ബെന് അഫ്ലെക്ക് വളരെ പ്രശസ്തനായ ഒരു നടനാണ്, ആര്ഗോയിലൂടെ ഓസ്കാര് നേടിക്കൊണ്ട് ഒരു സംവിധായകനെന്ന നിലയിലും അദ്ദേഹം തന്റെ കഴിവ് തെളിയിച്ചു. അദ്ദേഹം സംവിധാനം ചെയ്യുന്ന ചിത്രത്തിനായി നടന്മാരും നടിമാരും അദ്ദേഹത്തോടൊപ്പം പ്രവര്ത്തിക്കാന് ക്യൂ നില്ക്കുമെന്നാണ് കണക്കാക്കുന്നത്. എന്നാല് ഇതെല്ലാം ഒരാളുടെ കാര്യം മാത്രമൊഴിച്ച്.
താരത്തിന്റെ മൂന് ഭാര്യ ജെന്നിഫര് ഗാര്ണറാണ് സംവിധായകന്റെ തൊപ്പി ധരിച്ച് അഫ്ലെക്കിനൊപ്പം പ്രവര്ത്തിക്കാന് താല്പ്പര്യമില്ലാത്തത്. 2005 മുതല് 2018 വരെ ഒരു ദശകത്തിലേറെയായി ജന്നിഫറിന്റെ ഭര്ത്താവായിരുന്ന അഫ്ലെക്ക് നിലവില് ജെന്നിഫര് ലോപ്പസിനെ വിവാഹം കഴിച്ചിട്ടുണ്ട്. ഇതിന് പുറമേ അഫ്ലക്കിന്റെ പരസ്ത്രീബന്ധവും വൈവിദ്ധ്യ പ്രണയവും നാട്ടില് പാട്ടുമാണ്.
അതേസമയം ഓസ്കാര് ജേതാവായ സംവിധായകനും മുന് ഭാര്യയും ഒരുമിച്ച് അഭിനയിച്ചിട്ടുമുണ്ട്. എന്നാല് സംവിധായകനായ അഫ്ലക്കിനൊപ്പം ജെന്നിഫര് പ്രവര്ത്തിക്കാന് വിസമ്മതിക്കുന്നതിന് കാരണം ഒരു സംവിധായകനെന്ന നിലയില് അദ്ദേഹത്തിന്റെ വേഗതയില്ലായ്മയാണ്. അദ്ദേഹം വേഗതയേറിയ സംവിധായകനല്ല. ഞാന് ജോലി ചെയ്യാനും അതിന് ശേഷം വീട്ടില് പോയി കുട്ടികളെ ഉറക്കാനും ആഗ്രഹിക്കുന്നു. എന്നിരുന്നാലും ഒരിക്കലും ബെന്നിനൊപ്പം ജോലി ചെയ്യില്ലെന്നും പറയാനാകില്ലെന്ന് താരം പറഞ്ഞു. എന്നിരുന്നാലും തന്റെ ജോലിയില് ബെന് മിടുക്കനാണെന്ന് ഞാന് കരുതുന്നു. അയാളില് സന്തോഷിക്കുകയും അഭിമാനിക്കുകയും ചെയ്യുന്നു. നടി കൂട്ടിച്ചേര്ത്തു.
മുമ്പൊരിക്കല് തന്റെ മുന് ഭാര്യയെ ഒരു സിനിമയില് സംവിധാനം ചെയ്യാന് ബെന് താല്പ്പര്യപ്പെട്ടിരുന്നു, എന്നാല് തങ്ങളില് ഒരാള് വീട്ടിലെ കുട്ടികളെ പരിപാലിക്കേണ്ടതുണ്ട് എന്നതാണ് തടസ്സമാകുന്ന പ്രശ്നമെന്ന് അന്ന് ബെന് പറഞ്ഞു. ജോലി രംഗത്ത്, ബെന് അഫ്ലെക്ക് അവസാനമായി പ്രത്യക്ഷപ്പെട്ടത് ദി ഫ്ലാഷിലാണ്, ഒരുപക്ഷേ ഡിസി യൂണിവേഴ്സില് ബാറ്റ്മാനായി അവസാനമായി പ്രത്യക്ഷപ്പെട്ടു.