അമൃത സിംഗിന്റെയും സെയ്ഫ് അലി ഖാന്റെയും മകളും ഷർമിള ടാഗോറിന്റെ ചെറുമകളുമായ സാറ അലി ഖാൻ ബോളിവുഡിൽ തിളങ്ങി നിൽക്കുന്ന താരമാണ്. സിനിമ പാരമ്പര്യം ഉണ്ടെങ്കിലും സിനിമയിൽ തന്റേതായ ഒരു ഐഡന്റിറ്റി ഉണ്ടാക്കാൻ സാറയ്ക്ക് കഴിഞ്ഞു. 2018-ൽ കേദാർനാഥ് എന്ന ചിത്രത്തിലൂടെ സുശാന്ത് സിംഗ് രാജ്പുത്തിനൊപ്പം താരം അരങ്ങേറ്റം കുറിച്ചു. അരങ്ങേറ്റ പ്രകടനത്തിന് മികച്ച വനിതാ അരങ്ങേറ്റത്തിനുള്ള ഫിലിംഫെയർ അവാർഡ് നേടി. പിന്നീട് രൺവീർ സിങ്ങിനൊപ്പം ചെയ്ത സിംബയിലൂടെ സാറ കൂടുതൽ ജനപ്രിയയായി. 2019-ൽ ഫോർബ്സ് ഇന്ത്യയുടെ സെലിബ്രിറ്റി 100 പട്ടികയിൽ പ്രത്യക്ഷപ്പെട്ടു.ഇപ്പോഴിതാ സാറ വാർത്തകളിൽ നിറയുന്നത് മുംബൈയിലെ മെറ്റാ ഓഫീസിൽ ഐക്കണിക്ക് ഫുട്ബോൾ താരം ഡേവിഡ് ബെക്കാമുമായിട്ടുള്ള സംഭാഷണത്തിലൂടെയാണ്.
സാമൂഹിക പ്രതിബദ്ധതയോടുള്ള ബെക്കാമിന്റെ സമർപ്പണത്തെക്കുറിച്ചും അദ്ദേഹത്തിന്റെ ജീവിതയാത്രയെക്കുറിച്ചും സാറ ആഴത്തിൽ സംസാരിച്ചു. അദ്ദേഹത്തിന്റെ ‘ബെക്കാം’ എന്ന നെറ്റ്ഫ്ലിക്സ് ഡോക്യുമെന്ററിയെ കുറിച്ചും സാറ സംസാരിച്ചു.ബെക്കാമിന്റെ ജോലി-ജീവിത സന്തുലിതാവസ്ഥയെയും പ്രശസ്തി ഉണ്ടായിരുന്നിട്ടും കുടുംബജീവിതം നിലനിർത്താനുള്ള അദ്ദേഹത്തിന്റെ കഴിവിനെയും സാറ പ്രശംസിച്ചു. ക്ലിപ്പിൽ, സാറ പറഞ്ഞു, “ഒരാൾ നിങ്ങളെപ്പോലെ വലിയ സെലിബ്രിറ്റിയാണെങ്കിൽ, ഒരു മനുഷ്യനായി കാണാൻ ബുദ്ധിമുട്ടായിരിക്കും. വളരെയധികം ഗ്ലാമർ ഉണ്ട്, വളരെയധികം സമ്മർദ്ദമുണ്ട്, ചിലപ്പോൾ നിങ്ങൾ ആരാണെന്ന് കാണാൻ ബുദ്ധിമുട്ടാണ്, നിങ്ങളുടെ കുടുംബത്തിനും കുട്ടികൾക്കും ഈ മനോഹരമായ സ്വകാര്യ സമാധാനമുണ്ട്…” സാറ പറഞ്ഞു. ഇതിനോട് പ്രതികരിച്ചുകൊണ്ട് ഡേവിഡ് പറഞ്ഞു, “അത് പറഞ്ഞതിന് നന്ദി.
“സാറയുമായുള്ള സംഭാഷണത്തിനിടെ, ബെക്കാം തന്റെ വ്യക്തിജീവിതത്തിന്റെ വിവിധ വശങ്ങളെക്കുറിച്ച് തുറന്നുപറഞ്ഞു. താൻ ഒരു വിജയകരമായ ഫുട്ബോൾ കളിക്കാരനായി മാറിയെങ്കിലും, തന്റെ മാതാപിതാക്കൾ അവരുടെ 70-കൾ വരെ ജോലി നിർത്തിയിട്ടില്ലെന്ന് അദ്ദേഹം വെളിപ്പെടുത്തി. അദ്ദേഹം പറഞ്ഞു, “എന്റെ അമ്മ ഒരു ഹെയർഡ്രെസ്സറായിരുന്നു, അവര്‍ 70 വയസ്സ് വരെ ജോലി ചെയ്തു. അവര്‍ ഇപ്പോഴും ചില പ്രായമായ സ്ത്രീകളുടെ മുടി മുറിക്കുന്നു. എന്റെ അച്ഛൻ ഗ്യാസ് ഫിറ്ററായിരുന്നു, അദ്ദേഹവും 75 വയസ്സ് വരെ ജോലി ചെയ്തു. അതിനാൽ അവർ കഠിനാധ്വാനികളാണ്… ”
ഡോക്യുമെന്ററി നിർമ്മിക്കാൻ നിരവധി വർഷങ്ങളെടുത്തു. നെറ്റ്ഫ്ലിക്സ് പറയുന്നതനുസരിച്ച്, ‘ബെക്കാമിന്റെ’ ഔദ്യോഗിക സംഗ്രഹമാണിത്. ഇതുവരെ കണ്ടിട്ടില്ലാത്ത ഫൂട്ടേജുകളോടെ, ഈ ഡോക്യു സീരീസുകൾ ഡേവിഡ് ബെക്കാമിന്റെ എളിയ തുടക്കത്തിൽ നിന്ന് ആഗോള ഫുട്ബോൾ താരപദവിയിലേക്കുള്ള യാത്രയെ പിന്തുടരുന്നു.”ബെക്കാമിന്റെ ജീവിതത്തിലെയും കരിയറിലെയും പ്രയാസകരമായ നിമിഷങ്ങൾ ഉൾക്കൊള്ളുന്ന സിനിമ, പ്രാഥമികമായി അദ്ദേഹത്തിന്റെ ജീവിതയാത്രയുടെ സമഗ്രമായ വീക്ഷണം ലഭിക്കുന്നതിന് വേണ്ടി നിർമ്മിച്ചതാണ്
