ജെയിംസ് ബോണ്ട് ചിത്രങ്ങള് ഹോളിവുഡ് ആരാധകര്ക്ക് എക്കാലവും കാഴ്ചാ വസന്തമാണ്. കുറ്റാന്വേഷണത്തിനൊപ്പം ഞെട്ടിപ്പിക്കുന്ന സാഹസികരംഗങ്ങളും സ്റ്റണ്ടും വിസ്മയിപ്പിക്കുന്ന ലൊക്കേഷനുമെല്ലാം സിനിമയ്ക്ക് മറ്റൊരു തലം നല്കുന്നു. എന്നാല് സിനിമയില് നായകന് ബോണ്ടുമായി ബന്ധപ്പെട്ട കഥയുണ്ടാക്കുന്നതിനേക്കാളും വെല്ലുവിളി സിനിമയ്ക്ക് വില്ലന്മാരെ ഉണ്ടാക്കുന്നതാണെന്ന് അണിയറപ്രവര്ത്തകര്.
ആരാണ് ബോണ്ടിന്റെ വേഷം ചെയ്യുന്നതെന്ന് പരിഗണിക്കുന്നതിന് മുമ്പ് അടുത്ത വില്ലന് ആരാണെന്ന് കണ്ടെത്തുന്നതിലാണ് തങ്ങള്ക്ക് കൂടുതല് വെല്ലുവിളിയെന്ന് സിനിമയുടെ ഫ്രാഞ്ചൈസി പ്രൊഡ്യൂസര് ബാര്ബറ ബ്രോക്കോളി കഴിഞ്ഞ വര്ഷം ദി ഹോളിവുഡ് റിപ്പോര്ട്ടറിനോട് പറഞ്ഞു. 2006-ല് ജെയിംസ് ബോണ്ടിന്റെ വേഷം ക്രെയ്ഗ് ഏറ്റെടുത്തതിനുശേഷം ലോകം മാറിയ രീതിയെ അടുത്ത ഭാഗത്തില് ചിത്രീകരിക്കേണ്ടത് പ്രധാനമാണെന്ന് തന്റെ അര്ദ്ധസഹോദരന് മൈക്കല് ജി. വില്സണുമായി ചേര്ന്ന് ചലച്ചിത്ര പരമ്പരയ്ക്ക് നേതൃത്വം നല്കുന്ന ബ്രൊക്കോളി വിശദീകരിച്ചു.
അതേസമയം അടുത്ത 007 ആയുള്ള വേഷം ആരാണ് ഏറ്റെടുക്കുന്നതെന്ന് അറിയാന് ആരാധകര് കുറച്ചുകൂടി സമയം കാത്തിരിക്കേണ്ടതുണ്ട്. കാസിനോ റോയല് എന്ന ചലച്ചിത്ര പരമ്പരയിലെ അഞ്ച് ഘട്ടങ്ങള്ക്ക് ശേഷം, 2021-ലെ നോ ടൈം ടു ഡൈ റിലീസിന് ശേഷം ക്രെയ്ഗ് ആ വേഷത്തില് നിന്ന് ഔദ്യോഗികമായി വിരമിച്ചിരുന്നു.