കുഞ്ഞു ജനിയ്ക്കുന്നതിനു മുന്‍പു തന്നെ കുഞ്ഞിന്റെ ആരോഗ്യ, സൗന്ദര്യ കാര്യങ്ങളില്‍ ശ്രദ്ധിയ്ക്കുന്നവരാണ് എല്ലാവരും. കുഞ്ഞിനു ബുദ്ധിയുണ്ടാകാനും നിറം വര്‍ദ്ധിപ്പിയ്ക്കാനും ഗര്‍ഭിണിയാകുമ്പോള്‍ തന്നെ കുങ്കുമപ്പൂ പോലുള്ളവ അമ്മമാര്‍ കഴിയ്ക്കുന്നവരുമാണ്.
കുഞ്ഞു ജനിച്ചു കഴിഞ്ഞാലും കുഞ്ഞിന്റെ നിറം വര്‍ദ്ധിപ്പിയ്ക്കാന്‍ പല വഴികളും നോക്കുന്നവരാണ് പലരും. ഇതിനായി കൃത്രിമ വഴികള്‍ ഉപയോഗിയ്ക്കരുത്. കാരണം കുഞ്ഞുങ്ങളുടെ ചര്‍മം ഏറെ സെന്‍സിറ്റീവാണ്. ഇതു കൊണ്ടു തന്നെ കൃത്രിമമായ വസ്തുക്കളുടെ ഉപയോഗം ദോഷം വരുത്തുകയും ചെയ്യും. കുട്ടികളുടെ ചര്‍മത്തിന്റെ മൃദുത്വവും നിറവുമെല്ലാം വര്‍ദ്ധിപ്പിയ്ക്കാന്‍ ഈ വഴി പരീക്ഷിക്കാവുന്നതാണ്…
ഉരുക്കു വെളിച്ചെണ്ണ – നല്ല ശുദ്ധമായ വെളിച്ചെണ്ണയാണ് ഇതിനു വേണ്ടത്. ഉരുക്കു വെളിച്ചെണ്ണ അഥവാ വിര്‍ജിന്‍ കോക്കനട്ട് ഓയില്‍ ഏറെ നല്ലതാണ്. ഇത് വീട്ടില്‍ തന്നെ തയ്യാറാക്കുന്നതാണ് കൂടുതല്‍ നല്ലത്. യാതൊരു കലര്‍പ്പും മായവുമില്ലാത്ത വെളിച്ചെണ്ണ തന്നെയാണ് കുഞ്ഞു ചര്‍മത്തിന് ഏറെ ഗുണകരം. ഇതിലെ ആരോഗ്യകരമായ കൊഴുപ്പുകള്‍ അതായത് മോണോ സാച്വറേറ്റഡ് ഫാറ്റി ആസിഡുകള്‍ ചര്‍മത്തിന് നിറവും തിളക്കവുമെല്ലാം നല്‍കാന്‍ ഏറെ നല്ലതാണ്.
കറ്റാര്‍ വാഴ, കസ്തൂരി മഞ്ഞള്‍ – വെളിച്ചെണ്ണയ്‌ക്കൊപ്പം കറ്റാര്‍ വാഴ, കസ്തൂരി മഞ്ഞള്‍ എന്നിവയും ഈ പ്രത്യേക വെളിച്ചെണ്ണക്കൂട്ടില്‍ ഉപയോഗിയ്ക്കുന്നുണ്ട്. കറ്റാര്‍ വാഴയ്ക്ക് ആരോഗ്യഗുണങ്ങള്‍ ഏറെയുണ്ട്. ഇതിലെ ആന്റിഓക്‌സിഡന്റുകളും വൈറ്റമിന്‍ ഇയുമെല്ലം ആരോഗ്യത്തിന് ഏറെ ഗുണകരമാണ്. ആരോഗ്യത്തിനു മാത്രമല്ല, ചര്‍മ, മുടി സംരക്ഷണത്തിനും ഉത്തമമായ ഒന്നാണ് പല ചര്‍മ പ്രശ്‌നങ്ങള്‍ക്കുമുള്ള നല്ലൊരു മരുന്നാണ് കറ്റാര്‍ വാഴ.
കസ്തൂരി മഞ്ഞള്‍ – വെളുപ്പിനും ചര്‍മ പ്രശ്‌നങ്ങള്‍ക്കും ഒരുപോലെ ഫലപ്രദമാണ് കസ്തൂരി മഞ്ഞള്‍. വെളുക്കാന്‍ പരമ്പരാഗത കാലം മതുല്‍ തന്നെ മുതിര്‍ന്നവര്‍ക്കും കുട്ടികള്‍ക്കും കസ്തൂരി മഞ്ഞള്‍ കൊണ്ടുള്ള കൂട്ടുകള്‍ ഉപയോഗിയ്ക്കാറുണ്ട്. വെളുപ്പിന് മാത്രമല്ല, ചര്‍മത്തിലുണ്ടാകുന്ന അലര്‍ജികള്‍ക്കും പാടുകള്‍ക്കുമെല്ലാം നല്ലൊരു പരിഹാരമാണ് കസ്തൂരി മഞ്ഞള്‍.
തയ്യാറാക്കേണ്ട വിധം – ഉരുക്കു വെളിച്ചെണ്ണയില്ലെങ്കില്‍ വീട്ടില്‍ തന്നെ തയ്യാറാക്കിയ ആട്ടിയ വെളിച്ചെണ്ണ ഉപയോഗിയ്ക്കുന്നതാകും, കൂടുതല്‍ നല്ലത്. ഇത് വേണ്ട അളവില്‍ എടുത്ത് കുറഞ്ഞ തീയില്‍ നല്ലപോലെ ചൂടാക്കുക. എതാണ്ട് 20 മിനിറ്റോളം ഇതു ചൂടാക്കണം. ഇതിലെ വെള്ളത്തിന്റെ അംശം കളയാന്‍ വേണ്ടിയാണ് ചൂടാക്കുന്നത്. കറ്റാര്‍ വാഴ ഇതിലേയ്ക്ക് അരിഞ്ഞിടുക. വശത്തെ മുള്ളു മാറ്റി കനം കുറഞ്ഞ കഷ്ണങ്ങളാക്കി ഇത് അരിഞ്ഞിടുന്നതാണു നല്ലത്. ഇത് വെളിച്ചെണ്ണില്‍ മുറിച്ചിട്ട് കുറഞ്ഞ തീയില്‍ 40 മിനിറ്റോളം അല്ലെങ്കില്‍ കറ്റാര്‍ വാഴ കഷ്ണങ്ങള്‍ നല്ല ബ്രൗണ്‍ നിറമാകുന്നതു വരെ തിളപ്പിയ്ക്കുക. കരിയാതിരിയ്ക്കാന്‍ ശ്രദ്ധിയ്ക്കണം. ഈ എണ്ണ വാങ്ങി വയ്ക്കുക. ഇതിലേയ്ക്ക് ചൂട് അല്‍പം ആറുമ്പോള്‍ ഊറ്റി കറ്റാര്‍ വാഴ മാറ്റി കുറച്ച് കസ്തൂരി മഞ്ഞള്‍ പൊടി ചേര്‍ത്തിളക്കണം. 200 എംഎല്‍ തയ്യാറാക്കിയെടുത്ത വെളിച്ചെണ്ണയില്‍ 1 സ്പൂണ്‍ കസ്തൂരി മഞ്ഞള്‍ എന്ന രീതിയിലാണ് ചേര്‍ക്കേണ്ടത്. നല്ല ചൂടോടെ ചേര്‍ക്കരുത്. അതേ സമയം തണുക്കുകയുമരുത്. ഇളം ചൂടില്‍ കസ്തൂരി മഞ്ഞള്‍ പൊടി ചേര്‍ത്തിളക്കുക. ഇളം മഞ്ഞ നിറത്തിലെ ഈ എണ്ണ നല്ല പോലെ ആറിയ ശേഷം കുപ്പിയില്‍ ഒഴിച്ചു സൂക്ഷിയ്ക്കാം. ഇത് സ്ഥിരമായി തേച്ചു കുട്ടികളെ കുളിപ്പിച്ചാല്‍ ചര്‍മ നിറത്തിനു നല്ല വ്യത്യാസം കാണാം. കുട്ടികളുടെ ചര്‍മത്തിന്റെ നിറം വര്‍ദ്ധിപ്പിയ്ക്കാന്‍ കുട്ടികളുടെ ചര്‍മത്തിന്റെ നിറം വര്‍ദ്ധിപ്പിയ്ക്കാന്‍ മാത്രമല്ല, അലര്‍ജിയും ചുവന്ന തടിപ്പുകളും കുരുക്കളുമെല്ലാം മാറാനും ഏറെ നല്ലതാണ് ഈ പ്രത്യേക എണ്ണ.
