ഭഗവാന് ശ്രീരാമന്റെ ലോകത്തിലെതന്നെ ഏറ്റവും ഉയരമുള്ള പ്രതിമകളിലൊന്ന് കാനഡയില്. മിസിസൗഗയില് അനാച്ഛാദനം ചെയ്ത പ്രതിമയ്ക്ക് 51 അടി ഉയരമുണ്ട്. വടക്കേ അമേരിക്കയിലെ ശ്രീരാമദേവന്റെ ഏറ്റവും ഉയരമുള്ള പ്രതിമയാണിത്.
പ്രതിമയുടെ ഘടകങ്ങള് ഡല്ഹിയിലാണ് നിര്മിച്ചത്. കാനഡയിലെത്തിച്ച് സംയോജിപ്പിച്ചു. 100 വര്ഷം നിലനില്ക്കുന്ന, മണിക്കൂറില് 200 കിലോമീറ്റര് വേഗതയില് വീശുന്ന കാറ്റിനെ പ്രതിരോധിക്കാന് ശേഷിയുള്ള ഉരുക്ക് ചട്ടക്കൂട് പ്രതിമയുടെ സവിശേഷതയാണ്. അയോധ്യയിലെ രാം ജന്മഭൂമി ക്ഷേത്രത്തില്നിന്നു പ്രചോദനം ഉള്ക്കൊണ്ട് നാലു വര്ഷം മുമ്പാണു പ്രതിമാ നിര്മാണം ആരംഭിച്ചത്.
ഒരു ഇന്തോ-കനേഡിയന് വ്യവസായിയാണ് നിര്മാണച്ചെലവ് ഏറ്റെടുത്തത്. പദ്ധതിക്ക് ധനസഹായം നല്കിയതിനു ശേഷമാണ് ഇത് സാധ്യമായത്. ടൊറന്റോ പിയേഴ്സണ് രാജ്യാന്തര വിമാനത്താവളത്തിലിറങ്ങുന്ന വിമാനങ്ങളിലെ യാത്രികര്ക്കു കാണാന് സാധിക്കുംവിധമാണ് പ്രതിമ സ്ഥാപിച്ചിരിക്കുന്നത്. അനാച്ഛാദനച്ചടങ്ങിനു സാക്ഷ്യം വഹിക്കാന് കനേഡിയന് മന്ത്രിസഭാംഗങ്ങളടക്കം പതിനായിരത്തിലധികം പേരാണ് മിസിസൗഗയില് ഒത്തുചേര്ന്നത്.
