ബര്ഗര് കിംഗില് നിന്ന് ഓര്ഡര് ചെയ്ത ബര്ഗറില് ചത്ത പ്രാണിയെ കണ്ട് മുംബൈയിലെ ഫുഡ് വ്ലോഗര് അന്ഷിക ഞെട്ടി. ഇന്സ്റ്റാഗ്രാമില് പോസ്റ്റ് ചെയ്ത വീഡിയോയില്, പാതിതിന്ന ബര്ഗറിനുള്ളിലെ ചത്ത പ്രാണിയെ വ്ലോഗര് പ്രദര്ശിപ്പിച്ചു.
‘ഇന്ന് ബര്ഗര് കിംഗില് ചെയ്ത ബര്ഗര് ഓര്ഡറില് ഞാന് ഒരു ചത്ത പ്രാണിയെ കണ്ടെത്തി. അപ്പോള് എനിക്ക് ഛര്ദ്ദിക്കുന്നതായി തോന്നി, പക്ഷേ ഈ പ്രശ്നം റിപ്പോര്ട്ട് ചെയ്യാന് ഞാന് ആഗ്രഹിച്ചു. ബര്ഗര് കിംഗ്, ഇത് സ്വീകാര്യമല്ല,’ അവര് വീഡിയോയില് പറയുന്നു
ഇതുണ്ടാക്കിയ മാനസിക ബുദ്ധിമുട്ടിനുഗ ആരോഗ്യപ്രശ്നത്തിനും ബര്ഗര് കിംഗിനോട് നഷ്ടപരിഹാരം ആവശ്യപ്പെട്ടതായി അവര് പറഞ്ഞു. കമ്പനി നഷ്ടപരിഹാരമായി കമ്പനി ബര്ഗറോ ആമസോണ് വൗച്ചറോ വാഗ്ദാനം ചെയ്തതായി അവര് വ്യക്തമാക്കി. എന്നാല് ഒരു വൗച്ചര് എന്റെ ചികിത്സാ ചെലവുകള് എങ്ങനെ നല്കുമെന്ന് അന്ഷിക ചോദിക്കുന്നു. ക്ഷമാപണം അയയ്ക്കാന് നാലു ദിവസമെടുത്തുവെന്നും അന്ഷിക പറയുന്നു.
വീഡിയോ ഇന്റര്നെറ്റില് വൈറലായതതിനുശേഷം, ബര്ഗര് കിംഗ് ക്ഷമ അഭ്യര്ത്ഥിച്ചുകൊണ്ട് വീഡിയോയോട് പ്രതികരിച്ചു ”ഹായ്, ഞങ്ങള് നിങ്ങളുടെ പ്രശ്നം ബന്ധപ്പെട്ട ടീമിന് കൈമാറി, അവര് ഉടന് തന്നെ നിങ്ങളെ ബന്ധപ്പെടും. ഞങ്ങള് ക്ഷമ ചോദിക്കുന്നു,” കമ്പനി എഴുതി.
വീഡിയോയോട് പ്രതികരിച്ചുകൊണ്ട് ഒരു ഉപയോക്താവ് എഴുതി, ”ദയവായി കര്ശനമായ നടപടിയെടുക്കുക അല്ലെങ്കില് നിങ്ങളുടെ ഔട്ട്ലെറ്റ് എല്ലാ നിയമപരമായ നടപടിക്രമങ്ങളോടും കൂടി എത്രയും വേഗം ഞങ്ങള് അടപ്പിക്കും.
