ഇന്ത്യൻ റെയിൽവേയിലെ യാത്ര പലപ്പോഴും ദുരിതപൂര്‍ണമാണ്. അനിയന്ത്രിതമായ തിരക്ക്, സമയം തെറ്റിയോടുന്ന വണ്ടികള്‍, വൃത്തിഹീനമായ കമ്പാര്‍ട്ടുമെന്റുകൾ, കാന്റീനിലെ കീടങ്ങൾ തുടങ്ങിയ പ്രശ്‌നങ്ങൾ കാരണം ഇന്ത്യൻ റെയിൽവേ പലപ്പോഴും വാര്‍ത്തകളില്‍ നിറയാറുണ്ട്. ഇപ്പോൾ പൊതുജനങ്ങളെ ഞെട്ടിച്ച ഒരു സമീപകാല സംഭവത്തിന്റെ വീഡിയോ പുറത്തുവന്നു.
തിരക്കുള്ള റെയില്‍വേ സ്റ്റേഷനില്‍ ഒരു റെയില്‍വേ പോര്‍ട്ടര്‍ യാത്രക്കാരെ പൊക്കിയെടുത്ത് ജനലിലൂടെ ട്രെയിൻ കോച്ചിലേക്ക് കയറ്റിവിടുന്ന വീഡിയോയാണ് പുറത്തുവന്നത്. കോച്ചിന്റെ എമര്‍ജന്‍സി എക്സിറ്റിലൂടെയാണ് യാത്രക്കാരെ ഇങ്ങനെ കയറ്റിവിടുന്നത്. തിരക്കേറുമ്പോള്‍ ട്രെയിനില്‍ സീറ്റു പിടിക്കാനുള്ള പുതിയ തന്ത്രമാണ് കൂലികളുടെ ഈ ‘ചുമട്ടുജോലി’.
അസാധാരണവും അപകടകരവുമായ ഈ ബോർഡിംഗ് രീതി സോഷ്യൽ മീഡിയയിൽ ചര്‍ച്ചയായി. നിരവധി ഉപയോക്താക്കൾ ഇത്തരമൊരു നയിച്ച സാഹചര്യത്തിലേയ്ക്ക് നയിച്ച കാര്യങ്ങളെ ചോദ്യം ചെയ്യുന്നു. തമാശ നിറഞ്ഞ അഭിപ്രായങ്ങളും പുറത്തുവരുന്നുണ്ട്. ചിലർ കൂലിയുടെ സേവനത്തെ അഭിനന്ദിച്ചു. ഒരു ഉപയോക്താവ് തമാശരൂപേണ നിർദ്ദേശിച്ചു, “അവന് DOGE നൽകുന്ന മികച്ച കൂലി അവാർഡ് നൽകണം.”
ഇൻസ്റ്റാഗ്രാം അക്കൗണ്ടിൽ നിന്ന് X-ൽ പങ്കിട്ട വീഡിയോ ഇന്നുവരെ 2.5 ദശലക്ഷം കാഴ്‌ചകൾ നേടി. പോസ്റ്റിന് “കൂലി നമ്പർ 1” എന്ന അടിക്കുറിപ്പ് നൽകിയിരുന്നു, ഇത് അതേ പേരിലുള്ള ജനപ്രിയ ബോളിവുഡ് ചിത്രവുമായി താരതമ്യപ്പെടുത്തുന്നതിനും കാരണമായി.
