പ്രായം വെറും നമ്പര് മാത്രമാണെന്ന് പുതിയ ഒരു തെളിവാണ് വേര വാങ്. 74 കാരിയായ ഫാഷന് ഡിസൈനറായ വേര വാങ്ങിന്റെ പുതിയ ചിത്രങ്ങള് കണ്ടാല് ആരായാലും ഒന്ന് അമ്പരന്ന് പോകും. വെള്ള നിറത്തിലുള്ള മോണോകിനിയിലുള്ള ചിത്രങ്ങളാണ് അവര് പങ്കിട്ടിരിക്കുന്നത്.സ്വിമ്മിങ് പൂളിന് സമീപത്തായി വേര വാങ് ഇരിക്കുന്ന ചിത്രങ്ങളാണ് വൈറലായിരിക്കുന്നത്.
പോകര് സ്ട്രേയ്റ്റ് മുടി അഴിച്ചിട്ടിരിക്കുന്നു. വസ്ത്രത്തിന് ഇണങ്ങുന്ന ചെരുപ്പും സണ്ഗ്ലാസുമാണ് വേര വാങ് ധരിച്ചിരിക്കുന്നത്.’ എന്റെ സ്ലീം ആരോണ്സ് നിമിഷങ്ങള് ഹാപ്പി സമ്മര്” എന്ന അടിക്കുറിപ്പോടെയാണ് ചിത്രം പങ്കിട്ടിരിക്കുന്നത്. വേര വാങ്ങിന്റെ സ്ലിവ്ലെസ് ഷിമ്മറി ഔട്ട്ഫിറ്റിലുള്ള ചിത്രങ്ങളും ജന ശ്രദ്ധ പിടിച്ചുപറ്റിയിരുന്നു.
വാങ്ങിന്റെ ശരീര സൗന്ദര്യത്തിനെയും ലുക്കിനെയും പ്രകീര്ത്തിച്ച് കൊണ്ട് നിരവധി കമന്റുകളാണ് പോസ്റ്റിന് താഴെ എത്തുന്നത്. പ്രായത്തെ എങ്ങനെ പിടിച്ചുകെട്ടുന്നുവെന്നാണ് പലവരുടെയും ചോദ്യം. തന്റെ പത്തൊന്പതാം വയസ്സിലായിരുന്നു ഫാഷന്റെ ലോകത്തിലേക്ക് വാങ്ങിന്റെ ചുവട് വെപ്പ്. തനിക്ക് 75 വയസ്സായെന്നും മുടി ഡൈ ചെയ്യാറുണ്ടെന്നായിരുന്നു ഒരു പ്രാദേശിക മാധ്യമത്തിനു നൽകിയ അഭിമുഖത്തില് ഇവര് പറഞ്ഞത്. ലോകത്തിലെ ഏറ്റവും നല്ലസ്ത്രീകളുമായി ഇടപഴകുന്നതിനാലാണ് തനിക്ക് എന്നും ചെറുപ്പമായിരിക്കാൻ സാധിക്കുന്നതെന്നും വെര വാങ് പറഞ്ഞു.