കുഞ്ഞുങ്ങളുടെ വളര്‍ച്ചാഘട്ടങ്ങള്‍ ഗര്‍ഭാവസ്ഥയില്‍ തന്നെയാണ് ആരംഭിയ്ക്കുന്നത്. ഗര്‍ഭാവസ്ഥയില്‍ ഇരിക്കുമ്പോള്‍ തന്നെ കുഞ്ഞിന്റെ ചര്‍മ്മവും രൂപപ്പെട്ട് തുടങ്ങുകയാണ്. ഒരു 9 മാസം ആകുമ്പോഴേയ്ക്കും കുഞ്ഞിന്റെ ചര്‍മ്മമെല്ലാം രൂപപ്പെട്ട് കഴിഞ്ഞിട്ടുണ്ടാകും. അതുകൊണ്ട് തന്നെ കുട്ടികളുടെ ചര്‍മ്മ രൂപീകരണത്തിനായി ഗര്‍ഭാവസ്ഥയില്‍ വെച്ച് തന്നെ കരുതല്‍ വേണം. ഇതിനായി എന്തൊക്കെ കാര്യങ്ങളാണ് ശ്രദ്ധിയ്ക്കേണ്ടതെന്ന് നോക്കാം…..
- പാരമ്പര്യവും പോഷകങ്ങളും ഒരു ഘടകം – ഓരോ സ്റ്റേജിലൂടെ കടന്ന് പോകുമ്പോള്‍ കുഞ്ഞിന്റെ ചര്‍മ്മത്തിന്റെ ആരോഗ്യം നിര്‍ണ്ണയിക്കുന്ന ചില ഘടകങ്ങളുണ്ട്. അവയില്‍ പ്രധാനപ്പെട്ടതാണ് പാരമ്പര്യവും അതുപോലെ തന്നെ ഗര്‍ഭിണികള്‍ കഴിക്കുന്ന ആഹാരത്തില്‍ നിന്നും ലഭിക്കുന്ന പോഷകങ്ങളും. നല്ല പോഷക സമ്പന്നമായ ആഹാരങ്ങള്‍ കഴിക്കുകയും അതുപോലെ, നല്ല ഹെല്‍ത്തി ലൈഫ്സ്‌റ്റൈല്‍ പിന്തുടര്‍ന്നാല്‍ മാത്രമാണ് കുഞ്ഞിനും നല്ല ആരോഗ്യകരമായിട്ടുള്ള ചര്‍മ്മം സ്വന്തമാക്കാന്‍ നിങ്ങള്‍ക്ക് സാധിക്കുകയുള്ളൂ. ഇതിനായി നല്ലപോലെ പഴം പച്ചക്കറികളും പ്രോട്ടീനും കാല്‍സ്യവുമെല്ലാം അടങ്ങിയ ആഹാരങ്ങള്‍ ശീലമാക്കുന്നത് നല്ലതാണ്. എപ്പോഴും കുഞ്ഞിന്റെ ആരോഗ്യത്തിനായി സ്വന്തമായി ഡയറ്റ് നിശ്ചയിച്ച് കഴിക്കുന്നതിനേക്കാള്‍ എന്തുകൊണ്ടും നല്ലത് ഡോക്ടര്‍ എന്താണോ നിര്‍ദ്ദേശിക്കുന്നത് അത്തരം ആഹാരങ്ങള്‍ പരമാവധി കഴിക്കാന്‍ ശ്രമിക്കുന്നതാണ്.
- കുഞ്ഞിന്റെ ചര്‍മ്മ രൂപീകരണം – 24-ാം ആഴ്ച്ച എത്തുമ്പോള്‍ മുതല്‍ കുഞ്ഞിന്റെ ചര്‍മ്മം മുതല്‍ ഓരോ അവയവങ്ങള്‍ വളര്‍ച്ച പ്രാപിക്കാന്‍ ആരംഭിക്കും. ഓരോ മാസം പിന്നിടും തോറും കുഞ്ഞിന്റെ ചര്‍മ്മത്തിലും അതിനനുസരിച്ചുള്ള മാറ്റങ്ങള്‍ വന്ന് തുടങ്ങും. ചര്‍മ്മത്തിന്റെ ഓരോ പാളികളായി ഓരോ ഘട്ടത്തില്‍ എത്തുമ്പോള്‍ കുഞ്ഞിന് രൂപപ്പെട്ട് വരുന്നു. തുടക്കത്തില്‍ അഥായത് ഗര്‍ഭാവസ്ഥയുടെ ആദ്യ trimester-ല്‍ പുറത്തെ ലെയറിലേയ്ക്കുള്ള കോശങ്ങള്‍ രൂപപ്പെട്ട് വരുന്നു. ഇത്തരത്തില്‍ വരുന്നതിനെയാണ് എക്‌റ്റോഡേം എന്ന് പറയുന്നത്. ഇതേ സമയത്ത് തന്നെ പല അവയവങ്ങളും വികസിച്ച് വരുന്നു. എക്‌റ്റോഡേം കോശങ്ങള്‍ ഒരു പരന്ന പാളിപോലെ തുടക്കത്തില്‍ കാണപ്പെടുകയും പിന്നീട് ഇത് ചര്‍മ്മത്തിന്റെ പുറം പാളിയായി മാറുകയും ചെയ്യുന്നു.
- മെലാനിന്‍ ഉല്‍പാദനം – നമ്മളുടെ ശരീരത്തിലെ മെലാനിന്റെ അളവാണ് ചര്‍മ്മത്തിന് നിറം നല്‍കുന്നതില്‍ പ്രധാന പങ്ക് വഹിക്കുന്നത് എന്ന് നമുക്ക് അറിയാം. ഗര്‍ഭിണിയായിരിക്കുമ്പോള്‍ ഓരോ ദിവസം കഴിയുമ്പോള്‍ melanocytes കോശങ്ങള്‍ ന്യൂറല്‍ ക്രെസ്റ്റില്‍ നിന്നും എപിഡെര്‍മീസിലേയ്ക്ക് മൂവ് ചെയ്യുന്നു. ഈ കോശങ്ങളാണ് ശരീരത്തില്‍ മെലാനില്‍ ഉല്‍പാദനത്തിന് സഹായിക്കുന്നത്. ഇത് കുഞ്ഞിന് നിറം നല്‍കുന്നതിനും അതുപോലെ, മുടിയ്ക്കും കണ്ണുകള്‍ക്കും നിറം നല്‍കുന്നതിനും സഹായിക്കുന്നുണ്ട്.
- പിന്നീടുള്ള വളര്‍ച്ച – സെക്കന്റ് ട്രൈസ്റ്റര്‍ മുതല്‍ വിയര്‍പ്പ് ഗ്രന്ഥികളും അതുപോലെ, മുടി വളരുന്ന കോശങ്ങളും രൂപാന്തരപ്പെടാന്‍ ആരംഭിക്കുന്നു. ഇത് മൂന്നാമത്തെ ട്രൈംസ്റ്റര്‍ എത്തുമ്പോഴേയ്ക്കും ചര്‍മ്മം അത്യാവശ്യത്തിന് കട്ടി വെച്ച് വരികയും ഫാറ്റ് സെല്‍സ്, ബ്ലഡ് വെസ്സല്‍സ്, നെര്‍വ്‌സ് എന്നിവയെല്ലാം തന്നെ രൂപാന്തരപ്പെടാനും തുടങ്ങുന്നു. പലരും സ്വന്ത ഇഷ്ടപ്രകാരമുള്ള ഡയറ്റ് പാറ്റേണ്‍ പിന്തുടരുന്നത് കാണാം. അതുപോലെ, കുട്ടിയുടെ ചര്‍മ്മ സംരക്ഷണത്തിന് ചെയ്യേണ്ട കാര്യങ്ങള്‍ക്കായി സോഷ്യല്‍ മീഡിയ ആശ്രയിക്കാതെ നിങ്ങളുടെ ആരോഗ്യസ്ഥിതി പരിശോധിച്ച് അതിനൊത്ത ആഹാരങ്ങള്‍ പരമാവധി കഴിക്കാന്‍ ശ്രദ്ധിക്കുക.
