മസിനഗുഡിയിലെ മുതമല കടുവ സങ്കേതത്തിൽ (എംടി ആർ) നിന്നും പുറത്തുവരുന്ന ഒരു വീഡിയോയാണ് സമൂഹ മാധ്യമങ്ങളിൽ വലിയ ചർച്ചകൾക്ക് വഴിയൊരിക്കിയിരിക്കുന്നത്. കാടിനുള്ളിൽ ഉപേക്ഷിച്ച നിലയിൽ കാണപ്പെട്ട ഒരു ഒഴിഞ്ഞ ബിയർ ബോട്ടിൽ ഒരു കുട്ടിയാന കൊണ്ടുനടക്കുന്നതിന്റെ ദൃശ്യങ്ങളായിരുന്നു ഇത്.
വീഡിയോ വൈറലായതോടെ നിരവധി ആളുകൾ മൃഗങ്ങളുടെ നിലനിൽപ്പിൽ ആശങ്കകൾ പ്രകടിപ്പിച്ചു രംഗത്തെത്തി. ഉപയോഗിച്ച ശേഷം ആളുകൾ കുപ്പികൾ തിരിച്ചെടുത്തോണ്ട് പോകുന്ന ‘ടാസ്മാക് ബോട്ടിൽ ബൈ ബാക്ക് സ്കീമിനെ’ നിരവധി ആളുകൾ ചോദ്യം ചെയ്തപ്പോൾ, ഇത്തരം കുപ്പികൾ വനമേഖലയിലും പരിസ്ഥിതിയിലും ഉണ്ടാക്കുന്ന ഗുരുതര പ്രശ്നങ്ങളെക്കുറിച്ച് മറ്റുചിലർ പങ്കുവെച്ചു.
സംഭവത്തിന് പിന്നാലെ വൈൽഡ് ലൈഫ് ആൻഡ് നേച്ചർ കൺസർവേഷൻ ട്രസ്റ്റ് (ഡബ്ല്യുഎൻസിടി) സ്ഥാപകൻ എൻ സാദിഖ് അലി പറയുന്നതിങ്ങന, “വാഹനത്തിനുള്ളിൽ ഇരുന്നു മദ്യം കഴിക്കുന്ന ആളുകൾ വനമേഖലയിൽ കുപ്പികൾ റോഡിലേക്ക് വലിച്ചെറിയുന്നത് ഞങ്ങൾ പതിവായി കാണാറുണ്ട്” എന്നായിരുന്നു.
മൃഗങ്ങൾ കുപ്പികൾ വിഴുങ്ങിയില്ലെങ്കിലും, തകർന്ന കുപ്പികളിൽ ചവിട്ടിയാൽ അത് തീർച്ചയായും കാലുകൾക്ക് ദോഷം ചെയ്യുമെന്ന് അദ്ദേഹം വ്യക്തമാക്കി.
അതുപോലെതന്നെ ചില്ലു കഷ്ണങ്ങൾ തകർന്ന് മൃഗങ്ങൾ നടക്കാൻ ബുദ്ധിമുട്ടുന്ന സംഭവങ്ങളും ഉണ്ടായിട്ടുണ്ട്. എംടിആർ പരിധിയിൽ വരുന്നതിനാൽ മസിനഗുഡിയിലും തെപ്പക്കാടും ടാസ്മാക് കടകൾ അടച്ചിട്ടുണ്ടെങ്കിലും മസിനഗുഡിയിൽ ഏതാനും അനധികൃത ബാറുകൾ പ്രവർത്തിക്കുന്നുണ്ട്. സംഭവത്തിൽ നീലഗിരി കളക്ടർ ലക്ഷ്മി ഭവ്യ തന്നേരു പ്രശ്നം പരിശോധിക്കാൻ ഉദ്യോഗസ്ഥർക്ക് നിർദേശം നൽകണമെന്നും,
എംടിആർ ഫീൽഡ് ഡയറക്ടർ ആർ.കിരുബ ശങ്കർ പറഞ്ഞു, പ്രശ്നം പരിശോധിച്ച് പരിഹരിക്കാൻ മതിയായ നടപടികൾ സ്വീകരിക്കുമെന്നും അദ്ദേഹം വ്യക്തമാക്കി.
