മണിയറമുറിയിലെ ശബ്ദവും ബഹളവും കാരണം പൊറുതിമുട്ടിയ അയല്‍ക്കാരി നവദമ്പതിമാര്‍ക്കെഴുതിയ ഒരു കത്ത് സമൂഹമാധ്യമങ്ങളില്‍ വൈറലാകുന്നു. രാത്രി 10മണിക്ക് ശേഷം ദമ്പതികൾ ബഹളം വയ്ക്കുന്നത് നിർത്തണമെന്ന് അഭ്യർത്ഥിച്ച് സോഷ്യൽ മീഡിയ പ്ലാറ്റ്ഫോമായ റെഡ്ഡിറ്റിലാണ് വീട്ടമ്മയുടെ കത്ത്. അയൽക്കാരായ നവദമ്പതികള്‍ ലൈംഗിക ബന്ധത്തില്‍ ഏര്‍പ്പെടുമ്പോള്‍ ഉണ്ടാക്കുന്ന ശബ്ദം അരോചകമെന്നാണ്
അവര്‍ കത്തില്‍ ചൂണ്ടിക്കാട്ടുന്നത്.
ദമ്പതികളുടെ സ്വകാര്യ ജീവിതത്തിൽ ഇടപെടാൻ താന്‍ ആഗ്രഹിക്കുന്നില്ലെങ്കിലും രാത്രികളിൽ അവരുടെ ബഹളം തന്റെ ഉറക്കത്തെയും പഠനത്തെയും തടസ്സപ്പെടുത്തുന്നുണ്ടെന്നാണ് അയൽക്കാരി കത്തിൽ വ്യക്തമാക്കുന്നത്. സ്വന്തം പങ്കാളിയുമായുള്ള സ്വകാര്യ നിമിഷങ്ങൾ ഉൾപ്പെടെ ഒരു കുടുംബ ജീവിതം താനും ആസ്വദിക്കുന്നുണ്ടെന്നും എന്നാൽ മറ്റുള്ളവരെ ശല്യപ്പെടുത്താതെ അത് ചെയ്യാൻ തങ്ങള്‍ ശ്രമിക്കാറുണ്ടെന്നും അവർ കത്തിൽ പറഞ്ഞു.
തന്റെ പ്രവൃത്തികൾ എപ്പോഴെങ്കിലും നവദമ്പതികൾക്ക് അസൗകര്യം ഉണ്ടാക്കിയിട്ടുണ്ടെങ്കിൽ അതില്‍ ക്ഷമ ചോദിക്കുന്നതായും അയൽക്കാരി കത്തിലെഴുതി. പ്രവൃത്തി ദിവസങ്ങളിൽ രാത്രി 10 മണിക്ക് ശേഷം ദമ്പതികൾ കൂടുതൽ ശബ്ദമുണ്ടാക്കുന്നതരത്തിലുള്ള ലൈംഗിക വേഴ്ച കുറയ്ക്കണമെന്നാണ് അയൽക്കാരിയുടെ പ്രധാന ആവശ്യം.
