയാണ്.
വിവാഹം സാധ്യമായാല്‍ ഇരുവരുടേയും ആസ്തി കൂടും. ഫിഫ്റ്റി ഷേഡ്സ് ട്രിലോളജിയില്‍ അനസ്താസിയ സ്റ്റീലിനെ അവതരിപ്പിച്ചതിലൂടെയാണ് ജോണ്‍സണ്‍ അറിയപ്പെടുന്നത്. കൃത്യമായ കണക്കുകള്‍ അജ്ഞാതമാണെങ്കിലും, ഫ്രാഞ്ചൈസിയുടെ വന്‍ വിജയത്തിന് ശേഷം അവള്‍ ഏഴ് അക്കങ്ങളുടെ ശമ്പളമാണ് വാങ്ങുന്നതെന്ന് വിവരമുണ്ട്. സോഷ്യല്‍ നെറ്റ് വര്‍ക്ക്, 21 ജമ്പ് സ്ട്രീറ്റ്, ഔവര്‍ ഫ്രണ്ട്, ദി ലോസ്റ്റ് ഡോട്ടര്‍ തുടങ്ങിയ നിരവധി വിജയചിത്രങ്ങളുടെ ഭാഗമായ ഡെക്കോട്ടയ്ക്ക് നെറ്റ്ഫ്ലിക്സിന്റെ പെര്‍സ്യൂഷന്‍ (2022) എന്ന ചിത്രത്തിലെ ആനി എലിയറ്റ് എന്ന കഥാപാത്രത്തിന് കിട്ടിയ പ്രതിഫലം 2 മില്യണ്‍ ഡോളര്‍ ആയിരുന്നു.
2016ല്‍ 3.55 മില്യണ്‍ ഡോളറിന് വാങ്ങിയ ഹോളിവുഡ് ഹില്‍സില്‍ ഒരു വീടും നടിക്കുണ്ട്. ബ്രാന്‍ഡ് എന്‍ഡോഴ്‌സ്‌മെന്റുകള്‍ വഴിയുള്ള അവളുടെ വരുമാനം വെളിപ്പെടുത്തിയിട്ടില്ല, എന്നാല്‍ ഓരോ പ്രോജക്റ്റിനും അവള്‍ വലിയ തുക ഈടാക്കുമെന്ന് ഞങ്ങള്‍ക്ക് ഉറപ്പുണ്ട്. സെലിബ്രിറ്റി നെറ്റ് വര്‍ത്ത് അനുസരിച്ച്, 2023 ല്‍ ഡക്കോട്ട ജോണ്‍സന്റെ ആസ്തി 14 മില്യണ്‍ ഡോളറാണ്.
