നമ്മുടെ ഫ്രൂട്ട് വിപണിയില് സീസണനുസരിച്ച് വ്യാപകമായി കാണാറുള്ള ഒന്നാണ് സീതപ്പഴം (കസ്റ്റാര്ഡ് ആപ്പിള്). നാട്ടിന്പുറങ്ങളിലാണെങ്കില് ഇതിന്റെ മരങ്ങളും ഇഷ്ടം പോലെ കാണാം. രുചിയോടെ കഴിക്കാവുന്ന ഒരു പഴം എന്നതിലധികം സീതപ്പഴത്തിന് ധാരാളം ആരോഗ്യഗുണങ്ങളുണ്ട്. പലര്ക്കും ഇതിന്റെ ഗുണങ്ങളെപ്പറ്റി കാര്യമായ ധാരണകളില്ലെന്നതാണ് സത്യം. ശരീരത്തിന് വേണ്ട വിറ്റാമിനുകള്, ധാതുക്കള്, അയേണ്, പൊട്ടാസ്യം, മഗ്നീഷ്യം, കോപ്പര് ഇങ്ങനെ ഒരുപിടി ആരോഗ്യഘടകങ്ങളാല് സമ്പന്നമാണ് സീതപ്പഴം. ഉദരസംബന്ധമായ പ്രശ്നങ്ങള് പരിഹരിക്കാനും, ചര്മ്മത്തിന് ഭംഗിയേകാനും തുടങ്ങി ഗൗരവമായ പല രോഗങ്ങളേയും അകറ്റിനിര്ത്താന് സീതപ്പഴത്തിനാകും.
