ഓരോരോ രാജ്യങ്ങളിലും തനത് ആത്മീയതയും വിശ്വാസങ്ങളുുണ്ട്. ഇന്ത്യയോട് ചേര്‍ന്നുകിടക്കുന്ന നേപ്പാളില്‍ തലസ്ഥാന നഗരമായ കാഠ്മണ്ഡുവില്‍ പല്ലുവേദനയുടെ രക്ഷാധികാരിയായ ദേവിയുണ്ട്. ഇവിടെ വൈശാ ദേവിയുടെ ഒരു പ്രത്യേക ആരാധനാലയമുണ്ട്. അവിടെ ദന്തസംബന്ധമായ പ്രശ്നങ്ങളാല്‍ ബുദ്ധിമുട്ടുന്ന ആളുകള്‍ ഒരു പഴയ മരത്തടിയില്‍ നാണയങ്ങള്‍ വഴിപാടായി ഇടുന്നു.
കാഠ്മണ്ഡുവിലെ ഇടുങ്ങിയ തെരുവില്‍, തമേലിനും കാഠ്മണ്ഡു ദര്‍ബാര്‍ സ്‌ക്വയറിനും ഇടയില്‍ സ്ഥിതി ചെയ്യുന്ന പല്ലുവേദന വൃക്ഷം നേപ്പാളിന്റെ തലസ്ഥാനത്തെ വിനോദസഞ്ചാര കേന്ദ്രങ്ങളില്‍ പ്രധാനപ്പെട്ട ഒന്നായി ഇപ്പോള്‍ മാറിയിട്ടുണ്ട്. വൈശാ ദേവ് ക്ഷേത്രത്തിലേത് ബംഗേമുദ എന്നറിയപ്പെടുന്ന പുരാണ വൃക്ഷത്തില്‍ നിന്ന് മുറിച്ച ഒരു കുറ്റിയാണെന്ന് പറയപ്പെടുന്നു. പക്ഷേ ഇത് ഒരു മരമാണെന്ന് പറയാന്‍ കഴിയില്ല. കാരണം അത് പൂര്‍ണ്ണമായും നേപ്പാളീസ് രൂപ നാണയങ്ങള്‍കൊണ്ട് ആണി ഉപയോഗിച്ച് പതിച്ചിരിക്കുന്നു.
ഈ സവിശേഷമായ ദേവാലയത്തിന് യഥാര്‍ത്ഥത്തില്‍ എത്ര പഴക്കമുണ്ടെന്ന് അറിയാന്‍ കഴിയില്ലെങ്കിലും, ഏകദേശം 400 മുതല്‍ 750 വരെ കാഠ്മണ്ഡു താഴ്വരയില്‍ നിലനിന്നിരുന്ന ലിച്ചാവി സാമ്രാജ്യത്തിന്റെ കാലത്താണ് ഇത് ആരംഭിച്ചതെന്ന് ചില സ്രോതസ്സുകള്‍ അവകാശപ്പെടുന്നു. ദശാബ്ദങ്ങളായി കാഠ്മണ്ഡുവില്‍ ആധുനിക ദന്തചികിത്സ ശീലമാക്കിയിട്ടുണ്ടെങ്കിലും, പല്ലുവേദന മരത്തിന്റെ അടുത്ത് ആളുകള്‍ നാണയങ്ങള്‍ നേര്‍ച്ചയിടാന്‍ വരുന്നു. അവരുടെ ദന്ത പ്രശ്‌നങ്ങളില്‍നിന്ന് ദേവി മോചിപ്പിക്കുമെന്ന് പ്രതീക്ഷിക്കുന്നു.
ഈ പുണ്യ മരത്തടിയുടെ പ്രധാന ദ്വാരത്തിനുള്ളില്‍ സ്വര്‍ണ്ണത്തില്‍ കൊത്തിയ ഒരു ചെറിയ വിഗ്രഹം ഉണ്ടെന്നാണ് ഐതിഹ്യം, എന്നാല്‍ ദ്വാരത്തിന്റെ ഉള്ളില്‍ വച്ചിരിക്കുന്ന നാണയങ്ങള്‍മൂല അതിനുള്ളില്‍ എന്താണെന്ന് കാണാന്‍ കഴിയില്ല. എന്നാല്‍ സ്വര്‍ണ്ണവിഗ്രഹം വളരെ മുമ്പ് തന്നെ മോഷ്ടിക്കപ്പെട്ടതാണ്. എന്നാലും ഇത് ഈ ക്ഷേത്രത്തിന്റെ ജനപ്രീതിയെ ഒരു തരത്തിലും ബാധിച്ചില്ല.
കാലക്രമേണ, കാഠ്മണ്ഡുവിലെ പല്ലുവേദന വൃക്ഷം പല്ലുവേദന ബാധിതരെയും അവരുടെ വേദനയില്‍ നിന്ന് മോചനം ലഭിക്കുമെന്ന പ്രതീക്ഷയില്‍ ബിസിനസ്സ് അന്വേഷിക്കുന്ന ദന്തഡോക്ടര്‍മാരെയും ആകര്‍ഷിച്ചു. പ്രാര്‍ത്ഥനകള്‍ നല്ലതാണ്, എന്നാല്‍ കൂടുതല്‍ പ്രായോഗിക സമീപനം തേടുന്ന ആളുകള്‍ക്ക് വൈശാ ദേവ് ദേവാലയത്തിന് ചുറ്റും ഡസന്‍ കണക്കിന് ഡെന്റല്‍ ക്ലിനിക്കുകളുണ്ട്. ഇക്കാലത്ത് അവയില്‍ പലതും ഉണ്ട്, പ്രശസ്തമായ മരത്തടിക്ക് ചുറ്റുമുള്ള പ്രദേശം ഇപ്പോള്‍ നഗരത്തിന്റെ ദന്ത ജില്ല എന്നറിയപ്പെടുന്നു.
