പനജി: ഇന്ത്യന് സൂപ്പര് ലീഗ് ഫുട്ബോളില് കിരീടം ചൂടിയിട്ടുള്ള ഹൈദരാബാദ് എഫ് സി സാമ്പത്തീക പ്രതിസന്ധിയിലാണെന്നും ശമ്പളകുടിശ്ശികയെ തുടര്ന്ന് രണ്ടുവിദേശതാരങ്ങള് ക്ലബ്ബ് വിട്ടതായും സൂചന. കഴിഞ്ഞ നോര്ത്ത് ഈസ്റ്റ് യുണൈറ്റഡിനെതിരായ പോരാട്ടത്തിന് ഹൈദരാബാദ് എഫ്സിക്ക് നാല് വിദേശ താരങ്ങള് മാത്രമേ ലഭ്യമാകു എന്നാണ് വിവരം. ബ്രസീലിയന് ആക്രമണകാരി ഫെലിപ്പ് അമോറിം വ്യാഴാഴ്ച സോഷ്യല് മീഡിയയില് ഹൈദരാബാദ് എഫ് സി യില് തന്റെ സമയം അവസാനിപ്പിക്കുകയാണെന്ന് അറിയിച്ചു.
ക്ലബ്ബിനായി ആറ് മത്സരങ്ങള് കളിച്ച ആക്രമണകാരിക്ക് ഒന്നിലധികം മാസങ്ങളായി ശമ്പളം നല്കാത്തതിനെത്തുടര്ന്ന് താരം തന്റെ ഭാവി നോക്കുകയാണെന്നാണ് വിവരം. ശമ്പളം നല്കാത്തതുമായി ബന്ധപ്പെട്ട് ക്ലബിനെ നോട്ടീസ് നല്കിയ വിദേശ കളിക്കാരുടെ കൂട്ടത്തില് ഫെലിപ്പെയും ഉള്പ്പെടുന്നു. ക്ലബ് വിടുന്ന രണ്ടാമത്തെ വിദേശ ഹൈദരാബാദ് താരമാണ് ഫിലിപ്പെ. കഴിഞ്ഞയാഴ്ച, മെക്സിക്കന് ഡിഫന്ഡര് ഓസ്വാള്ഡോ അലനിസും ക്ലബ്ബിന്റെ അവസ്ഥയില് നിരാശ പ്രകടിപ്പിച്ചിരുന്നു. സീസണ് അവസാനം വരെ ഇന്ത്യന് സൂപ്പര് ലീഗില് തുടരുകയോ അല്ലെങ്കില് ജനുവരിയില് ട്രാന്സ്ഫര് വിന്ഡോ തുറക്കുന്നത് വരെ കാത്തിരിക്കുകയോ ചെയ്യാതെ ക്ലബ്ബുമായുള്ള കരിയര് അവസാനിപ്പിക്കാന് തീരുമാനിച്ചു.
താരം കര്ശനമായ താക്കീത് നല്കിയതിനാല് അദ്ദേഹത്തിന്റെ ശമ്പളം ക്ലിയര് ചെയ്തു.ഹൈദരാബാദിലെ പ്രശ്നങ്ങള് ഓരോ ദിവസം കഴിയുന്തോറും കൂടിവരികയാണ്. ശാന്തരായ കളിക്കാര് പോലും പ്രകോപിതരാകുന്നതായിട്ടാണ് വിവരം. നൈജീരിയന് സ്ട്രൈക്കര് ബാര്ത്തലോമിയോ ഒഗ്ബെച്ചെക്ക് കുടിശ്ശിക നല്കാത്തതിനാല് ക്ലബ് നിലവില് ഫിഫ ട്രാന്സ്ഫര് വിലക്കിന് കീഴിലാണ്. അതുകൊണ്ടു പുതിയ ബലപ്പെടുത്തലുകളൊന്നും കൊണ്ടുവരാന് ഹൈദരാബാദിന് കഴിയില്ല.