അല്ലു അര്‍ജുന്റെയും പൂജാ ഹെഗ്ഡെയുടെയും വന്‍ഹിറ്റായ തെലുങ്കുസിനിമ അല വൈകുണ്ഠപുരമുലൂവിനെ തമിഴ്‌സിനിമയെന്ന് തെറ്റായി വിശേഷിപ്പിച്ച് സിനിമയിലെ നായികനടി പൂജാഹെഗ്‌ഡേ ആരാധകരെ നിരാശരും രോഷാകുലരുമാക്കി മാറ്റി. ഒരു അഭിമുഖത്തിലെ താരത്തിന്റെ വിശേഷണമാണ് വന്‍ തിരിച്ചടിയായി മാറിയത്. സിനിമ ബോക്‌സോഫീസില്‍ വന്‍ വിജയവുമായിരുന്നു.
2020 ജനുവരിയില്‍ റിലീസ് ചെയ്ത ഈ ചിത്രത്തെ പക്ഷേ നടി വിശേഷിച്ചപ്പോള്‍ അത്് തമിഴ് സിനിമയായി മാറി. ”അല വൈകുണ്ഠപുരമുലു യഥാര്‍ത്ഥത്തില്‍ ഒരു തമിഴ് ചിത്രമാണ്, അതൊരു പാന്‍-ഇന്ത്യ സിനിമ ആയിരുന്നില്ല. പക്ഷേ, ആളുകള്‍ അത് ഹിന്ദിയില്‍ കണ്ടു. ജോലി മികച്ചതാണെങ്കില്‍, അത് ആളുകളിലേക്ക് എത്തും,” നടി പറഞ്ഞു. പൂജയുടെ അഭിമുഖത്തിന്റെ വീഡിയോ സോഷ്യല്‍ മീഡിയയില്‍ പ്രത്യക്ഷപ്പെട്ടതിന് തൊട്ടുപിന്നാലെ അല്ലു അര്‍ജുന്‍ ആരാധകര്‍ പ്രതികരിക്കുകയും നടിയെ അപമാനിക്കുകയും ചെയ്തു.
നിങ്ങള്‍ ഇത് ഒരു തമിഴ് സിനിമ എന്ന നിലയിലാണ് പറയുന്നത്. തെലുങ്ക് സിനിമയിലെ പ്രധാനനായിക നിങ്ങളാണെന്നത് നാണക്കേടും വെറുപ്പും ഉളവാക്കുന്നു. മറ്റൊരു എക്‌സ് ഉപയോക്താവ് പോസ്റ്റ് ചെയ്തു. ദക്ഷിണേന്ത്യയിലെ നിര്‍മ്മാതാക്കളും സംവിധായകരും നായകന്മാരും അഭിനയിച്ച സിനിമയുടെ ഭാഷപോലും അറിയാത്ത ഇവരെപ്പോലെയുള്ള നായികമാരെ എന്തിനാണ് പ്രോത്സാഹിപ്പിക്കുന്നത്.? അവര്‍ക്കായി എന്തിന് കോടിക്കണക്കിന് രൂപ ചിലവഴിക്കുന്നത്?” മൂന്നാമത്തെ കമന്റ് വായിച്ചു.
എന്നിരുന്നാലും, പൂജാ ഹെഗ്ഡെയുടെ നിരവധി ആരാധകരും അവര്‍ക്ക് പിന്തുണയുമായി രംഗത്തെത്തി, ഇത് ഒരു പിശക് മാത്രമാണെന്ന് അവകാശപ്പെട്ട് എല്ലാവരോടും ‘ശാന്തമാകാന്‍’ അഭ്യര്‍ത്ഥിച്ചു. അവള്‍ സത്യസന്ധമായി എഎല്‍വിപി യെ പ്രോത്സാഹിപ്പിക്കാന്‍ ശ്രമിച്ചു, ഇതൊരു ചെറിയ തെറ്റാണെന്ന് അവള്‍ വ്യക്തമാക്കിയാല്‍ അത് തിരുത്താം.” ആരാധകരില്‍ ഒരാള്‍ എഴുതി. അല വൈകുണ്ഠപുരമോ ഹിന്ദിയിലും റീമേക്ക് ചെയ്തു. ഷെഹ്സാദ എന്ന് പേരിട്ടിരിക്കുന്ന ചിത്രത്തില്‍ കാര്‍ത്തിക് ആര്യനും കൃതി സനോണും നായികയായി.
