ടെക്സാസിലെ ഒരു റെസ്റ്റോറന്റിൽ ഭക്ഷണം കഴിക്കുന്നതിന്റെ വീഡിയോ ചിത്രീകരിക്കുന്നതിനിടെ രണ്ട് യൂട്യൂബർമാർ കാറപകടത്തിൽ നിന്ന് അത്ഭുതകരമായി രക്ഷപ്പെട്ടു. അവർ റെസ്റ്റോറന്റിലെ ജനലിനരികിൽ ഇരുന്ന് ഷൂട്ട് ചെയ്യുന്നതിനിടെ ഒരു എസ്യുവി കാർ പെട്ടെന്ന് ജനലിലൂടെ ഇടിച്ചു കയറുകയായിരുന്നു. പെട്ടെന്ന് മാറിയതുകൊണ്ട് വലിയ അപകടത്തിൽ നിന്ന് അവർ രക്ഷപ്പെട്ടു.
അപകടത്തിന്റെ ദൃശ്യങ്ങൾ അവർ ഷൂട്ട് ചെയ്തുകൊണ്ടിരുന്ന ഫോണിൽ പൂർണ്ണമായി പതിഞ്ഞു. റെസ്റ്റോറന്റിലെ ജീവനക്കാരുടെയും മറ്റ് ഉപഭോക്താക്കളുടെയും അവരുടെ തന്നെയും പരിഭ്രാന്തി നിറഞ്ഞ ഭാവങ്ങളും ഇതിൽ വ്യക്തമാണ്. ടെക്സാസിലെ ടൈലറിലുള്ള പിയാഡ ഇറ്റാലിയൻ സ്ട്രീറ്റ് ഫുഡ് റെസ്റ്റോറന്റിലാണ് സംഭവം. റിപ്പോർട്ടുകൾ അനുസരിച്ച്, ദമ്പതികളായ യൂട്യൂബർമാർക്ക് നിസ്സാര പരിക്കുകൾ മാത്രമേ ഉണ്ടായുള്ളൂ, അവർക്ക് ഉടൻ തന്നെ ചികിത്സ നൽകുകയും ചെയ്തു. നിന അൺറേറ്റഡ് (NinaUnrated), പാട്രിക് ബ്ലാക്ക്വുഡ് (Patrick Blackwood) എന്നിവരാണ് അപകടത്തിൽപ്പെട്ട യൂട്യൂബർമാർ.
“ഹൂസ്റ്റണിലെ ക്യൂവി കലിനറി ക്രിയേഷൻസിലെ ഗ്ലാസ് ഭിത്തി തകർത്ത് ഒരു എസ്യുവി കാർ ഇടിച്ചുകയറി, ഞാൻ പാട്രിക് ബ്ലാക്ക്വുഡിനൊപ്പം ഒരു വീഡിയോ ഷൂട്ട് ചെയ്യുന്നതിനിടയിൽ എല്ലാം തകർന്നുപോയെങ്കിലും ഞാൻ ജീവനോടെയുണ്ടെന്നതിൽ അതിയായ സന്തോഷമുണ്ട്,” നിന അൺറേറ്റഡ് ഇൻസ്റ്റാഗ്രാമിൽ കുറിച്ചു.
“ഞാൻ രുചികരമായ ഒരു സാൽമൺ സ്ലൈഡർ കഴിക്കുന്ന സമയത്താണ് കാർ ഞങ്ങളെ നേരിട്ട് ഇടിച്ചത്. എങ്കിലും ഞങ്ങൾ രക്ഷപ്പെട്ടു,” അവർ കൂട്ടിച്ചേർത്തു.”മറ്റൊരു ദിവസം കൂടി കാണാൻ കഴിഞ്ഞതിൽ നന്ദിയുണ്ട്, ചെറിയ കാര്യങ്ങളിൽ നിന്ന് പോലും ഒരു വലിയ ലക്ഷ്യത്തോടെ മുന്നോട്ട് പോകാം!” ബ്ലാക്ക്വുഡ് തന്റെ ടിക് ടോക്ക് പോസ്റ്റിൽ പറഞ്ഞു.
നെറ്റിസൺസ് പ്രതികരണം:
ഒരു ഉപഭോക്താവ് ഇങ്ങനെ അഭിപ്രായപ്പെട്ടു, “ജീവിതം വളരെ ദുർബലമാണ്. ഒരു നിമിഷം നിങ്ങൾ ഭക്ഷണം കഴിച്ച് ചിരിക്കുന്നു, അടുത്ത നിമിഷം എല്ലാം മാറിയേക്കാം. നിങ്ങൾ സുരക്ഷിതരാണെന്ന് കരുതുന്നു.
“മറ്റൊരു ഉപഭോക്താവ്, “നിങ്ങൾ സുരക്ഷിതരാണെന്നറിഞ്ഞതിൽ സന്തോഷമുണ്ട്. ഒരു ശക്തി നിങ്ങളെ സംരക്ഷിച്ചു എന്ന് പറയാം. ചിലർ ഇത് നിർഭാഗ്യമാണെന്ന് പറഞ്ഞേക്കാം. ഞാൻ നേരെ തിരിച്ചാണ് പറയുന്നത്. ഈ ഗ്ലാസ് ചില്ലുകളും ലോഹഭാഗങ്ങളും നിങ്ങളുടെ ശരീരത്തിൽ തുളച്ചുകയറാതെ രക്ഷപ്പെട്ടത് ഒരു അത്ഭുതമാണ്. ദൈവത്തിന് നന്ദി!” എന്ന് കുറിച്ചു.
മറ്റൊരാൾ, “ആ ഭയാനകമായ നിമിഷത്തിലും പരിക്കുകളിലും നിങ്ങൾ രണ്ടുപേരും ജീവനോടെയിരിക്കുന്നതിന് ദൈവത്തിന് നന്ദി!” എന്ന് കമന്റ് ചെയ്തു.
