കൊമേഡിയന്‍ റസ്സല്‍ ബ്രാന്‍ഡിനെതിരെ ഉയര്‍ന്നിട്ടുള്ള ലൈംഗികാതിക്രമ ആരോപണങ്ങളാണ് ഹോളിവുഡിലെ ഇപ്പോഴത്തെ ഏറ്റവും വലിയ സംസാരവിഷയം. ആരോപണം നിഷേധിച്ചുകൊണ്ട് താരം രംഗത്ത് വന്നിട്ടുണ്ടെങ്കിലും മുന്‍ഭാര്യ കാറ്റിപെറി ബ്രാന്‍ഡിനെക്കുറിച്ച് മുമ്പൊരു മാഗസിന് നല്‍കിയ അഭിമുഖം കുത്തിപ്പൊക്കിയെടുത്തു കൊണ്ടുവന്നിട്ടുണ്ട് ആരാധകര്‍. 2010 ഒക്ടോബര്‍ 23-ന് ഇന്ത്യയില്‍ വച്ച് വിവാഹിതരായ റസ്സലിന്റെയും കാറ്റിയുടേയും വിവാഹം 14 മാസം കൊണ്ട് അവസാനിച്ചിരുന്നു.
ബന്ധം തകരാന്‍ കാരണം പെറിയാണെന്നായിരുന്നു ബ്രാന്‍ഡ് അന്ന് ആരോപിച്ചത്. എന്നാല്‍ വെറുമൊരു
ഒരു ടെക്‌സ്റ്റ് മെസേജ് മാത്രം ഉപയോഗിച്ചാണ് തങ്ങളുടെ വിവാഹബന്ധം റസ്സല്‍ മുറിച്ചതെന്ന് കാറ്റി പഴയ അഭിമുഖത്തില്‍ പറയുന്നു. ”അയാളെ വിവാഹം കഴിച്ചപ്പോള്‍ ഞാന്‍ പ്രണയത്തിലായിരുന്നു. ഡിസംബര്‍ 31, 2011-ന് അദ്ദേഹം എന്നെ വിവാഹമോചനം ചെയ്യുന്നുവെന്ന് പറഞ്ഞ് എനിക്ക് സന്ദേശമയയ്ക്കുകയായിരുന്നു. അതോടെ എല്ലാം കഴിഞ്ഞു.”2013-ല്‍ വോഗിന് നല്‍കിയ അഭിമുഖത്തില്‍ പറഞ്ഞു.
ബ്രാന്‍ഡ്, പെറിയെ ഒരു ‘അതിശയകരമായ വ്യക്തി’ എന്ന് വിശേഷിപ്പിക്കുകയും അവരുടെ പ്രണയം തന്റെ ജീവിതത്തിലെ ‘അരാജകത്വ’ സമയത്താണ് വന്നതെന്നും ഈ വര്‍ഷം ആദ്യം പറഞ്ഞിരുന്നു. 2008-ലെ എംടിവി വിഎംഎയുടെ ചടങ്ങില്‍ 2010-ല്‍ പുറത്തിറങ്ങിയ ഗെറ്റ് ഹിം ടു ദ ഗ്രീക്ക് എന്ന സിനിമയുടെ രംഗങ്ങള്‍ ചെയ്യുന്നതിനിടെയാണ് ഗായകന്‍ ആദ്യമായി ബ്രാന്‍ഡിനെ സ്റ്റേജില്‍ കണ്ടുമുട്ടുന്നത്. അടുത്ത വര്‍ഷം നടന്ന എംടിവി വീഡിയോ മ്യൂസിക് അവാര്‍ഡിന് പിന്നാലെ ഇവര്‍ പ്രണയത്തിലായി.
ഒരു വര്‍ഷത്തിനുശേഷം, ഇന്ത്യയിലെ രാജസ്ഥാനിലെ രണ്‍തംബോര്‍ കടുവ സങ്കേതത്തില്‍ നടന്ന ആഡംബര ചടങ്ങില്‍ വിവാഹിതരായി, ബ്രാന്‍ഡ് ആനപ്പുറത്താണ് എത്തിയത്. നിലവില്‍ സ്‌കൈ സ്പോര്‍ട്സ് ബ്രോഡ്കാസ്റ്റര്‍ കിര്‍സ്റ്റിയുടെ സഹോദരി ലോറ ഗല്ലാച്ചറെയാണ് ബ്രാന്‍ഡ് വിവാഹം കഴിച്ചിരിക്കുന്നത്. ദമ്പതികള്‍ക്ക് മൂന്ന് കുട്ടികളുണ്ട്. പെറി, 2019 ല്‍ നടന്‍ ഒര്‍ലാന്‍ഡോ ബ്ലൂമുമായി വിവാഹനിശ്ചയം നടത്തി, മൂന്ന് വയസ്സുള്ള ഡെയ്സി ഡോവിന്റെ മാതാപിതാക്കളാണ് ദമ്പതികളിപ്പോള്‍.
