ചെറുപ്പക്കാരില്‍ വര്‍ദ്ധിച്ചുവരുന്ന ഹൃദ്രോഗവും കുഴഞ്ഞുവീണു മരണവുമെല്ലാം വീണ്ടും ആശങ്കകൾ ഉയർത്തുന്ന കാലമാണ്. ആരോഗ്യകരമായ ജീവിതശൈലിയുടെ കാര്യത്തിൽ, ഭക്ഷണം ഒരു പ്രധാന പങ്ക് വഹിക്കുന്നു, അതിവേഗം ചലിക്കുന്ന ലോകത്ത്, നമ്മിൽ പലരും റെഡി-ടു-ഈറ്റ്, പാക്ക് ചെയ്ത ഭക്ഷണങ്ങളെ ആശ്രയിക്കുന്നു. ഈ പാക്കേജുചെയ്ത ഭക്ഷണങ്ങൾ പലതും പാം ഓയിൽ കൊണ്ട് സമ്പുഷ്ടമാണ്, പാം ഓയിലും ഹൃദ്രോഗവും തമ്മിൽ ബന്ധമുണ്ടെന്ന് മുൻകാല പഠനങ്ങൾ തെളിയിച്ചിട്ടുണ്ട്. വേൾഡ് ഇക്കണോമിക് ഫോറത്തിന്റെ കണക്കനുസരിച്ച് ചെറുപ്രായത്തിൽ മരിക്കുന്നവരിൽ 50 ശതമാനവും പ്രമേഹവും ഹൃദ്രോഗവും ബാധിച്ചവരാണ്.
ഒരു പഠനമനുസരിച്ച്, ലോകത്ത് ഏറ്റവും കൂടുതൽ പാമോയിൽ ഇറക്കുമതി ചെയ്യുന്ന രാജ്യമാണ് ഇന്ത്യ. നിങ്ങൾ ലേബലുകൾ സൂക്ഷ്മമായി വായിച്ചാൽ, മിക്ക ഫാസ്റ്റ് ഫുഡുകളും ചിപ്‌സും കുക്കികളും ബിസ്‌ക്കറ്റുകളും ഇന്ത്യയിൽ പാമോയിൽ ഉപയോഗിക്കുന്നു, കാരണം ഇത് വിലകുറഞ്ഞതും ഉൽപാദനച്ചെലവ് കുറയ്ക്കുന്നതുമാണ്. പല പോഷകാഹാര വിദഗ്ധരും പാമോയിൽ, അല്ലെങ്കിൽ പാൽമിറ്റിക് ആസിഡ് അടങ്ങിയ ഉൽപ്പന്നങ്ങൾ ഒഴിവാക്കാൻ നിർദ്ദേശിക്കുന്നു.
മലേഷ്യയില്‍ നിന്നെത്തുന്ന പാം ഓയില്‍ . ഇന്ത്യയിലെ ഏത് മാര്‍ക്കറ്റിലും പാമോയില്‍ ഇന്ന് സുലഭമാണ്. ഇതിനുള്ള പ്രധാന കാരണം ഇന്ത്യന്‍ കര്‍ഷകര്‍ ഉത്പാദിപ്പിക്കുന്ന കടുക് അല്ലെങ്കില്‍ വെളിച്ചെണ്ണ പോലെയുള്ള എണ്ണകളെ അപേക്ഷിച്ച് പാം ഓയിലിന്റെ വില വളരെ കുറവാണ്. ഇതോടെ കര്‍ഷകര്‍ക്ക് അവരുടെ എണ്ണകള്‍ക്ക് ന്യായമായ വില ലഭ്യമാകാതെ വരുകയും മറുഭാഗത്ത് ആരോഗ്യത്തിന് ഹാനികരമാകുന്ന പാമോയിലിന്റെ ഇറക്കുമതി വര്‍ധിച്ചുവരുകയും ചെയ്യുന്നു.
പാം ഓയിലില്‍ ഉയര്‍ന്ന തോതിലുള്ള ട്രാന്‍സ് ഫാറ്റ് അടങ്ങിയിട്ടുണ്ട്, ഇത് ഹൃദ്രോഗ സാധ്യത വര്‍ദ്ധിപ്പിക്കുമെന്ന് ഗവേഷണങ്ങള്‍ സൂചിപ്പിക്കുന്നു. ഈ എണ്ണ പതിവായി കഴിക്കുന്നത് ഹൃദയാഘാതം, ഉയര്‍ന്ന രക്തസമ്മര്‍ദ്ദം എന്നിവയ്ക്ക് കാരണമാകും. ശുദ്ധീകരിച്ച എണ്ണകള്‍ ഉപയോഗിക്കുന്ന കുടുംബങ്ങള്‍ ഹൃദയ സംബന്ധമായ പ്രശ്നങ്ങള് കൂടുതലായി നേരിടുന്നു, കാരണം പാമോയില്‍ പലപ്പോഴും ആരോഗ്യകരമായ എണ്ണകളുമായി കലര്‍ത്തി ഉപഭോക്താക്കള്‍ക്ക് വില്‍ക്കപ്പെടുന്നു. ഹൃദയാരോഗ്യത്തിൽ പാം ഓയിലിന്റെ സ്വാധീനം പൂർണ്ണമായി മനസ്സിലാക്കാൻ കൂടുതൽ ഗവേഷണം ആവശ്യമാണെന്നും വാദങ്ങളുണ്ട്.
ഇത് കേള്‍ക്കുമ്പോള്‍ ഏത് എണ്ണയാണ് ഉപയോഗിക്കണ്ടത് എന്ന കാര്യത്തില്‍ സംശയമുണ്ടാകും. ശുദ്ധമായ എണ്ണകള്‍-കടുക്, നിലക്കടല, അല്ലെങ്കില്‍ വെളിച്ചെണ്ണ, ഒലിവ് എന്നിവ ഉപയോഗിക്കുന്നതാണ് ഏറ്റവും അനുയോജ്യം. ഈ എണ്ണകളില്‍ പ്രോട്ടീനുകളും ആരോഗ്യത്തിന് ഗുണം ചെയ്യുന്ന മറ്റ് പോഷകങ്ങളും അടങ്ങിയിട്ടുണ്ട്. ഓര്‍ക്കുക എണ്ണ ഏതാണങ്കിലും അമിതമായി ഉപയോഗിക്കുന്നത് ആരോഗ്യത്തിന് നന്നല്ല. പാം ഓയിൽ വെണ്ണയേക്കാൾ ആരോഗ്യകരമാണ്, പക്ഷേ ഇത് കൊളസ്ട്രോൾ വർദ്ധിപ്പിക്കും, അതിനാൽ ഒഴിവാക്കണം.
ആരോഗ്യകരവും പ്രകൃതിദത്തവുമായ എണ്ണകള്‍ തിരഞ്ഞെടുക്കുന്നതിലൂടെ, നമ്മുടെയും നമ്മുടെ കുടുംബങ്ങളുടെയും ആരോഗ്യം സംരക്ഷിക്കാന്‍ കഴിയും. നമ്മുടെ ഭക്ഷണത്തില്‍ ഏതൊക്കെ എണ്ണകള്‍ ഉള്‍പ്പെടുത്തണം, ഏതൊക്കെ എണ്ണകള്‍ ഒഴിവാക്കണം എന്നതിനെക്കുറിച്ച് അവബോധം വളര്‍ത്തേണ്ടത് പ്രധാനമാണ്.
