ചെറിയ കുറവുകളില്‍ വ്യാകുലപ്പെടുന്നവരാണ് അധികവും. എന്നാല്‍ രണ്ടുകാലും ഇല്ലാത്ത 13 കാരി ഡെയ്സി-മേ ഡിമീറ്റര്‍ ഇത്തരക്കാര്‍ക്ക് വലിയൊരു മാതൃകയാണ്. വെയ്ല്‍സിലെ ഏറ്റവും ഉയരം കൂടിയ കൊടുമുടി സ്നോഡണ്‍ കയറുന്ന ഏറ്റവും പ്രായം കുറഞ്ഞ ഇരട്ട അംഗവൈകല്യം ഉള്ള ടീനേജറായിട്ടാണ് ഡെയ്സി-മേ ഡിമീറ്റര്‍ മാറിയിരിക്കുന്നത്. പിതാവിനൊപ്പം ഡെയ്സി മേ ഈ നേട്ടം കൈവരിച്ചു.
15 വയസ്സുള്ള ഒരു മൂത്ത സഹോദരി എല്ലയ്‌ക്കൊപ്പം ഡീമീറ്റര്‍ക്ക് ഇന്‍സ്റ്റാഗ്രാമില്‍ 100,000 ഫോളോവേഴ്സ് ഉണ്ട്. ന്യൂയോര്‍ക്ക് ഫാഷന്‍വീക്കില്‍ പങ്കെടുത്തിട്ടുള്ള ഡിമീറ്റര്‍ ഇപ്പോള്‍ ഒരു ഹോളിവുഡ് ചിത്രത്തിനായുള്ള കാസ്റ്റിംഗ് പ്രക്രിയയിലുമാണ്. അടുത്ത ഏതാനും മാസങ്ങള്‍ക്കുള്ളില്‍ അവള്‍ക്ക് ഒരു പ്രത്യേക റോബോട്ടിക് കാല്‍മുട്ട് ഘടിപ്പിക്കാന്‍ ഒരുങ്ങുന്നു, അത് അവളുടെ ചലനത്തിന് കൂടുതല്‍ നിയന്ത്രണം നല്‍കും.
നോര്‍ത്ത് വെയില്‍സിലെ സ്‌നോഡോണിയയ്ക്ക്് സമുദ്രനിരപ്പില്‍ നിന്ന് 1,085 മീറ്റര്‍ (3,560 അടി) ഉയരമുണ്ട്. വെയില്‍സിലെ ഏറ്റവും ഉയരമുള്ള പര്‍വതവും സ്‌കോട്ടിഷ് ഹൈലാന്‍ഡിന് തെക്ക് ബ്രിട്ടീഷ് ദ്വീപുകളിലെ ഏറ്റവും ഉയരമുള്ളതുമായ പര്‍വതമാണ്. യുണൈറ്റഡ് കിംഗ്ഡത്തിലെ ഏറ്റവും തിരക്കേറിയ പര്‍വതത്തില്‍ 2019-ല്‍ 590,984 കാല്‍നടയാത്രക്കാരാണ് ഇത് കയറിയത്.
