സാധാരണ ഒരാള് മികവിലേക്കുള്ള കുതിപ്പ് തുടങ്ങുന്ന പ്രായമാണ് 24 വയസ്സെന്ന് ആരും പറയും. പക്ഷേ അഫ്ഗാനിസ്ഥാന് ബൗളര് നവീന് ഉള് ഹഖിന് ഇപ്പോള് തന്നെ ക്രിക്കറ്റ് കളി മതിയായപോലെയാണ്. ഇന്ത്യയില് നടക്കുന്ന ക്രിക്കറ്റ് ലോകകപ്പ് തന്റെ ഏകദിനത്തിലെ അവസാന മത്സരങ്ങളായിരിക്കുമെന്നും ലോകകപ്പിന് ശേഷം ക്രിക്കറ്റിന്റെ ഏകദിന ഫോര്മാറ്റില് നിന്നും വിരമിക്കുമെന്നും നവീന് പറഞ്ഞു. ലോകമെമ്പാടുമുള്ള ക്രിക്കറ്റ് ആരാധകരെ അമ്പരപ്പിക്കുന്ന തന്റെ തീരുമാനം 24 കാരനായ പേസര് വെളിപ്പെടുത്തിയത് ഇന്സ്റ്റാഗ്രാമിലൂടെയാണ്.രാജ്യത്തെ പ്രതിനിധീകരിക്കാനുള്ള ബഹുമതിക്ക് നന്ദി രേഖപ്പെടുത്തിയ നവീന് ടി20 ക്രിക്കറ്റില് രാജ്യത്തിന്റെ ജഴ്സിയില് ഇനിയും കാണുമെന്ന് ആരാധകര്ക്ക് ഉറപ്പ് നല്കിയിട്ടുണ്ട്. കളിജീവിതം സംബന്ധിച്ച കടുത്ത തീരുമാനം എടുക്കേണ്ടി വന്നെന്നും ആരാധകരുടെ പിന്തുണയ്ക്കും അചഞ്ചലമായ സ്നേഹത്തിനും നന്ദി രേഖപ്പെടുത്തുന്നതായും താരം ഇന്സ്റ്റയില് കുറിച്ചിട്ടുണ്ട്. അതേസമയം 24-ാം വയസ്സില് വിരമിക്കാനുള്ള നവീന്റെ തീരുമാനം പല ക്രിക്കറ്റ് പ്രേമികളെയും അത്ഭുതപ്പെടുത്തിയിട്ടുണ്ട്. 2023-ലെ ഏഷ്യാ കപ്പില് പങ്കെടുത്ത അഫ്ഗാനിസ്ഥാന് ടീമില് താരം അംഗമായിരുന്നില്ല. എന്നാല് ഒക്ടോബര് 5-ന് ആരംഭിക്കുന്ന ഏകദിന ലോകകപ്പിനുള്ള അഫ്ഗാനിസ്ഥാന് ടീമില് ഉള്പ്പെട്ടിട്ടുണ്ട്. 2023ലെ ഐസിസി ലോകകപ്പില് നവീനും ഇന്ത്യയുടെ സ്റ്റാര് ബാറ്റര് വിരാട് കോഹ്ലിയും തമ്മിലുള്ള പോരാട്ടം ക്രിക്കറ്റ് ലോകം ആകാംക്ഷയോടെ കാത്തിരിക്കുകയാണ്. ഐപിഎല് 2023 ലെ ചൂടേറിയ ഇവരുടെ ഏറ്റുമുട്ടലുകളും ഉരസലുകളും ആരാധകര് മറന്നിരിക്കാന് ഇടയില്ല. ഏഷ്യാകപ്പില് ഇരുവരും ഏറ്റുമുട്ടുമെന്ന് കരുതിയിരുന്നെങ്കിലും ടീമില് നവീന് ഉണ്ടായിരുന്നില്ല. എന്നാല് അഫ്ഗാനിസ്ഥാന്റെ 15 അംഗ ലോകകപ്പ് ടീമിനെ അടുത്തിടെ പ്രഖ്യാപിച്ചത് നവീനിനെ വീണ്ടും ശ്രദ്ധയില്പ്പെടുത്തി. ഇരുവരും തമ്മിലുള്ള ഒരു ശക്തമായ മത്സരം കാണാന് ആരാധകര് കാത്തിരിക്കുകയാണ്.
Related Reading
ശുഭ്മാന്ഗില് സച്ചിന്തെന്ഡുല്ക്കറുടെ 15 വര്ഷം മുമ്പത്തെ റെക്കോഡ് മറികടക്കുമോ?
ഇന്ത്യന് ഓപ്പണര് ശുഭ്മാന്ഗില് ഏകദിനത്തില് ഏറ്റവും മികച്ച ഫോമിലാണ്. ഗില് ഈ ഗീയറില് പോയാല് ഈ കലണ്ടര് വര്ഷം തകരാന് പോകുന്നത് സാക്ഷാല് സച്ചിന് തെന്ഡുല്ക്കറുടെ റെക്കോഡായിരിക്കും. ഓസ്ട്രേലിയയ്ക്ക് എതിരേയുള്ള പരമ്പരയില് ഒരു കലണ്ടര് വര്ഷം 1000 റണ്സ് പൂര്ത്തിയാക്കിയ ശുഭ്മാന് ഇനി ഉന്നമിടുന്നത് 1998 ല് സച്ചിന് തെന്ഡുല്ക്കര് കുറിച്ച നാഴിക്കല്ലാണ്. വെറും 23 വയസ്സിനിടയില് ഈ വര്ഷം കളിച്ച ക്രിക്കറ്റിന്റെ മൂന്ന് ഫോര്മാറ്റിലും സെഞ്ച്വറി നേടി ശുഭ്മാന് കഴിവ് തെളിയിച്ചിരിക്കുകയാണ്. ഇന്ത്യയും ഓസ്ട്രേലിയയും തമ്മിലുള്ള Read More…
ജന്മനാ അന്ധനായ ഈസ്റ്റ്ബംഗാളിന്റെ കട്ട ഫാന്; പ്രദീപ്ദാസ് ഫുട്ബോള് കാണുകയല്ല… കേള്ക്കുകയാണ്
ബംഗാളിലെ ഹൗറാ സ്വദേശിയായ 55 കാരന് പ്രദീപ്ദാസ് ലോകത്തെ ഏറ്റവും സൗന്ദര്യമുള്ള കളിയായ ഫുട്ബോള് മൈതാനത്തിരുന്ന് കാണുകയല്ല കേള്ക്കുകയാണ്. കൊല്ക്കത്തയിലെ വിഖ്യാതക്ലബ്ബ് ഈസ്റ്റ് ബംഗാളിന്റെ കടുത്ത ആരാധകനായ അദ്ദേഹം ജന്മനായ അന്ധനാണ്. ഫുട്ബോളിനെയും തന്റെ ക്ലബ്ബിനേയും നെഞ്ചോട് ചേര്ക്കുന്ന ദാസ് എല്ലാവരും ഫുട്ബോള് കാണുമ്പോള് അദ്ദേഹം അത് കേള്ക്കും. മൈതാനത്ത് റഫറിയുടെ വിസിലുകളാണ് ദാസിന്റെ ഫുട്ബോള്കാഴ്ചകള്. ഈസ്റ്റ്ബംഗാളിന്റെ മെറൂണും മഞ്ഞയും ജഴ്സി ദാസ് കാണുന്നത് അകക്കാഴ്ചയിലാണ്. പ്രധാന കളിക്കാരെക്കുറിച്ചും പുതിയതായി വരുന്ന താരങ്ങളെക്കുറിച്ചുമെല്ലാം അപ്ഡേറ്റ്ഡാണ്. വിസിലുകള് എന്നെ Read More…
ധോണിയോട് തോറ്റതുകൊണ്ട് സഞ്ജുവിന് കുഴപ്പമുണ്ടോ? രാജസ്ഥാന്റെ പ്ളേഓഫ് സാധ്യത അടഞ്ഞോ?
ഇന്ത്യന് പ്രീമിയര് ലീഗില് ആരൊക്കെ ജയിച്ചാലും തോറ്റാലും മലയാളികളുടെ നോട്ടം മുഴുവന് രാജസ്ഥാന് റോയല്സ് പ്ളേഓഫില് എത്തുമോ എന്നതാണ്. അതിന് കാരണം നമ്മുടെ പ്രിയപ്പെട്ട സഞ്ജു സാംസണ് തന്നെയാണ്. സഞ്ജു കപ്പുയര്ത്തുന്നത് കാണാന് കാത്തിരിക്കുന്ന ആരാധകര്ക്ക് ടീമിന്റെ സമീപകാല പ്രകടനം നേരിയ സമ്മര്ദ്ദം ഉണ്ടാക്കുന്നുണ്ട്. കഴിഞ്ഞദിവസം ചെന്നൈ സൂപ്പര് കിംഗ്സിനോടു കൂടി ആര് ആര് തോറ്റതോടെ രാജസ്ഥാന്റെ പ്ളേ ഓഫ് സാധ്യതക അവസാനിച്ചോ എന്ന് ആശങ്ക അവരില് ശക്തമാണ്. 12 മത്സരങ്ങളില് എട്ടു വിജയവുമായി 16 പോയിന്റില് Read More…