കൊച്ചി: യേശുക്രിസ്തുവിന്റെ അന്ത്യഅത്താഴത്തെ അപമാനിക്കുന്നുവെന്ന ആരോപണത്തെത്തുടര്ന്ന് കൊച്ചി ബിനാലെയിലെ ചിത്രപ്രദര്ശനം രണ്ടു ദിവസത്തേക്കു നിര്ത്തിവച്ചു. ‘ഇടം’ എന്ന പേരില് പ്രദര്ശനം നടക്കുന്ന ഗാര്ഡന് കണ്വന്ഷന് സെന്ററിലെ പ്രദര്ശനമാണു നിര്ത്തിവച്ചത്. ചിത്രത്തിനെതിരേ പ്രതിഷേധമുയര്ന്ന സാഹചര്യത്തിലാണു നടപടി. ടോം വട്ടക്കുഴിയുടെ ‘ദുവാംഗിയുടെ ദുര്മൃത്യു’ എന്ന പെയിന്റിങ്ങിനെതിരെയാണു വിമര്ശനമുയര്ന്നത്. ആവിഷ്കാര സ്വാതന്ത്ര്യത്തിന്റെ പേരില് അന്ത്യഅത്താഴത്തെഅപമാനിക്കുകയാണെന്ന് സിറോ മലബാര്സഭ കുറ്റപ്പെടുത്തിയിരുന്നു. ഇതുസംബന്ധിച്ച് കെ.സി.ബി.സി. ജാഗ്രതാ കമ്മിഷന് മുഖ്യമന്ത്രിക്കും സാംസ്കാരിക മന്ത്രിക്കും പരാതി നല്കിയിരുന്നു. ചിത്രം പ്രദര്ശിപ്പിച്ച ഗാലറിക്കു മുന്നില് കോണ്ഗ്രസിന്റെ പ്രതിഷേധവും നടന്നു. Read More…
