കെ.പോപ്പിന്റെ ആരാധകരായ ഇന്ത്യന് പെണ്കുട്ടികളുടെയെല്ലാം സ്വപ്നഭൂമികയാണ് ബിടിഎസിന്റെ താവളം കൂടിയായ കൊറിയ. എന്നാല് കൊറിയ മുഴുവന് ആരാധിക്കുന്ന ഒരു ഇന്ത്യന് താരമുണ്ട്. ടെലിവിഷന് സീരിയലിലൂടെ ബാലനടിയായി വന്ന് മോഡലും നടിയുമായ അനുഷ്ക്കാ സെന്നിനെ.
അനേകം ടെലിവിഷന് പരിപാടികള് ചെയ്യുന്ന താരത്തിന്റെ ബോളിവുഡ് പ്രവേശം ആരാധകര് കാത്തിരിക്കുമ്പോള് കൊറിയ അവരുടെ ടൂറിസത്തിന്റെ ബ്രാന്ഡ് അംബാസഡറാക്കി മാറ്റിയിരിക്കുകയാണ് ഇന്ത്യന് താരം അനുഷ്ക്കാ സെന്നിനെ.
ഹോണററി ബ്രാന്ഡ് അംബാസഡറായി കഴിഞ്ഞ ആഗസ്റ്റിലാണ് കൊറിയക്കാര് ഇന്ത്യന് താരത്തെ നിയോഗിച്ചത്. ഇന്ത്യയിലെ ടെലിവിഷന് പ്രേക്ഷകര്ക്കിടയില് ഏറെ പരിചയമുള്ള 21 കാരിയുടെ പേരും പ്രശസ്തിയും സൗന്ദര്യവും കൊറിയന് ടൂറിസം ഉപയോഗിക്കുന്ന വിവരം അനുഷ്ക്ക തന്നെ അന്ന് തന്റെ സാമൂഹ്യമാധ്യമ പേജിലൂടെ പങ്കു വെയ്ക്കുകയും ചെയ്തു.
ബാലവീര് എന്ന കുട്ടികള്ക്കുള്ള സീരിയലിലെ കഥാപാത്രമായി ക്യാമറയ്ക്ക് മുന്നിലെത്തിയ താരം ഇരുപത്തൊന്നാം വയസ്സില് ആഗോള താരത്തിലേക്കാണ് ഉയര്ന്നിരിക്കുന്നത്. താരത്തിന്റെ പ്രശസ്തിയും ജനപ്രീതിയും കൊറിയന് ടൂറിസത്തിന്റെ ഓണററി അംബാസഡറായതോടെ പുതിയ ഉയരങ്ങളിലെത്തി. സാമൂഹ്യ മാധ്യമ പ്ലാറ്റ്ഫോമില് 50 ദശലക്ഷത്തിലധികം അനുയായികള് താരത്തിനുണ്ട്.