തെന്നിന്ത്യയിലെ എ ലിസ്റ്റ് നടിമാരുടെ പട്ടികയിലുള്ളയാളാണ് കാജല്‍ അഗര്‍വാള്‍. തമിഴിലും തെലുങ്കിലും ഹിന്ദിയിലുമായി ഓടിനടന്ന് അഭിനയിച്ചിരുന്ന നടി വിവാഹം കഴിഞ്ഞ് കുഞ്ഞുമൊക്കെ ആയതോടെ തിരക്കില്‍ നിന്നും ഒരല്‍പ്പം ഇടവേളയെടുത്തു നില്‍ക്കുകയാണ്. എന്നാല്‍ നടി വന്‍ തിരിച്ചുവരവ് നടത്തുകയാണ്.
ബ്രേക്കിന് ശേഷം തിരികെയെത്തിയ നടി ആദ്യം ചെയ്തത് ശങ്കര്‍ സംവിധാനം ചെയ്ത കമല്‍ നായകനായ ഇന്ത്യന്‍-2 ആയിരുന്നു. തെലുങ്കില്‍ ബാലകൃഷ്ണയ്‌ക്കൊപ്പം ഭഗവത് കേസരി ഇന്നലെ തിയേറ്ററുകളിലെത്തി. തമിഴിനും തെലുങ്കിനും പുറമേ ഒരു ഹിന്ദിചിത്രവും താരം അഭിനയിക്കാനൊരുങ്ങുകയാണ്.
ഉമ എന്ന ഹിന്ദി ചിത്രത്തിലാണ് താന്‍ നായികയായി അഭിനയിക്കുന്നതെന്ന് കാജല്‍ അഗര്‍വാള്‍ പറഞ്ഞു.മുതിര്‍ന്ന നായകന്മാര്‍ക്കൊപ്പം അഭിനയിക്കാന്‍ തയ്യാറാണെന്ന് കാജല്‍ അഗര്‍വാള്‍ അടുത്തിടെയാണ് ഒരു അഭിമുഖത്തില്‍ പറഞ്ഞത്. ”തമിഴില്‍ ഇന്ത്യന്‍ ടൂവില്‍ അഭിനയിച്ചു കഴിഞ്ഞു. ആ സിനിമയില്‍ കമല്‍ഹാസനൊപ്പം ഞാന്‍ അഭിനയിച്ചു. അത് കൂടാതെ സത്യഭാമ എന്ന തെലുങ്ക് ചിത്രത്തിലും ഞാന്‍ നായികയായി അഭിനയിക്കുകയാണ്. രണ്ട് തെലുങ്ക് സിനിമകളും കമ്മിറ്റ് ചെയ്തിട്ടുണ്ട്.” നടി പറഞ്ഞു.
