അടുത്ത ജന്മത്തില് തനിക്ക് നടി ഷംന കാസിമിന്റെ മകനായി ജനിക്കണമെന്ന് മിഷ്കിന് ആഗ്രഹം പറയാന് കാരണമായ സിനിമ ഫെബ്രുവരി 2ന് തീയേറ്റർ റിലീസിന്. അഭിനയിക്കുന്ന സമയത്ത് സ്വയം മറക്കുന്നവരെയാണ് അഭിനേതാക്കള് എന്ന് വിളിക്കുന്നതെന്നും ഷംന കാസിം ആ ഗണത്തില് പെടുന്ന അഭിനേത്രിയാണെന്നും മിഷ്കിൻ പറഞ്ഞത് സമൂഹമാധ്യമങ്ങളില് ചര്ച്ചയായയിരുന്നു. തന്റെ ഇനിയുള്ള ചിത്രങ്ങളിലും ഷംന ഉണ്ടാകുമെന്നും അവർ അത്രയ്ക്ക് സ്നേഹമുള്ള നടിയാണെന്നും മിഷ്കിന് പറഞ്ഞിരുന്നു. ആ സിനിമയാണ് തീയേറ്ററുകളിലേയക്ക് എത്തുന്നത്.
തെന്നിന്ത്യൻ നായികയും മലയാളിയുമായ ഷംന കാസിം(പൂർണ), മിഷ്കിൻ, വിധാർത്ഥ് എന്നിവരെ പ്രധാന കഥാപാത്രങ്ങളാക്കി നവാഗതനായ ജി.ആർ ആദിത്യ സംവിധാനം ചെയ്യുന്ന ചിത്രമാണ് ‘ഡെവിൾ’. വ്യത്യസ്തമായ ഒരുപിടി ചിത്രങ്ങളിലൂടെ തമിഴ്ചലച്ചിത്രലോകത്ത് തന്റേതായ ഇരിപ്പിടമുണ്ടാക്കിയ സംവിധായകനാണ് മിഷ്കിൻ. അഭിനയരംഗത്തും സജീവമാണ് അദ്ദേഹം. മിഷ്കിന്റെ സഹോദരൻ ജി.ആർ. ആദിത്യ ആദ്യമായി സംവിധാനം ചെയ്യുന്ന ഡെവിൾ നിർമ്മിച്ചിരിക്കുന്നത് മാരുതി ഫിലിംസ്, എച്ച് പിക്ചേഴ്സ് എന്നീ ബാനറുകളിൽ ആർ.രാധാകൃഷ്ണൻ & എസ്.ഹരി എന്നിവർ ചേർന്നാണ്. പി.ജ്ഞാനശേഖർ ആണ് സഹ നിർമ്മാതാവ്. ഷംനാ കാസിം (പൂർണ), വിധാർത്ഥ് എന്നിവരെ കൂടാതെ അദിത് അരുൺ, തരിഗൺ, ശുഭശ്രീ രായഗിരി എന്നിവരും മറ്റുപ്രധാനവേഷങ്ങളിൽ എത്തുന്നുണ്ട്. നോക്സ് സ്റ്റുഡിയോസ് ആണ് ചിത്രം കേരളത്തിൽ വിതരണത്തിന് എത്തിക്കുന്നത്.
മിഷ്കിൻ സംഗീത സംവിധായകനായി അരങ്ങേറുന്ന ചിത്രംകൂടിയാണ് ഡെവിൾ. ചിത്രത്തിന്റെ ഛായാഗ്രഹണവും എഡിറ്റിംഗും യഥാക്രമം കാർത്തിക് മുത്തുകുമാറും ഇളയരാജയും നിർവ്വഹിക്കുന്നു. ആർട്ട് – ആന്റണി മരിയ കേർളി, വസ്ത്രാലങ്കാരം – ഷൈമ അസ്ലം, സൗണ്ട് മിക്സ് – തപസ് നായക്, സൗണ്ട് ഡിസൈൻ – എസ്.അലഗിയക്കൂത്തൻ, ലൈൻ പ്രൊഡ്യൂസർ – എൽവി ശ്രീകാന്ത്ലക്ഷ്മൺ, സഹസംവിധായകൻ – ആർ.ബാലചന്ദർ, കളറിസ്റ്റ് – രാജരാജൻ ഗോപാൽ, സ്റ്റണ്ട് – രാംകുമാർ, സ്റ്റിൽസ് – അഭിഷേക് രാജ്, പബ്ലിസിറ്റി ഡിസൈൻ – കണദാസൻ, വിഎഫ്എക്സ് – ആർട്ട് എഫ്എക്സ്, വിഎഫ്എക്സ് സൂപ്പർവൈസർ – ടി.മാധവൻ, പ്രൊഡക്ഷൻ എക്സിക്യൂട്ടീവ് – എസ്.വെങ്കടേശൻ, പിആർഒ – സതീഷ് കുമാർ ശിവ എഐഎം, പി.ശിവപ്രസാദ്, പ്രമോഷൻസ് – കെ വി ദുരൈ DEC, പ്ലമേറിയ മൂവീസ് എന്നിവരാണ് മറ്റ് അണിയറപ്രവർത്തകർ.