2023 ലെ ഒരു വലിയ ഭൂകമ്പത്തില്‍ വീട് നഷ്ടപ്പെട്ട ഒരു തുര്‍ക്കിക്കാരന്‍ രണ്ട് വര്‍ഷമായി താമസിക്കുന്നത് ഗുഹയില്‍. ഒറ്റയ്ക്ക് താമസിക്കുന്ന ഇയാളുടെ വിശ്വാസം ഇത് ഏതൊരു മനുഷ്യ നിര്‍മ്മിത ഘടനയേക്കാളും സുരക്ഷിതമാണെന്നാണ്.
2023 ഫെബ്രുവരിയില്‍, പതിനായിരക്കണക്കിന് ആളുകളുടെ ജീവന്‍ അപഹരിക്കുകയും സമീപപ്രദേശങ്ങളെ മുഴുവന്‍ അവശിഷ്ടങ്ങളാക്കി മാറ്റുകയും റിച്ചര്‍ സ്കെയിലില്‍ 7.8 രേഖപ്പെടുത്തിയ ഭൂകമ്പത്തില്‍ തെക്കന്‍ തുര്‍ക്കി കുലുങ്ങി. തെക്കന്‍ പ്രവിശ്യയായ ഹതേയില്‍ നിന്നുള്ള മൂന്ന് കുട്ടികളുടെ പിതാവായ അലി ബോസോഗ്ലാന് ഫെബ്രുവരി 6 ലെ ഭൂകമ്പത്തിലും അതിന്റെ തുടര്‍ചലനങ്ങളിലും വീട് നഷ്ടപ്പെട്ടു.
താനും കുടുംബവും പരിക്കേല്‍ക്കാതെ രക്ഷപ്പെട്ടെങ്കിലും, ഭൂകമ്പങ്ങളെ ഭയന്ന അലി, മനുഷ്യനിര്‍മിത കെട്ടിടത്തില്‍ ഇനി താമസിക്കാന്‍ ആഗ്രഹിക്കുന്നില്ലെന്ന് തീരുമാനിച്ചു. പകരം അയാള്‍ നഗരത്തിന്റെ പ്രാന്തപ്രദേശത്തുള്ള ഒരു ചെറുതും സമാധാനപരവുമായ ഒരു ഗുഹ കണ്ടെത്തി അതിനെ ഒരു സുഖപ്രദമായ ഭവനമാക്കി മാറ്റി.
ഈ അസാധാരണമായ വീട്ടില്‍ തനിക്കൊപ്പം കഴിയാന്‍ കുടുംബം തയ്യാറാകാത്ത സാഹചര്യത്തില്‍ ഒറ്റയ്ക്കുള്ള ജീവിതത്തിലെ സന്തോഷവും സമാധാനവും അനുഭവിക്കുകയാണ് അലി.
ഈ ഗുഹ ആയിരക്കണക്കിന് വര്‍ഷങ്ങളായി തകരാതെ ഇവിടെയുണ്ടെന്നും രണ്ടുവര്‍ഷമായി താന്‍ ഇതിനകത്താണെന്നും ഇയാള്‍ പറയുന്നു.
മനുഷ്യ ന്റെ ജീവിത ക്രമീകരണങ്ങളെക്കുറിച്ച് കേട്ടതിനുശേഷം, ഡെഫ്‌നെ ഡിസ്ട്രിക്റ്റ് ഗവര്‍ണര്‍ നഗരത്തിന് അടുത്തുള്ള എവിടെയെങ്കിലും ഒരു സുഖപ്രദമായ കണ്ടെയ്‌നര്‍ ഹോം വാഗ്ദാനം ചെയ്തു, എന്നാല്‍ തിരക്കേറിയ നഗരത്തിന്റെ ജീവിതത്തില്‍ നിന്ന് അകന്നുനില്‍ക്കാന്‍ അലി ഇഷ്ടപ്പെടുകയായിരുന്നു.
തന്റെ ചെറിയ ഗുഹയുടെ സമാധാനവും സ്വസ്ഥതയും വിലമതിക്കാന്‍ പഠിച്ചു. ഇവിടെ അദ്ദേഹം പാത്രം കഴുകുകയും അലക്കുകയും കഴിക്കാനുള്ള ഭക്ഷണം തയ്യാറാക്കുകയുമെല്ലാം ചെയ്യുന്നുണ്ട്. ”ഞാന്‍ എല്ലാവരില്‍ നിന്നും അകന്ന് പ്രകൃതിയുമായി സമ്പര്‍ക്കത്തിലാണ്. ഗുഹയില്‍ താമസിക്കുന്ന എന്നെക്കുറിച്ച് വിദ്യാഭ്യാസമില്ലാത്ത ആളുകള്‍ മോശമായി സംസാരിക്കുന്നു. അവര്‍ എന്നോടൊപ്പം ഇരിക്കാത്തതിനാലും എന്നോട് സംസാരിക്കാത്തതിനാലും എന്നെ അറിയാത്തതിനാലും അവര്‍ അഭിപ്രായങ്ങള്‍ പറയുന്നു.” അദ്ദേഹം പറഞ്ഞു.
എന്നാല്‍ ഒരു ഗുഹയില്‍ ഒറ്റയ്ക്ക് താമസിക്കുന്നത് സമ്പൂര്‍ണ്ണ സൗകര്യമല്ലെന്നും അലി സമ്മതിക്കുന്നു. ഇത് പ്രകൃതിദത്തമായ ഒരു അഭയകേന്ദ്രവും ശൈത്യകാലത്ത് താരതമ്യേന ചൂടുള്ളതും വേനല്‍ക്കാലത്ത് തണുപ്പുള്ളതുമായതിനാല്‍, അത് പാമ്പുകളേയും എലികളേയും ആകര്‍ഷിക്കുന്നുവെന്നും പറഞ്ഞു. ഗുഹയ്ക്കുള്ളില്‍ വൈദ്യുതിയുടെ ആവശ്യം പരിഹരിക്കാന്‍ സോളാര്‍ പാനലുകള്‍ സ്ഥാപിച്ച് വാഷിംഗ് മെഷീനും റഫ്രിജറേറ്ററും പവര്‍ ചെയ്യാന്‍ നോക്കിയെങ്കിലും പദ്ധതി വിജയിച്ചില്ല. തന്റെ ഗുഹയുടെ സുഖസൗകര്യങ്ങള്‍ ഒരു മനുഷ്യനിര്‍മ്മിത ഘടനയ്ക്കായി ഉടന്‍ വില്‍ക്കാന്‍ അദ്ദേഹം ഉദ്ദേശിക്കുന്നില്ല.
