ഹോളിവുഡില്‍ നിന്നും ഇന്റര്‍നെറ്റില്‍ ഏറ്റവും കൂടുതല്‍ തെരയപ്പെടുന്ന പേരുകളില്‍ ഒന്നാണ് സുന്ദരി പെനലൂപ്പ് ക്രൂസിന്റേത്. അതേസമയം താരത്തേപ്പോലെ തന്നെ സുന്ദരിയാണ് ഇളയ സഹോദരി മോണിക്ക ക്രൂസ്. രണ്ടുപേരും ഏറെക്കുറെ ഒരുപോലെ തോന്നുന്നതിനാല്‍ പലപ്പോഴും ഇവരുടെ ഏറ്റവും അടുത്ത ആള്‍ക്കാര്‍ക്ക് പോലും രണ്ടുപേരെയും തമ്മില്‍ വേര്‍തിരിച്ചറിയാന്‍ കഴിയാറില്ല.
”കഴിഞ്ഞ ദിവസം ഞങ്ങള്‍ കാറിന്റെ പുറകില്‍ ഒരുമിച്ച് ഇരിക്കുകയായിരുന്നു, ഞാന്‍ റിയര്‍വ്യൂ മിററില്‍ നോക്കുകയായിരുന്നു, വളരെ വിചിത്രമായ ഒരു കാര്യം സംഭവിച്ചു: ഞാന്‍ എന്റെ മുഖത്തേക്ക് നോക്കുകയാണെന്ന് ഞാന്‍ കരുതി, അത് അവളുടെതായിരുന്നു!” ബ്രിട്ടീഷ് വോഗില്‍ പെനലോപ്പ് 2008-ല്‍ കോണ്‍ടാക്റ്റ് മ്യൂസിക്കിനോട് പറഞ്ഞ കാര്യമാണ് ഇത്.
2015-ല്‍ ഹൃദയാഘാതത്തെ തുടര്‍ന്ന് മരിച്ച ടോക്ക് ഷോ ഹോസ്റ്റ് എന്‍കാര്‍ന സാഞ്ചസിനും എഡ്വാര്‍ഡോ ക്രൂസിനും മൂന്ന് വര്‍ഷത്തെ ഇടവേളയില്‍ ജനിച്ച രണ്ട് പെണ്‍കുട്ടികളാണ് പെനലോപ്പും മോണിക്കയും. സ്‌പെയിനിലെ മാഡ്രിഡില്‍ ഇളയ സഹോദരന്‍ എഡ്വാര്‍ഡോയ്ക്കൊപ്പമാണ് രണ്ടു സഹോദരിമാരും വളര്‍ന്നതും. പിന്നീട് ഹോളിവുഡിലെ തിരക്കേറിയ നടിയായി മാറിയെങ്കിലും സഹോദരങ്ങള്‍ ഇപ്പോഴും മികച്ച ബന്ധം നില നിര്‍ത്തുന്നു. തങ്ങള്‍ ഒരിക്കലും വഴക്കിടാറില്ലെന്നും നല്ല സഹോദരങ്ങളായി തുടരുന്നെന്നും നടി പറയുന്നു.
1974 ഏപ്രില്‍ 28 ന് പെനലോപ്പ് ജനിച്ചത്. മൂന്ന് വര്‍ഷത്തിനു ശേഷം 1977 മാര്‍ച്ച് 14 ന് മോണിക്കയും ജനിച്ചു. 2017 മാര്‍ച്ചില്‍, മോണിക്കയുടെ 40-ാം ജന്മദിനത്തോടനുബന്ധിച്ച് പെനലോപ്പ് ഇന്‍സ്റ്റാഗ്രാമില്‍ രണ്ട് പെണ്‍കുട്ടികളും ഒരുമിച്ച് നില്‍ക്കുന്ന മനോഹരമായ ഒരു ത്രോബാക്ക് പങ്കിട്ടു. ”എന്റെ സുന്ദരിയായ സഹോദരിക്ക് ജന്മദിനാശംസകള്‍ ഞാന്‍ നിന്നെ സ്‌നേഹിക്കുന്നു.” എന്നായിരുന്നു അടിക്കുറിപ്പിട്ടത്.
രൂപത്തില്‍ ഒരുപോലിരിക്കുന്ന ഇരുവരും തമ്മില്‍ ഒരുമയുടെ മറ്റു ചില വൈചിത്ര്യങ്ങള്‍ കുടിയുണ്ട്. ഇരുവരും ഗര്‍ഭിണികളായതും ഏറെക്കുറേ ഒരേ ആഴ്ചയിലായിരുന്നു. 2013 ജനുവരിയില്‍ കൃത്രിമ ബീജസങ്കലനത്തിലൂടെ മോണിക്ക തന്റെ ഗര്‍ഭധാരണം പ്രഖ്യാപിച്ചു. ആഴ്ചകള്‍ക്ക് ശേഷം, പെനെലോപ്പും ഗര്‍ഭിണിയായി. 2013 മെയ് 14-ന് മോണിക്ക മകള്‍ അന്റോണെല്ല ക്രൂസ് സാഞ്ചസിന് ജന്മം നല്‍കി. ജനനസമയത്ത് പെനലോപ്പും സഹോദരിമാരുടെ അമ്മ എന്‍കാര്‍ണയും അവരുടെ സഹോദരന്‍ എഡ്വേര്‍ഡോയും സഹോദരിയുടെ അരികില്‍ ഉണ്ടായിരുന്നുവെന്ന് ഔട്ട്‌ലെറ്റ് റിപ്പോര്‍ട്ട് ചെയ്തു. രണ്ട് മാസത്തിന് ശേഷം ജൂലൈ 22 ന് പെനലൂപ്പിന് മകള്‍ ലൂണയും ജനിച്ചു.
പെനലോപ്പ് ഒരു അഭിനേത്രി എന്ന നിലയിലാണ് അറിയപ്പെടുന്നതെങ്കിലും, അവരും മോണിക്കയും 4 വയസ്സ് മുതല്‍ ബാലെനൃത്തം പരിശീലിച്ചിട്ടുണ്ട്. മോണിക്ക തന്റെ കൗമാരത്തിലും അതിനുശേഷവും നൃത്തം തുടര്‍ന്നു, പിന്നീട് 17-ാം വയസ്സില്‍ ജോക്വിന്‍ കോര്‍ട്ടെസ് ഡാന്‍സ് കമ്പനിയില്‍ ചേര്‍ന്നു. പെനലൂപ്പാകട്ടെ അഭിനയത്തിലേക്കും പോയതിന് പിന്നാലെ മോണിക്കയും അഭിനയരംഗത്ത് എത്തി. പെനലൂപ്പ് അഭിനയിച്ച് കഥാപാത്രത്തില്‍ പകരക്കാരിയായി പോലും നാം മോണിക്കയെ കണ്ടിട്ടുണ്ട്.
2011-ലെ ബ്ലോക്ക്ബസ്റ്റര്‍ ‘പൈറേറ്റ്‌സ് ഓഫ് ദ കരീബിയന്‍: ഓണ്‍ സ്‌ട്രേഞ്ചര്‍ ടൈഡ്‌സി’ല്‍ തന്റെ ഇളയ ക്രൂസ് അഭിനയിച്ചിരുന്നു. പക്ഷേ പ്രേക്ഷകര്‍ക്ക് തിരിച്ചറിയാന്‍ കഴിഞ്ഞില്ലെന്ന് മാത്രം. പെനെലോപ്പ് മകന്‍ ലിയോയെ ഗര്‍ഭം ധരിച്ചിരിക്കുമ്പോള്‍ തന്റെ മൂത്ത സഹോദരിയുടെ ബോഡി ഡബിള്‍ കളിച്ചത് മോണിക്കയായിരുന്നു. ”ഞങ്ങള്‍ക്ക് ആവശ്യമുള്ളപ്പോള്‍ ചില വൈഡ് ഷോട്ടുകളും ചില ലോംഗ് ഷോട്ടുകളും ഞങ്ങളെ സഹായിക്കാന്‍ ഞങ്ങള്‍ മോണിക്കയോട് ആവശ്യപ്പെട്ടു. അവര്‍ അത് നിര്‍വ്വഹിച്ചു.” ചിത്രത്തിന്റെ സംവിധായകന്‍ റോബ് മാര്‍ഷല്‍, 2011 ലെ കാന്‍ ഫിലിം ഫെസ്റ്റിവല്‍ കോണ്‍ഫറന്‍സില്‍ ചിത്രത്തിലെ മോണിക്കയുടെ റോളിനെക്കുറിച്ച് സംസാരിച്ചത് ഇങ്ങിനെയായിരുന്നു.
