അസാധാരണവുമായ ഒരു പ്രണയകഥകളുടെ കലവറയാണ് സോഷ്യല്‍ മീഡിയ. നെറ്റിസണ്‍മാരെ ഞെട്ടിക്കുന്ന ഈ പുതിയ പ്രണയകഥയില്‍ പശ്ചാത്തലമാകുന്നത് ഒരു സീലിംഗ്ഫാനാണ്. ഫാന്‍ നന്നാക്കാനായി പതിവായി വീട്ടില്‍ വന്നുപോയിരുന്ന മെക്കാനിക്ക് ഒടുവില്‍ അതേ വീട്ടിലെ യുവതിയെ പ്രണയിക്കുകയും വിവാഹം കഴിക്കുകയും ചെയ്തു. അവരുടെ കൗതുകകരമായ പ്രണയകഥ വൈറലായി മാറിയിട്ടുണ്ട്.
ഖബര്‍ എക്സ്പ്രസിന് നല്‍കിയ അഭിമുഖത്തില്‍, താന്‍ ഒരു ഫാന്‍ റിപ്പയര്‍ ടെക്നീഷ്യനായി ജോലി ചെയ്തിട്ടുണ്ടെന്നും തങ്ങള്‍ക്കിടയില്‍ പ്രണയം എങ്ങനെ സംഭവിച്ചുവെന്ന് വെളിപ്പെടുത്തി. ”വീട്ടില്‍ പതിവായി പ്രവര്‍ത്തനരഹിതമായ ഫാന്‍ നന്നാക്കാന്‍ ഗ്രാമങ്ങളില്‍ ആളുകള്‍ സാധാരണയായി മെക്കാനിക്കുകളെ വിളിക്കും. അത് ശരിയാക്കാന്‍ അവള്‍ എന്നെ സ്ഥിരമായി വിളിച്ചു.” അദ്ദേഹം പറഞ്ഞു.
പതിവായി ഫാന്‍ കേടാകുമ്പോള്‍ ഇയാളെ നന്നാക്കാനും വിളിക്കുമായിരുന്നു. പിന്നീട് ഒരു ദിവസം അവള്‍ തന്റെ നമ്പര്‍ ചോദിക്കുകയും ഇനി നേരിട്ട് വിളിക്കാമല്ലോ എന്ന് പറയുകയും ചെയ്തു. ക്രമേണ, ആ യുവതി തന്റെ വികാരങ്ങള്‍ തുറന്നു പറഞ്ഞു. ആദ്യം മുതലേ അവനെ ഇഷ്ടപ്പെട്ടു തുടങ്ങിയിരുന്നെങ്കിലും അത് പുറത്ത് കാണിച്ചില്ല എന്ന് അവര്‍ സമ്മതിച്ചു. അയാളില്ലാതെ എനിക്ക് ഒന്നിലും ശ്രദ്ധ കേന്ദ്രീകരിക്കാന്‍ കഴിഞ്ഞില്ലെന്നും ഞാന്‍ അയാളുമായി അഗാധമായ പ്രണയത്തിലായിരുന്നെന്നും അഭിമുഖത്തില്‍ അവര്‍ പറഞ്ഞു.
തുടക്കത്തില്‍, അയാള്‍ തന്നെ ശ്രദ്ധിച്ചിരുന്നില്ലെന്നും അവര്‍ പറഞ്ഞു. പക്ഷേ അവനെ വീട്ടിലേക്ക് വിളിക്കാന്‍ അവര്‍ പുതിയ കാരണങ്ങള്‍ കണ്ടെത്തിക്കൊണ്ടിരുന്നു. ചിലപ്പോള്‍ ഫാന്‍, മറ്റുചിലപ്പോള്‍ ലൈറ്റ്, അല്ലെങ്കില്‍ ഡിഷ് ടിവി. ഒടുവില്‍, പതിവ് സന്ദര്‍ശനങ്ങള്‍ ഒരു ബന്ധത്തിലേക്ക് നയിച്ചു, ഇരുവരും വിവാഹിതരായി. അഭിമുഖത്തിന്റെ വീഡിയോ വിവിധ ഉപയോക്താക്കള്‍ എക്സില്‍ (മുമ്പ് ട്വിറ്റര്‍) പങ്കിട്ടു. വീഡിയോ വൈറലാകുകയും ഓണ്‍ലൈനില്‍ വ്യത്യസ്ത പ്രതികരണങ്ങള്‍ക്ക് കാരണമാവുകയും ചെയ്തു.
