കാണികളിൽ അസ്വസ്ഥ ഉളവാക്കുന്ന വീഡിയോകൾ പലപ്പോഴും സമൂഹ മാധ്യമങ്ങളിലൂടെ വൈറലാകാറുണ്ട്. ഇപ്പോഴിതാ ഒരാൾ ലിഫ്റ്റിൽ മൂത്രമൊഴിക്കുന്നതിന്റെ ദൃശ്യങ്ങളാണ് ഓൺലൈനിൽ വ്യാപകമായി പ്രചരിക്കുന്നത്. വീഡിയോ ഇന്റർനെറ്റ് ഉപയോക്താക്കൾക്കിടയിൽ കടുത്ത പ്രകോപനം സൃഷ്ടിച്ചു. യുവാവിന്റെ പെരുമാറ്റത്തിന് കർശന നടപടി സ്വീകരിക്കണമെന്നാണ് അവർ ആവശ്യപ്പെടുന്നത്.
ലിഫ്റ്റിലേക്ക് കയറുന്ന മനുഷ്യനിൽ നിന്നാണ് വൈറൽ ഫൂട്ടേജ് ആരംഭിക്കുന്നത്. ലിഫ്റ്റിന്റെ വാതിലുകൾ അടഞ്ഞയുടൻ ആ മനുഷ്യൻ ഒരു മൂലയിലേക്ക് നീങ്ങുകയും യാതൊരു മടിയും കൂടാതെ മൂത്രമൊഴിക്കാൻ തുടങ്ങുകയും ചെയ്യുന്നതാണ് വീഡിയോ. ലിഫ്റ്റ് ഇറങ്ങാൻ തുടങ്ങുകയും രണ്ടാം നിലയിൽ നിർത്താൻ തയ്യാറെടുക്കുകയും ചെയ്യുമ്പോൾ, ഇയാൾ തന്റെ കാൽ ഉപയോഗിച്ച് ലിഫ്റ്റിന്റെ വാതിലിന്റെ വിടവിലെ മൂത്രം തുടയ്ക്കാൻ ശ്രമിക്കുന്നു.
മുഴുവൻ പ്രവൃത്തിയും എലിവേറ്ററിലെ സിസിടിവിയിൽ പതിയുകയും ഇത് പിന്നീട് സോഷ്യൽ മീഡിയ പ്ലാറ്റ്ഫോമുകളിൽ പങ്കുവെയ്ക്കപെടുകയുമായിരുന്നു.
വീഡിയോ കണ്ട ഉപയോക്താക്കളിൽ പലരും രോഷത്തോടെയാണ് പ്രതികരിച്ചത്. പ്രകോപിതനായ ഒരു ഉപയോക്താവ് അഭിപ്രായപ്പെട്ടു, “ഞങ്ങൾ ഇന്ത്യക്കാർ ഒരു പുരോഗതിക്കും യോഗ്യരല്ല” എന്നാണ്.
“നിങ്ങൾ അവർക്ക് ഒരു സ്വർണ്ണ പാത്രം നൽകിയാലും, അവർ അത് യാചിക്കാൻ ഉപയോഗിക്കും,” മറ്റൊരു ഉപയോക്താവ് പറഞ്ഞു. വെറുപ്പുളവാക്കുന്നവൻ… അവനെ ശിക്ഷിക്കണം എന്ന് മറ്റൊരാൾ അഭിപ്രായപ്പെട്ടു.
പൊതു ശുചിത്വത്തെക്കുറിച്ചും പൗരബോധത്തെക്കുറിച്ചുമുള്ള ചർച്ചകൾക്ക് ഈ വീഡിയോ തുടക്കമിട്ടിരിക്കുകയാണ്. നഗര അടിസ്ഥാന സൗകര്യങ്ങളുടെ വളർച്ചയ്ക്കും പൊതുജന ബോധവൽക്കരണ കാമ്പെയ്നുകൾക്കു ശേഷവും ഇത്തരം പെരുമാറ്റം ഇപ്പോഴും തുടരുന്നത് എന്തുകൊണ്ടാണെന്ന് പല ഇന്റർനെറ്റ് ഉപയോക്താക്കളും ചോദ്യം ചെയ്യുകയാണ്.
