2023 തീര്‍ച്ചയായും ഷാരുഖ് ഖാന്റെ വര്‍ഷമാണ്. പഠാന്‍ പിന്നാലെ ജവാന്‍ എന്ന കണക്കില്‍ രണ്ട് സൂപ്പര്‍ ഹിറ്റുകളാണ് ഷാരുഖിന്റെതായി ഈ വര്‍ഷം പുറത്തിറങ്ങിയത്. ഇനി ഡങ്കിയാണ് താരത്തിന്റെതായി റിലീസ് ചെയ്യാനുള്ളത്. രാജ്കുമാര്‍ ഹിരാനിയുടെ കോമഡി ഡ്രാമയായ ഡങ്കി ഡിസംബര്‍ 22-ന് ഇന്ത്യയില്‍ റലീസ് ചെയ്യും. ഇന്ത്യന്‍ തിയേറ്ററുകളില്‍ എത്തുന്നതിന് ഒരു ദിവസം മുമ്പ് ഡിസംബര്‍ 21-ന് ചിത്രം വിദേശത്ത് റിലീസ് ചെയ്യുമെന്നാണ് വെളിപ്പെടുത്തല്‍.
ചിത്രത്തിന്റെ ഇന്റര്‍നാഷ്ണല്‍ റിലീസിങ്ങ് പോസ്റ്റര്‍ ഇന്ന് പുറത്തുവിട്ടു. പട്ടാളവേഷം ധരിച്ച ഒരു ബാഗ് കൈയില്‍ പിടിച്ച ഷാരുഖ് ഖാന്‍ കഥാപാത്രത്തിന്റെ പിന്‍വശം പോസ്റ്ററില്‍ കാണാം. രാജ്കുമാര്‍ ഹിരാനിയുമായി ചേര്‍ന്നുള്ള താരത്തിന്റെ ആദ്യ ചിത്രമാണ് ഡങ്കി. തപ്‌സി പന്നു പ്രധാനകഥാപത്രത്തെ അവതരിപ്പിക്കുന്നു.
ജിയോ സ്റ്റുഡിയോസ്, റെഡ് ചില്ലീസ് എന്റര്‍ടൈന്‍മെന്റ്, രാജ്കുമാര്‍ ഹിരാനി ഫിലിസ് എന്നിവരാണ് ഡങ്കിയുടെ പിന്നില്‍. ഇതൊരു കോമഡി ചിത്രമാണെന്നാണ് സൂചന. ലണ്ടന്‍, ബുഡാപെസ്റ്റ, ജിദ്ദ, നിയോം എന്നിവിടങ്ങളിലായിരുന്നു ചിത്രീകരണം.
