ഐറ്റാനാ ലോപ്പസ് എന്ന ഫിറ്റ് ഐറ്റാന ഇന്‍സ്റ്റാഗ്രാമില്‍ എത്തിയിട്ട് നാല് മാസമേ ആയിട്ടുള്ളൂ, എന്നാല്‍ അവള്‍ക്ക് ഇതിനകം 110,000-ത്തിലധികം ഫോളോവേഴ്സ് ഉണ്ട്, കൂടാതെ പ്രതിമാസം 4,000-ത്തിലധികം ഡോളര്‍ വരുമാനവും നേടുന്നു. നിലവിലില്ലാത്ത ഒരാള്‍ക്ക് ഇത് അത്ര മോശം പ്രതിഫലമല്ല. കുറച്ചു വര്‍ഷങ്ങളായി ഇന്റര്‍നെറ്റിലെ സംസാര വിഷയം നിര്‍മ്മിത ബുദ്ധിയും വിര്‍ച്വല്‍ മോഡലുകളുമാണ്. ആര്‍ട്ടിഫിഷ്യല്‍ ഇന്റലിജന്‍സിന്റെ ആവിര്‍ഭാവം വെര്‍ച്വല്‍ മോഡലുകള്‍ക്ക് കൂടുതല്‍ യാഥാര്‍ത്ഥ്യബോധവും ജനപ്രിയതയും നല്‍കി.
ഡിജിറ്റല്‍ സ്വാധീനം ചെലുത്തുന്നവരുടെ പുതിയ തരംഗത്തിന്റെ എഐ സൃഷ്ടിച്ച ഏറ്റവും മികച്ച പ്രതിനിധിയാണ് ബാഴ്സലോണയില്‍ നിന്നുള്ള പിങ്ക് മുടിയുള്ള ഐറ്റാന എന്ന സുന്ദരി. മാസങ്ങള്‍ക്കുള്ളിലാണ് ഐറ്റാന 100 കെയിലധികം ഫോളോവേഴ്സിനെ ആകര്‍ഷച്ചത്. അവളുടെ ഓരോ ഫോട്ടോയും പതിനായിരക്കണക്കിന് ലൈക്കുകളും നൂറുകണക്കിന് കമന്റുകളും നേടുന്നു. അവളുടെ ജനപ്രീതി അവളുടെ സ്രഷ്ടാക്കള്‍ക്ക് സ്ഥിരമായി പ്രതിമാസം 4,000 ഡോളറില്‍ കൂടുതല്‍ വരുമാനം നേടിക്കൊടുക്കുന്നതായിട്ടാണ് അവകാശവാദം.
ബാഴ്സലോണ ആസ്ഥാനമായുള്ള കമ്മ്യൂണിക്കേഷന്‍ ഏജന്‍സിയായ ദി ക്ലൂലെസിന്റെ ആശയമാണ് എയ്റ്റാന ലോപ്പസ്. യാത്രാ ചെലവുകളും താമസവും പോലെ യഥാര്‍ത്ഥ മോഡലുകളെ ഉപയോഗിക്കുന്നത് ചിലവേറ്റുന്നതിനാല്‍ വെര്‍ച്വല്‍ മോഡല്‍ എന്ന കാര്യത്തിലേക്ക് നിക്ഷേപം നടത്താന്‍ മാനേജ്‌മെന്റ് തീരുമാനിക്കുകയായിരുന്നു. ഐറ്റാന പ്രത്യക്ഷത്തില്‍ വന്‍ ഹിറ്റാണ്. ആകര്‍ഷകത്വം മാത്രമല്ല, രൂപം ഫാഷന്‍, വ്യക്തിത്വവും എന്നിങ്ങനെ ആധുനിക ഓണ്‍ലൈന്‍ ട്രെന്‍ഡുകള്‍ക്ക് അനുയോജ്യമാണെന്ന് ഉറപ്പാക്കിയാണ് ഏജന്‍സി ഐറ്റാനയെ അവതരിപ്പിച്ചത്. ഇന്‍സ്റ്റാഗ്രാം പോലുള്ള സോഷ്യല്‍ മീഡിയ പ്ലാറ്റ്ഫോമുകളില്‍ അവളുടെ ജനപ്രീതി ഉറപ്പാക്കി.
സോഷ്യല്‍ മീഡിയയില്‍ നിറഞ്ഞുനില്‍ക്കുന്ന എ.ഐ. ജനറേറ്റഡ് മോഡലുകളില്‍ നിന്ന് ഐതാനയെ വേറിട്ട് നിര്‍ത്തുന്ന ഒരു കാര്യം അവളുടെ മനുഷ്യസമാനമായ രൂപമാണ്. ക്ലൂലെസ് സൃഷ്ടിച്ച നിരവധി വെര്‍ച്വല്‍ മോഡലുകളില്‍ ഒന്ന് മാത്രമാണ് ഐറ്റാന ലോപ്പസ്. ഭാവിയില്‍ മോഡലിംഗിലും ഉള്ളടക്കം സൃഷ്ടിക്കുന്നതിലും അക ഒരു വലിയ പങ്ക് വഹിക്കുമെന്ന് ഏജന്‍സി വിശ്വസിക്കുന്നു. കാരണം ഇത് മനുഷ്യ മോഡലുകള്‍ ഉപയോഗിച്ച് നേടാന്‍ അസാധ്യമായ ഒരു തലത്തിലുള്ള സ്‌പെഷ്യലൈസേഷന്‍ വാഗ്ദാനം ചെയ്യുന്നു. ഈ രീതിയില്‍, ബ്രാന്‍ഡുകള്‍ക്ക് അവരുടെ ആവശ്യങ്ങള്‍ക്കും സ്‌പെസിഫിക്കേഷനുകള്‍ക്കും അനുയോജ്യമായ മോഡലുകള്‍ ഉണ്ടാക്കാന്‍ കഴിയും.
