മുംബൈ: ന്യൂസീലന്ഡിനെതിരായ ഏകദിന ക്രിക്കറ്റ് പരമ്പരയ്ക്കുള്ള ഇന്ത്യന് ക്രിക്കറ്റ് ടീമിനെ ഇന്നു പ്രഖ്യാപിച്ചേക്കുമെന്ന് വിവരം. തിരിച്ചുവരവ് പ്രതീക്ഷയില് ഒരുപിടി താരങ്ങള്. ട്വന്റി-20 ലോകകപ്പിനു പിന്നാലെ 2027-ല് രാജ്യാന്തര ക്രിക്കറ്റ് കൗണ്സിലി (ഐ.സി.സി)ന്റെ ഏകദിന ലോകകപ്പും എത്തുന്ന സാഹചര്യത്തില് വെറ്ററന് താരങ്ങളടക്കം നീലപ്പടയില് ഇടംപിടിക്കുമോയെന്നാണ് ആരാധകര് ഉറ്റുനോക്കുന്നത്. അടുത്തിടെ അവസാനിച്ച ദക്ഷിണാഫ്രിക്കയ്ക്കെതിരായ ഏകദിന ക്രിക്കറ്റ് പരമ്പരയില് നിറംമങ്ങിയ ബൗളിങ് നിര അഴിച്ചുപണിയുമോയെന്നതിലാണ് എല്ലാവര്ക്കും ആകാംക്ഷ. ജോലിഭാരം കണക്കിലെടുത്ത് സൂപ്പര് പേസര് ജസ്പ്രീത് ബുംറയ്ക്ക് കിവികള്ക്കെതിരേ വിശ്രമം അനുവദിച്ചേക്കുമെന്നാണു സൂചന. Read More…
