മരത്തിന്റെ മരച്ചില്ലകളില്‍ നിന്ന് പൊട്ടിത്തെറിച്ച് ഈ കുന്നുകളില്‍ ആധിപത്യം പുലര്‍ത്തുന്ന ചുവന്ന പൂക്കളുടെ ഊര്‍ജ്ജസ്വലമായ പ്രദര്‍ശനത്തിന് പേരുകേട്ടതാണ് ബുറാന്‍ഷ്. ഉത്തരാഖണ്ഡിന്റെ സംസ്ഥാന വൃക്ഷമായ ഇത് പ്രതീക്ഷിച്ചതിലും നേരത്തെ പൂത്തുലഞ്ഞു. മനോഹരമായ ചുവന്ന പൂക്കള്‍ പട്ടുവിരിച്ച പോലെ കുന്നിനെ മനോഹരമാക്കുന്നുണ്ടെങ്കിലും ഈ കാഴ്ച ശാസ്ത്രജ്ഞരിലും പരിസ്ഥിതി പ്രവര്‍ത്തകരിലും നെഞ്ചില്‍ തീ ആളിക്കുകയാണ്.
സാധാരണ മാര്‍ച്ച്, ഏപ്രില്‍ മാസങ്ങളിലാണ് മധ്യഭാഗത്തെ ഭൂപ്രദേശത്തുടനീളം ഈ വൃക്ഷം പൂക്കുന്നത്. എന്നാല്‍ ഈ വര്‍ഷം കണ്ടെത്തിയ പുതിയ പാറ്റേണ്‍ കാര്യമായ മാറ്റം വരുത്തിയതായി കാണനാകും. ഐസിഎആര്‍-സെന്‍ട്രല്‍ സോയില്‍ സലിനിറ്റി റിസര്‍ച്ച് ഇന്‍സ്റ്റിറ്റ്യൂട്ടിലെ ശാസ്ത്രജ്ഞരുടെ അഭിപ്രായത്തില്‍, കാലാവസ്ഥാ വ്യതിയാനം കാരണം വിരിഞ്ഞ കപട പൂക്കളോ നിര്‍ബന്ധിത പൂക്കളോ ആണ്.
”ഇത് ശരിക്കും കാലാവസ്ഥാ വ്യതിയാനമാണ്. ശൈത്യകാലത്ത് ദൃശ്യമാകുന്ന വളരെ നീണ്ട വരണ്ട കാലാവസ്ഥയും ജനുവരി വരെയുള്ള മാസങ്ങളിലെ ഉയര്‍ന്ന പകല്‍ താപനിലയും സൂചനയാണ്. ഈ വര്‍ഷം പകല്‍ സമയത്ത് താപനില 4 മുതല്‍ 5 ഡിഗ്രി വരെ ഉയര്‍ന്നു. തല്‍ഫലമായി, ജനുവരിയില്‍ മാര്‍ച്ചിലെ കാലാവസ്ഥ വരണ്ടതായി. ഇതാണ് ബുറാന്‍ഷിനേയും നേരത്തെ പൂവിടാന്‍ പ്രേരിപ്പിക്കുന്നത്. മുതിര്‍ന്ന ശാസ്ത്രജ്ഞനും കൃഷി വിജ്ഞാന കേന്ദ്ര മേധാവിയുമായ ഡോ.പങ്കജ് നൗട്ടിയാല്‍ പറഞ്ഞു.
യഥാസമയം പൂക്കാത്തത് പൂവിന്റെ ഔഷധഗുണത്തില്‍ കുറവുണ്ടാകുമെന്ന ആശങ്ക ഉയര്‍ത്തിയിട്ടുണ്ട്. പൊട്ടാസ്യം, കാല്‍സ്യം, ഇരുമ്പ്, വിറ്റാമിന്‍ സി എന്നിവയുടെ സമൃദ്ധിക്ക് പേരുകേട്ട ഈ പുഷ്പം പര്‍വത രോഗങ്ങളും കാലാനുസൃതമായ അസുഖങ്ങളും ലഘൂകരിക്കും. സ്ത്രീകളില്‍ ആര്‍ത്തവസമയത്ത് അമിത രക്തസ്രാവം കുറയ്ക്കുന്നതിനുള്ള ഫലപ്രാപ്തിക്ക് ഇത് അംഗീകരിക്കപ്പെട്ടിരിക്കുന്നു. ഹൃദയം, കരള്‍, ചര്‍മ്മ അലര്‍ജികള്‍, ആന്റിവൈറല്‍ ആവശ്യങ്ങള്‍ എന്നിവയ്ക്ക് ഗുണം ചെയ്യുന്ന ഔഷധഗുണങ്ങള്‍ ഈ പുഷ്പത്തിനുണ്ട്.
ഈ പ്രദേശത്ത്, ശൈത്യകാലത്ത് നിന്ന് വസന്തത്തിലേക്കുള്ള പരിവര്‍ത്തന സമയത്ത്, ശക്തമായ ആന്റിഓക്സിഡന്റ്, ആന്റി-ഇന്‍ഫ്‌ലമേറ്ററി, ആന്റി ഡയബറ്റിക് സവിശേഷതകള്‍ എന്നിവയ്ക്കായി പ്രദേശവാസികള്‍ ബുറാന്‍ഷ് ജ്യൂസും ബുറാന്‍ഷ് ചട്ണിയും ഭക്ഷണത്തില്‍ ഉള്‍പ്പെടുത്തുന്നു. നേരത്തെ പൂക്കുന്നത് വൈദ്യശാസ്ത്ര മൂല്യത്തിലും ഈ പുഷ്പത്തില്‍ നിന്നുള്ള അമൃതിന്റെ ഉല്‍പാദനത്തിലും സ്വാധീനം ചെലുത്തും. ഈ പുഷ്പത്തിന്റെ നീര് സ്‌ക്വാഷിന്റെയും മറ്റ് ഭക്ഷ്യയോഗ്യമായ ഉല്‍പന്നങ്ങളുടെയും രൂപത്തില്‍ വില്‍ക്കുന്നതിനെ ആശ്രയിച്ചുള്ള ഒരു മേഖലയുടെ ഉപജീവനത്തെ കൂടുതല്‍ ബാധിക്കും. ഈ പ്രദേശത്ത്, ഈ പുഷ്പത്തിന്റെ ഉല്‍പന്നങ്ങളുടെ ഗുണനിലവാരത്തേയും നേരത്തെ പൂക്കല്‍ ബാധിക്കുമെന്ന് നൗട്ടിയാല്‍ കൂട്ടിച്ചേര്‍ത്തു.
ഈ ശൈത്യകാലം പതിവില്‍ നിന്ന് വ്യത്യസ്തമാണ്. മഴയും മഞ്ഞും കുറവായതിനാല്‍ ചൂട് കൂടുതലാണ്. രാത്രികള്‍ മിക്കവാറും പ്രതീക്ഷിച്ചതുപോലെയാണെങ്കിലും, അസാധാരണമായ ചില കാര്യങ്ങള്‍ സംഭവിക്കുന്നു. ആഗോളതാപനം സാധാരണ കാലാവസ്ഥയില്‍ മാറ്റം വരുത്തുകയും അസാധാരണമായ താപനിലയും മഴ കുറയുകയും ചെയ്യുന്നതായി കാലാവസ്ഥാ നിരീക്ഷകര്‍ പറയുന്നു. ഇവിടെ തണുത്ത കാലാവസ്ഥ കൊണ്ടുവരുന്ന സാധാരണ ശീതകാല അസ്വസ്ഥതകള്‍ ഇത്തവണ വളരെ കുറവാണ്. അത്ര ശക്തമല്ല.
ഇതുകാരണം ഡിസംബര്‍, ജനുവരി മാസങ്ങളില്‍ മലയോരമേഖലയില്‍ ആവശ്യത്തിന് മഞ്ഞും മഴയും ലഭിച്ചിരുന്നില്ല. പതിവുപോലെ തണുപ്പ് അനുഭവപ്പെട്ടില്ല. ഉയര്‍ന്നതും താഴ്ന്നതുമായ താപനില സാധാരണയിലും കൂടുതലായിരുന്നു. ലോകം ചൂടുപിടിക്കുമ്പോള്‍, സസ്യജന്തുജാലങ്ങളില്‍ ഇത്തരം കൂടുതല്‍ മാറ്റങ്ങള്‍ പ്രതീക്ഷിക്കുന്നതായി ശാസ്ത്രജ്ഞര്‍ ആശങ്കാകുലരാണ്.
