മൂന്നാം വാര്ഷിക വേള്ഡ് സ്നോ സ്കള്പ്റ്റിംഗ് ചാമ്പ്യന്ഷിപ്പിന് ആതിഥേയത്വം വഹിക്കാനൊരുങ്ങുകയാണ് മിനസേസാട്ടോയിലെ സ്റ്റില്വാട്ടര്. എട്ടു രാജ്യങ്ങളില് നിന്നുള്ള കലാകാരന്മാര് ഇവിടെ സ്നോ സ്കല്പ്റ്റിംഗ് ചാമ്പ്യന്ഷിപ്പില് പങ്കെടുക്കും.
ഫിന്ലാന്ഡ് ആസ്ഥാനമായുള്ള അസോസിയേഷന് ഇന്റര്നാഷണല് ഡി സ്കള്പ്ചര് സര് നെയ്ജ് എറ്റ് ഗ്ലേസ് അനുവദിച്ച ഈ പരിപാടിയില് തുര്ക്കി, ഫിന്ലാന്ഡ്, ഫ്രാന്സ്, വെയില്സ്, കാനഡ, മെക്സിക്കോ, ഇക്വഡോര്, യു.എസ്. എന്നിവിടങ്ങളില് നിന്നുള്ള ലോകോത്തര മഞ്ഞു ശില്പ്പ ടീമുകളാണ് ശില്പ്പകലാ വൈദഗദ്ധ്യം പ്രദര്ശിപ്പിക്കാന് എത്തുന്നത്.
സ്നോ സ്കള്പ്റ്റിംഗ് ചാമ്പ്യന്ഷിപ്പ് വെറും ശില്പ്പമുണ്ടാക്കല് മത്സരം മാത്രമല്ല. എല്ലാ പ്രായത്തിലുമുള്ള ആളുകള്ക്ക് വേണ്ടിയുള്ള വിനോദ പരിപാടികളും പ്രവര്ത്തനങ്ങളും അടങ്ങുന്ന ഒരാഴ്ച നീണ്ടുനില്ക്കുന്ന ഉത്സവമാണ്. പരിപാടികള്ക്ക് പുറമേ, ഒരു ഇന്ഡോര് മാര്ക്കറ്റ്, ചൂടാക്കല് വീട്, ചൂടായ കൂടാരം എന്നിവയും ഉണ്ടാകും. ഇവന്റുകളുടെ മുഴുവന് ഷെഡ്യൂളും നിങ്ങള്ക്ക് ഔദ്യോഗിക വെബ്സൈറ്റില് കാണാം.
ജനുവരി 17 മുതല് ജനുവരി 21 വരെ നടക്കുന്ന പരിപാടിയില് മത്സരത്തിലെ വിജയികള്ക്ക് സമ്മാനത്തുകയും ലോക ചാമ്പ്യന് പദവിയും ലഭിക്കും. ”മൂന്നാം വര്ഷത്തില് ഈ ഇവന്റ് വീണ്ടും സംഘടിപ്പിക്കുന്നതിലും മഞ്ഞ് ശില്പത്തിന്റെ ഭംഗിയും ആവേശവും സ്റ്റില്വാട്ടറിലേക്ക് കൊണ്ടുവരുന്നതിലും ഞങ്ങള് ത്രില്ലിലാണ്.” ഗ്രേറ്റര് സ്റ്റില് വാട്ടര് ചേംബര് ഓഫ് കൊമേഴ്സിന്റെ പ്രസിഡന്റും വേള്ഡ് സ്നോയുടെ സഹ ഡയറക്ടറുമായ റോബിന് ആന്റണി പറഞ്ഞു.