ആഗ്രഹം സത്യമാണെങ്കില് പ്രതിസന്ധികള് മാറി നില്ക്കുമെന്നാണല്ലോ. ഇന്ത്യാ പാകിസ്താന് വിവാഹബന്ധങ്ങളും അതിന്റെ പ്രതിസന്ധികള്ക്കും അനേകം ഉദാഹരണങ്ങള് അടുത്ത കാലത്തുണ്ടായി. എന്നാല് അഞ്ചു വര്ഷത്തെ കാത്തിരിപ്പിനൊടുവില് കറാച്ചിയില് നിന്നുള്ള ജാവരിയ ഖാനം എന്ന സുന്ദരിയും കൊല്ക്കത്ത സ്വദേശിയായ സമീര്ഖാനും തമ്മിലുള്ള വിവാഹം അടുത്തവര്ഷം ആദ്യം നടക്കും. കറാച്ചിയില് നിന്നും വാഗാ അതിര്ത്തി വഴി ഇന്ത്യയില് എത്തിയ ജാവേരിയയെ പ്രതിശ്രുത വരന് സമീറും ഭാവി ഭാര്യാപിതാവ് അഹമ്മദ് കമാല് ഖാന് യൂസഫ്സായിയും ചേര്ന്ന് താള മേളങ്ങളോടെയാണ് സ്വീകരിച്ചത്.
21 കാരിയായ യുവതിക്ക് ഇന്ത്യന് സര്ക്കാര് 45 ദിവസത്തെ വിസ അനുവദിച്ചു. കോവിഡാണ് ഇവരുടെ കാത്തിരിപ്പ് അഞ്ചു വര്ഷത്തേക്ക് ദീര്ഘിപ്പിച്ചത്. രണ്ടു തവണയോളം വിസ നിരസിക്കപ്പെട്ടു.’ഇന്ത്യന് സര്ക്കാരിന്റെ സഹകരണത്തിന് നന്ദി പറയാന് ഞാന് ആഗ്രഹിക്കുന്നു. ഉദ്ദേശ്യങ്ങള് ശുദ്ധമായിരിക്കുമ്പോള് അതിര്ത്തികള് പ്രശ്നമല്ലാതാകും.’ ജാവേരിയ ഇന്ത്യയിലെത്തിയ ശേഷം ദമ്പതികള് മാധ്യമങ്ങളോട് സംവദിച്ചു. സമീറും ജാവേരിയയും അടുത്ത വര്ഷം ജനുവരിയില് വിവാഹിതരാകും, അതിനുശേഷം അവര് ദീര്ഘകാല വിസയ്ക്ക് അപേക്ഷിക്കും.
‘അഞ്ച് വര്ഷത്തിന് ശേഷം എനിക്ക് വിസ ലഭിച്ചുവെന്ന് എനിക്ക് വിശ്വസിക്കാന് കഴിയുന്നില്ല. എനിക്ക് 45 ദിവസത്തെ വിസ അനുവദിച്ചു. ഇവിടെയെത്തിയതില് എനിക്ക് അതിയായ സന്തോഷമുണ്ട്. എത്തുമ്പോള് തന്നെ എനിക്ക് ഇവിടെ വളരെയധികം സ്നേഹം ലഭിക്കുന്നു. ജനുവരി ആദ്യവാരം വിവാഹം നടക്കും,’ ജാവേരിയ പറഞ്ഞു. മാധ്യമപ്രവര്ത്തകനും സാമൂഹിക പ്രവര്ത്തകനുമായ മഖ്ബൂല് അഹമ്മദ് വാസി ഖാദിയാനാണ് ഇന്ത്യയിലേക്ക് വിസ വാങ്ങാന് ജാവേരിയയെ സഹായിച്ചത്. ജാവേരിയയുമായുള്ള ബന്ധത്തെക്കുറിച്ച് സമീര് പറഞ്ഞു,
”ഇത് 2018 മെയ് മാസത്തിലാണ് ആരംഭിച്ചത്. ഞാന് പഠിക്കുന്ന ജര്മ്മനിയില് നിന്ന് നാട്ടില് വന്നതാണ്. അമ്മയുടെ ഫോണില് അവളുടെ ഫോട്ടോ കണ്ട് ഞാന് താല്പര്യം പ്രകടിപ്പിച്ചു. ജാവേരിയയെ വിവാഹം കഴിക്കണമെന്ന് ഞാന് അമ്മയോട് പറഞ്ഞു.ആഫ്രിക്ക, സ്പെയിന്, യുണൈറ്റഡ് സ്റ്റേറ്റ്സ്, മറ്റ് രാജ്യങ്ങള് എന്നിവിടങ്ങളില് നിന്നുള്ള തന്റെ സുഹൃത്തുക്കള് ജര്മ്മനിയിലായിരുന്ന കാലത്തെ സുഹൃത്തുക്കള് തന്റെ വിവാഹത്തില് പങ്കെടുക്കാന് സാധ്യതയുണ്ടെന്നും അദ്ദേഹം പറഞ്ഞു.