ഇന്ത്യയിലെ വന്‍ നഗരങ്ങളിലെ മണിക്കൂറുകളോളം വരുന്ന ട്രാഫിക്ക് ജാമുകള്‍ ആള്‍ക്കാര്‍ക്ക് ഉണ്ടാക്കുന്ന വിരസത ചില്ലറയല്ല. എന്നാല്‍ മുംബൈയിലെ ഒരു ഓട്ടോ ഡ്രൈവര്‍ നഗരത്തിലെ കുപ്രസിദ്ധമായ ട്രാഫിക് ജാമുകളില്‍ തന്റെ ആലാപന കഴിവ് പ്രദര്‍ശിപ്പിച്ച് വൈറലായി മാറി.
ഹാസ്യനടന്‍ സമയ് റെയ്‌ന സോഷ്യല്‍ മീഡിയ പ്ലാറ്റ്‌ഫോമായ എക്‌സില്‍ പങ്കിട്ട ഈ ശ്രദ്ധേയമായ നിമിഷത്തിന്റെ വീഡിയോ അതിവേഗം വൈറലായി മാറിയിരിക്കുകയാണ്. സത്യമാന്‍ എന്ന് സ്വയം പരിചയപ്പെടുത്തുന്ന ഓട്ടോ ഡ്രൈവര്‍ തന്റെ ഓട്ടോറിക്ഷയെ കരോക്കെഗാനമേളയ്ക്കുള്ള വേദിയാക്കി മാറ്റുന്നതാണ് വീഡിയോയില്‍ കാണുന്നത്. തന്റെ വാഹനത്തില്‍ ഒരു മൈക്രോഫോണും സ്പീക്കറും ഘടിപ്പിച്ചിട്ടുള്ള അദ്ദേഹം അന്ധേരിയിലെ ട്രാഫിക് സിഗ്‌നലില്‍ കുടുങ്ങിയ യാത്രക്കാരെ രസിപ്പിക്കാന്‍ തന്റെ സവിശേഷ മികവ് ഉപയോഗിക്കുന്നതിന്റെ വീഡിയോയാണ് എക്‌സില്‍ എത്തിയിരിക്കുന്നത്.
ട്രാഫിക് ജാമിന് നടുവില്‍ പോലും ഉയര്‍ന്നുവരാന്‍ കഴിയുന്ന സന്തോഷവും സര്‍ഗ്ഗാത്മകതയും പ്രദര്‍ശിപ്പിക്കുന്ന വീഡിയോയ്ക്ക് ആളുകള്‍ക്കിടയില്‍ നല്ല പ്രതികരണമുണ്ടായി. സത്യമാന്റെ പ്രതിഭയെയും മികച്ച പ്രകടനം പുറത്തെടുക്കാനുള്ള അദ്ദേഹത്തിന്റെ അതുല്യമായ സമീപനത്തെയും റെയ്‌ന പ്രശംസിച്ചു.
പാട്ടിനോടുള്ള സത്യമാന്റെ അഭിനിവേശവും സിഗ്‌നലിനായി കാത്തിരിക്കുമ്പോള്‍ ആളുകളുടെ മുഖത്ത് പുഞ്ചിരി കൊണ്ടുവരാനുള്ള സന്നദ്ധതയും സോഷ്യല്‍ മീഡിയയില്‍ പ്രശംസയും കൈയടിയും നേടി.
വീഡിയോ കാണാന്‍ ഈ ലിങ്ക് ക്ലിക്ക് ചെയ്യുക
