സ്ത്രീ – പുരുഷന്മാര്‍ തമ്മില്‍ പല ഘടങ്ങളെയും അടിസ്ഥാനമാക്കിയാണ് ആകര്‍ഷകരാകുന്നത്. സൗന്ദര്യം, ചിരി, കണ്ണുകള്‍, മുടി എന്നിങ്ങനെ പല ഘടകങ്ങളുമാകാം. പുരുഷന്മാരില്‍ സ്ത്രീകള്‍ ഏറ്റവും ഇഷ്ടപ്പെടുന്നതെന്ത് എന്ന് കണ്ടെത്താന്‍ ഒരു കൂട്ടം ഗവേഷകര്‍ ഒരു പഠനം നടത്തി. ഏതാണ്ട് 600 സ്ത്രീകളെ ഈ പഠനത്തില്‍ പങ്കാളികളാക്കി. പെട്ടെന്ന് ഇഷ്ടം തോന്നുന്ന പുരുഷന്മാരെ സ്ത്രീകള്‍ പങ്കാളിയായി ജീവിതത്തിലേക്ക് ക്ഷണിക്കാനുള്ള സാധ്യത കുറവാണെന്നും പഠനം കണ്ടെത്തി. ഇഷ്ടം തോന്നാനുള്ള മാനദണ്ഡമല്ല പങ്കാളിയെ കണ്ടെത്തുന്നതിനുള്ള മാനദണ്ഡം. മിക്കവരും കാഴ്ചയില്‍ പൗരുഷം തോന്നിക്കുന്ന പുരുഷന്മാരെ മാത്രമാണ് പങ്കാളിയാക്കാന്‍ തെരഞ്ഞെടുത്തതെന്നും സംഘം പറയുന്നു.
‘സെക്കോളജിക്കല്‍ സയന്‍സ്’ എന്ന പ്രസിദ്ധീകരണത്തിലൂടെയാണ് പഠനത്തിന്റെ വിശദാംശങ്ങള്‍ പുറത്തു വന്നിരിക്കുന്നത്. ഇതിനായി സ്ത്രീകള്‍ക്ക് ആദ്യം ഒരു കൂട്ടം പുരുഷന്മാരുടെ മുഖം കാണാന്‍ നല്‍കി. തുടര്‍ന്ന് എല്ലാവര്‍ക്കും ഒരു പോലെ ചില ചോദ്യങ്ങള്‍ നല്‍കി. പങ്കാളി, കാമുകന്‍ ഇങ്ങനെ ഓരോ കാഴ്ചയിലും ഓരോരുത്തരെ തെരഞ്ഞെടുക്കണം. ആഴ്ചകളോളം എടുത്തായിരുന്നു ഈ പരീക്ഷണം. തുടര്‍ന്ന് ഏറ്റവുമധികം സ്ത്രീകള്‍ തെരഞ്ഞെടുത്ത പുരുഷന്റെ മുഖം പഠനസംഘം കണ്ടെത്തി. കംപ്യൂട്ടര്‍ ആപ്ലിക്കേഷന്‍ ഉപയോഗിച്ച് എഡിറ്റ് ചെയ്ത ഒരു ‘പുരുഷമുഖ’മായിരുന്നു അത്. എങ്കിലും ഇതുപയോഗിച്ച് സ്ത്രീകളെ ആകര്‍ഷിച്ച ആ പൊതു ശാരീരിക ഘടകമെന്തെന്ന് സംഘം കണ്ടെത്തി.
പരീക്ഷണത്തിന് തയ്യാറായ സ്ത്രീകളുടെയെല്ലാം ഹോര്‍മോണുകള്‍ കൂടി പരിശോധിച്ച ശേഷമാണ് സംഘം ഈ നിഗമനത്തിലെത്തിയത്. സ്വാഭാവികമായും സ്ത്രീകളുടെ മാനസികാവസ്ഥ ഇതില്‍ മുഖ്യപങ്ക് വഹിച്ചിട്ടുണ്ടാകാമെന്നാണ് ഇവര്‍ പറയുന്നത്. ചതുരാകൃതി പോലെ തോന്നിക്കുന്ന ഭംഗിയുള്ള കീഴ്ത്താടിയുടെ ഭാഗമാണ് പരീക്ഷണത്തില്‍ പങ്കെടുത്ത സ്ത്രീകളെ അയാളിലേക്ക് ആകര്‍ഷിക്കപ്പെടാന്‍ കാരണമായത്. എന്നാല്‍ ഇത് വളരെ കൃത്യമായ ഒരു നിഗമനമാണെന്ന് പഠനസംഘം അവകാശപ്പെടുന്നില്ല.
