സുനിൽ മിത്തലിന്റെ എയർടെൽ, മുകേഷ് അംബാനിയുടെ ജിയോ തുടങ്ങിയ പ്രമുഖ ടെലികോം ഓപ്പറേറ്റർമാരെ ആശങ്കയിലാക്കി എലോൺ മസ്‌കിന്റെ സ്റ്റാർലിങ്ക് സാറ്റലൈറ്റ് ഇന്റനെറ്റ് സേവനം ഉടൻ ഇന്ത്യയിൽ ആരംഭിക്കാൻ പോകുന്നു. അത് വെറും ഇന്റര്‍നെറ്റ് സേവനമല്ല. സാറ്റലൈറ്റ് കമ്മ്യൂണിക്കേഷൻ സാങ്കേതികവിദ്യ പ്രയോജനപ്പെടുത്തി സിം കാർഡിന്റെയോ മൊബൈൽ നെറ്റ്‌വർക്കിന്റെയോ ആവശ്യമില്ലാതെ ഈ നൂതന സേവനം ഇന്റനെറ്റ് കണക്റ്റിവിറ്റി നല്‍കും.
എലോൺ മസ്‌കിന്റെ നേതൃത്വത്തിലുള്ള സ്റ്റാർലിങ്ക് അതിന്റെ സാറ്റലൈറ്റ് ഇന്റർനെറ്റ് സേവനം ഇന്ത്യയിലേക്ക് കൊണ്ടുവരാനുള്ള ഒരുക്കങ്ങൾ ആരംഭിച്ചിട്ടുണ്ട്. ടെലികോം റെഗുലേറ്ററി അതോറിറ്റി ഓഫ് ഇന്ത്യ ഉപഗ്രഹ ആശയവിനിമയത്തിനായി സ്പെക്‌ട്രം ഉടൻ അനുവദിക്കുമെന്നാണ് പ്രതീക്ഷിക്കുന്നത്. ഡിസംബർ 15 നകം നടപടിക്രമങ്ങൾ പൂർത്തിയാക്കാനാണ് പദ്ധതി.
മസ്‌കിന്റെ കമ്പനി 2022 ഒക്ടോബറിൽ ഇന്ത്യയിൽ തങ്ങളുടെ സേവനങ്ങൾ ആരംഭിക്കാൻ അപേക്ഷിച്ചിരുന്നു. സ്റ്റാർലിങ്കിനെ കൂടാതെ, ജിയോ, എയർടെൽ, ആമസോൺ, വി തുടങ്ങിയ പ്രമുഖ കമ്പനികളും സ്വന്തം സാറ്റലൈറ്റ് ഇന്റനെറ്റ് സേവനങ്ങൾ പുറത്തിറക്കാനുള്ള മത്സരത്തിലാണ്.
നിലവിൽ, സ്റ്റാർലിങ്കിന്റെ സാറ്റലൈറ്റ് ഇന്റനെറ്റ് സേവനം ലോകമെമ്പാടുമുള്ള നിരവധി രാജ്യങ്ങളിൽ തത്സമയമാണ് ലഭിച്ചുകൊണ്ടിരിക്കുന്നത്. പരമ്പരാഗത മൊബൈൽ നെറ്റ്‌വർക്കുകളെയോ സിം കാർഡുകളെയോ ആശ്രയിക്കാതെ അതിവേഗ ഇന്റർനെറ്റും കോളിംഗും ഈ സര്‍വീസ് വാഗ്ദാനം ചെയ്യുന്നു. മെച്ചപ്പെടുത്തിയ ഇന്റർനെറ്റ് കണക്റ്റിവിറ്റി നൽകിക്കൊണ്ട് ഈ സേവനം അതിന്റെ എതിരാളികളിൽ നിന്ന് വേറിട്ടുനിൽക്കുന്നു. പുതിയ ടെക്നോളജി ഈ വ്യവസായത്തിലെ ഒരു ഗെയിം ചേഞ്ചർ ആയി മാറി.
സിം കാർഡും മൊബൈൽ നെറ്റ്‌വർക്കും ഇല്ലാതെ എങ്ങനെ വിളിക്കാം?
ഭൂരിഭാഗം പരമ്പരാഗത ഉപഗ്രഹ ഇന്റർനെറ്റ് സേവനങ്ങളും ഭൂമിയുടെ ഉപരിതലത്തിൽ നിന്ന് ഏകദേശം 35,786 കിലോമീറ്റർ ഉയരത്തിൽ സ്ഥിതി ചെയ്യുന്ന ഒരു ഉപഗ്രഹത്തെ മാത്രമാണ് ആശ്രയിക്കുന്നത്. ഈ ഉയർന്ന ഉയരം ഇന്റര്‍നെറ്റ് സേവനങ്ങളുടെ കാലതാമസത്തിന് കാരണമാകുന്നു. കണക്റ്റിവിറ്റിയിലുള്ള ഈ കാലതാമസം തടസ്സമില്ലാത്ത സ്ട്രീമിംഗ്, ഓൺലൈൻ ഗെയിമിംഗ്, വീഡിയോ കോളിംഗ് എന്നിവ ആസ്വദിക്കുന്നതിന് സ്വാഭാവികമായും ഉപയോക്താക്കള്‍ക്ക് ബുദ്ധിമുട്ടുണ്ടാക്കും.
എന്നാല്‍ സ്റ്റാർലിങ്ക്, ഒരു ഉപഗ്രഹത്തിനു പകരം 40,000-ലധികം ചെറിയ ഉപഗ്രഹങ്ങളുടെ ശൃംഖലയാണ് ഉപയോഗിക്കുന്നത്. ഭൂമിയോട് വളരെ അടുത്ത്, ഉപരിതലത്തിൽ നിന്ന് 550 കിലോമീറ്റർ ഉയരത്തിൽ. ഈ ഉപഗ്രഹങ്ങൾ ലോ എർത്ത് ഓർബിറ്റിൽ (LEO) പ്രവർത്തിക്കുന്നു. ഈ ദൂരക്കുറവ് പ്രയോജനപ്പെടുത്തി കാലതാമസം കുറഞ്ഞ ഇന്റർനെറ്റ് കണക്ഷനുകൾ നല്‍കാന്‍ ഈ ശൃംഖലയ്ക്ക് കഴിയും. അതുവഴി തടസ്സങ്ങളില്ലാതെ അതിവേഗ ഇന്റർനെറ്റ് ആക്സസ് ചെയ്യാൻ ഉപയോക്താക്കള്‍ക്ക് സാധിക്കും. മെച്ചപ്പെട്ട നെറ്റ്‌വർക്ക് കവറേജും കണക്റ്റിവിറ്റിയും നൽകുന്നതിനായി മസ്‌കിന്റെ കമ്പനി ഏകദേശം 42,000 ഉപഗ്രഹങ്ങൾ വിന്യസിച്ചിട്ടുണ്ട്. ഓരോന്നിനും ഏകദേശം ഒരു ടാബ്‌ലെറ്റിന്റെ വലിപ്പമുണ്ട്.
എന്നാല്‍, LEO സാറ്റലൈറ്റ് സ്പേസിൽ സ്റ്റാർലിങ്ക് ഒറ്റയ്ക്കല്ല. എയർടെൽ വൺവെബ്, ബിഎസ്എൻഎൽ-വിയാസാറ്റ്, ആമസോൺ കൈപ്പർ തുടങ്ങിയ മറ്റ് കമ്പനികളും ഇന്റർനെറ്റ് സേവനങ്ങൾ നൽകുന്നതിന് ലിയോ ഉപഗ്രഹങ്ങളെ ആശ്രയിക്കുന്നു.
എങ്ങനെ സ്റ്റാർലിങ്കിന്റെ ഇന്റർനെറ്റ് ആക്സസ് ചെയ്യാം
സ്റ്റാർലിങ്കിന്റെ സേവനം ഉപയോഗിക്കുന്നതിന് ഉപഗ്രഹങ്ങളിൽ നിന്നുള്ള സിഗ്നലുകൾ പിടിച്ചെടുക്കുന്ന ഒരു ഉപഗ്രഹ ആന്റിന ഉപയോക്താക്കൾ ഇൻസ്റ്റാൾ ചെയ്യേണ്ടതുണ്ട്. സ്റ്റാർലിങ്ക് ഉപയോക്താക്കൾക്ക് 150 Mbps വരെ ഇന്റർനെറ്റ് വേഗത ആസ്വദിക്കാൻ കഴിയുമെന്ന് റിപ്പോർട്ടുകൾ സൂചിപ്പിക്കുന്നു. ഉപയോക്താക്കൾക്ക് മൊബൈൽ നെറ്റ്‌വർക്കോ സിം കാർഡോ ആവശ്യമില്ലാതെ കോളുകൾ വിളിക്കുകയും ചെയ്യാം.
എയർടെല്ലിനും ജിയോയ്ക്കും മത്സരം
ഇന്ത്യയിൽ സ്റ്റാർലിങ്കിന്റെ സംരംഭം എയർടെൽ, ജിയോ തുടങ്ങിയ പ്രാദേശിക ടെലികോം ഭീമന്മാർക്കിടയിൽ ആശങ്ക വർദ്ധിപ്പിച്ചിട്ടുണ്ട്. സ്റ്റാർലിങ്കിന്റെ നൂതന സാങ്കേതികവിദ്യ അവരുടെ വിപണി വിഹിതത്തെ തടസ്സപ്പെടുത്തിയേക്കാം.
സാറ്റലൈറ്റ് ഇന്റർനെറ്റ് വിപണിയിലെ മത്സരം ചൂടുപിടിക്കുകയാണ്, ജിയോ, എയർടെൽ, ആമസോൺ, വി തുടങ്ങിയ പ്രമുഖ കമ്പനികളും സ്വന്തം സാറ്റലൈറ്റ് ഇന്റർനെറ്റ് സേവനങ്ങൾ ആരംഭിക്കാൻ പദ്ധതിയിടുന്നു. വേഗമേറിയതും കൂടുതൽ വിശ്വസനീയവുമായ ഇന്റർനെറ്റ് കണക്റ്റിവിറ്റി നൽകുന്നതിൽ ശ്രദ്ധ കേന്ദ്രീകരിക്കാന്‍ ആരംഭിച്ചു. പ്രത്യേകിച്ചും പരമ്പരാഗത നെറ്റ്‌വർക്കുകൾ എത്തിച്ചേരാൻ പാടുപെടുന്ന വിദൂര പ്രദേശങ്ങളിൽ.
