വിവാഹത്തിലെത്താതെ പോയ പ്രണയം തീവ്രം. പറയാന്‍ കഴിയാതെ പോയ പ്രണയങ്ങള്‍ അതി തീവ്രം എന്ന വിലയിരുത്തലില്‍ പെടുന്ന അനേകര്‍ ഈ ലോകത്തുണ്ട്. ഇന്ത്യന്‍ സിനിമയിലെ ഇതിഹാസ താരങ്ങളുടെ പട്ടികയിലെ അദ്വിതീയനായ അമിതാഭ്ബച്ചന്‍ ഇപ്പോഴും അസാധ്യമായ അഭിനയമികവിലൂടെ ആരാധകരെ അമ്പരപ്പിച്ചുകൊണ്ടിരിക്കുകയാണ്. പ്രായത്തിന് അനുസരിച്ചുള്ള പ്രകടനങ്ങളും വേഷങ്ങളും കൊണ്ട് ഇഷ്ടം നേടുന്ന നടന്റെ നീണ്ട ഫിലിമോഗ്രഫിക്കും വര്‍ഷങ്ങളായി സമാനതകളില്ലാത്ത സ്‌ക്രീന്‍ പ്രഭാവലയത്തിനും സമാനതകളില്ല.
അദ്ദേഹത്തിന്റെ ജോലി കൂടാതെ, അദ്ദേഹത്തിന്റെ വ്യക്തിജീവിതം പലപ്പോഴും ആളുകള്‍ക്ക് താല്‍പ്പര്യമുള്ളവയാണ്. ബിഗ് ബി ജയാ ബച്ചനെ വിവാഹം കഴിച്ചിട്ട് അമ്പതാണ്ടായി. സിനിമയിലെ കരിയര്‍ അതിന്റെ ഉച്ചസ്ഥായിയില്‍ എത്തി നില്‍ക്കുന്ന സമയത്ത് ബച്ചന് അനേകം തവണ ഗോസിപ്പുകള്‍ക്ക് വിഷയമായിട്ടുണ്ട്. എന്നാല്‍ അദ്ദേഹത്തിന്റെ ജീവിതത്തിലെ ആദ്യ കാമുകി ബ്രിട്ടീഷ് എയര്‍വേയ്സ് ജീവനക്കാരിയാണെന്ന് അറിയാമോ? എഴുത്തുകാരനും ചലച്ചിത്ര ചരിത്രകാരനുമായ ഹനീഫ് സവേരി, ‘മേരി സഹേലി’ എന്ന പോഡ്കാസ്റ്റില്‍, ബ്രിട്ടീഷ് എയര്‍വേയ്സില്‍ ജോലി ചെയ്തിരുന്ന മായ എന്ന സ്ത്രീയായിരുന്നു ബച്ചന്റെ ആദ്യ പ്രണയിനിയെന്ന് വെളിപ്പെടുത്തി.
കൊല്‍ക്കത്തയില്‍ ഒരു കമ്പനിയില്‍ ജോലി ചെയ്യുമ്പോഴാണ് ഇരുവരും പ്രണയത്തിലായത്. മായയുമായി അഗാധമായ പ്രണയത്തിലായിരുന്നു അദ്ദേഹം. എന്നാല്‍ പിന്നീട് ബിഗ് ബി തന്റെ അഭിനയ ജീവിതം തുടരാന്‍ മുംബൈയിലേക്ക് പോകുകയും അമ്മാവനൊപ്പം ഒരു ബംഗ്ലാവില്‍ താമസിക്കുകയും ചെയ്തു. മായ തന്നെ പതിവായി സന്ദര്‍ശിക്കാറുണ്ടെന്നും അവളുടെ സന്ദര്‍ശനങ്ങള്‍ അമ്മാവന് താല്‍പ്പര്യം ഉണ്ടായിരുന്നില്ല. അമ്മ തേജി ബച്ചന് മായയെക്കുറിച്ച് അറിയുമോ എന്ന ഭയം അദ്ദേഹത്തിനുണ്ടായിരുന്നു.
തന്റെ ആദ്യ ചിത്രമായ ‘സാത്ത് ഹിന്ദുസ്ഥാനി’യില്‍ തന്നോടൊപ്പം വര്‍ക്ക് ചെയ്യുന്ന നടനും മെഹമൂദിന്റെ സഹോദരനുമായ അന്‍വര്‍ അലിയോട് അമിതാഭ് തന്റെ ആശങ്ക പങ്കുവെച്ചപ്പോള്‍. മായയുമായി പിരിയാന്‍ അയാള്‍ ഉപദേശിച്ചു. ‘നിനക്ക് മായയ്ക്കൊപ്പം ജീവിതം ചിലവഴിക്കാന്‍ കഴിയില്ല. അവള്‍ക്ക് ബച്ചന് കുടുംബവുമായി പൊരുത്തപ്പെടാന്‍ ബുദ്ധിമുട്ടായിരിക്കും, മുന്നോട്ട് പോകുമ്പോള്‍ കൂടുതല്‍ പ്രശ്നങ്ങള്‍ ആകും.’ അദ്ദേഹം പറഞ്ഞു. അങ്ങനെ ബിഗ് ബി മായയുമായി പിരിഞ്ഞതായി ഹനീഫ് പറയുന്നു.
അതിനിടെ, പിന്നീട് 1970ല്‍ പൂനെ ഫിലിം ഇന്‍സ്റ്റിറ്റ്യൂട്ടില്‍ വച്ച് ജയ ബച്ചനെ കണ്ടുമുട്ടി. ‘ഏക് നസറി’ന്റെ സമയത്ത് ഒരുമിച്ച് പ്രവര്‍ത്തിച്ചപ്പോഴാണ് അവര്‍ പരസ്പരം വികാരങ്ങള്‍ വളര്‍ത്തിയെടുത്തത്. 1973-ല്‍ ‘സഞ്ജീര്‍’ റിലീസിന് ശേഷം അവര്‍ വിവാഹിതരായി. ഇതിനിടയില്‍ നടി രേഖയുമായും അമിതാഭ് ബച്ചന് പ്രണയമുണ്ടായിരുന്നതായി ഗോസിപ്പുകള്‍ പറയുന്നു. പിന്നീട് രേഖ വിവാഹം തന്നെ വേണ്ടെന്നുവെച്ചു.
