വിശാഖപട്ടണത്ത് ശനിയാഴ്ച നടന്ന ദക്ഷിണാഫ്രിക്കയ്ക്കെതിരായ മൂന്നാം ഏകദിനത്തിൽ ടോസ് നേടി ബോളിംഗ് തിരഞ്ഞെടുത്ത ഇന്ത്യൻ ക്യാപ്റ്റൻ കെ എൽ രാഹുൽ ആകാശത്തായിരുന്നു. പ്രോട്ടീസിനെതിരായ പരമ്പര തീരുമാനിക്കുന്ന ഈ മത്സരത്തിന് മുമ്പ് ഇന്ത്യ തുടർച്ചയായി 20 ടോസുകൾ തോറ്റിരുന്നു. 2023 ലോകകപ്പ് ഫൈനലിൽ ഓസ്ട്രേലിയയുടെ പാറ്റ് കമ്മിൻസിനെതിരെ രോഹിത് ശർമ്മ ടോസ് നഷ്ടപ്പെട്ടതിന് ശേഷമാണ് ഈ തുടർച്ചയായ തോൽവികൾക്ക് തുടക്കമായത്. ടോസ് വിജയിച്ചതിൽ ആഹ്ലാദം പ്രകടിപ്പിച്ച് രാഹുൽ മുഷ്ടി ചുരുട്ടി ആവേശം കൊള്ളുന്ന വീഡിയോ ഇപ്പോൾ സമൂഹ മാധ്യമങ്ങളിൽ വൈറലായിരിക്കുകയാണ്.
ടോസിടുമ്പോൾ രാഹുൽ പറഞ്ഞു: “ഞങ്ങൾ ബോൾ ചെയ്യും. ഇന്നലെ രാത്രി ഇവിടെ പരിശീലനം നടത്തിയിരുന്നു, കോച്ചുമാരുടെ പ്രതികരണം മഞ്ഞുണ്ടായിരുന്നു എന്നാണ്. പക്ഷേ റാഞ്ചിയെയും റായ്പൂരിനെയും പോലെ നേരത്തേ മഞ്ഞ് വീശാൻ സാധ്യതയില്ല. ഞങ്ങളുടെ ട്രാക്ക് റെക്കോർഡ് മനസ്സിൽ വെച്ച്, രണ്ടാമത് ബോൾ ചെയ്യാനാണ് ഞങ്ങൾ പദ്ധതിയിട്ടിരുന്നത്. റായ്പൂരിലെയും റാഞ്ചിയിലെയും പോലെ ഇത് വലിയ സ്വാധീനം ചെലുത്തുമെന്ന് ഞാൻ കരുതുന്നില്ല. പക്ഷേ, ഞങ്ങൾ ടോട്ടൽ ചേസ് ചെയ്യാനാണ് ആഗ്രഹിക്കുന്നത്, ആദ്യം ബോൾ ചെയ്യുമ്പോൾ എങ്ങനെ കളിക്കാനാകുമെന്ന് നോക്കാം. അതെ, ഇത് നല്ലൊരു വിക്കറ്റായി തോന്നുന്നു.”
“എന്നെ സംബന്ധിച്ചിടത്തോളം, ടീം ലീഡർഷിപ്പ് ഗ്രൂപ്പിനെ സംബന്ധിച്ചിടത്തോളം, കഴിഞ്ഞ രണ്ട് മത്സരങ്ങളിൽ ഞങ്ങൾ കളിച്ച രീതിയിൽ ഞങ്ങൾ വളരെയധികം സന്തോഷത്തിലാണ്. പുറത്തുനിന്ന് നോക്കുമ്പോൾ 360 ചേസ് ചെയ്യുന്നത് കാണുമ്പോൾ ഒരുപാട് കാര്യങ്ങൾ തെറ്റായി പോകുന്നുവെന്ന് തോന്നിയേക്കാം. പക്ഷേ സാഹചര്യങ്ങളും ടീമുകളുടെ ലൈനപ്പുകളും പരിഗണിക്കുമ്പോൾ, ഞങ്ങൾ നന്നായി ചെയ്തുവെന്ന് ഞാൻ കരുതുന്നു. ഒരുപാട് നല്ല കാര്യങ്ങൾ എടുക്കാനുണ്ട്, ഞങ്ങൾ ബോൾ ചെയ്തതിലും ബാറ്റ് ചെയ്തതിലും ഞാൻ ശരിക്കും സന്തോഷവാനാണ്. കളിയിയിൽ സ്ഥിരത പാലിക്കുക എന്നതാണ് പ്രധാനം. ഫലങ്ങൾ പിന്നാലെ വരുമെന്ന് ഞങ്ങൾക്ക് അറിയാം. മാറ്റാൻ ഞങ്ങൾ ആഗ്രഹിക്കുന്ന കാര്യങ്ങൾ അധികമില്ല. ഫീൽഡിൽ ചില കാര്യങ്ങൾ ഒന്ന് മെച്ചപ്പെടുത്താൻ ശ്രമിക്കുന്നു, ഫലങ്ങൾ ഞങ്ങൾക്ക് അനുകൂലമാകും,” അദ്ദേഹം കൂട്ടിച്ചേർത്തു.
കളിയില് ഇന്ത്യ ദക്ഷിണാഫ്രിക്കയെ 9 വിക്കറ്റിന് തോല്പ്പിച്ച് ഇന്ത്യ ഏകദിന പരമ്പര നേടി.
