പരീക്ഷയിലെ വിദ്യാർത്ഥികളുടെ അസാധാരണവും രസകരവുമായ പല ഉത്തരങ്ങളും സോഷ്യൽ മീഡിയയിൽ വൈറലാകാറുണ്ട്. ഇപ്പോഴിതാ ഇത്തരത്തിൽ ഒരു പരീക്ഷയിൽ വിദ്യാർത്ഥി എഴുതിയ ഉത്തരമാണ് നെറ്റിസൺസിനെ അമ്പരപ്പിച്ചിരിക്കുന്നത്. ഒരു സയൻസ് ചോദ്യത്തോട് ആരും പ്രതീക്ഷിക്കാത്ത രീതിയിലാണ് വിദ്യാർത്ഥി പ്രതികരിച്ചത്.
“എന്താണ് കാർബൺ ഡൈ ഓക്സൈഡ്?” എന്നായിരുന്നു പരീക്ഷയിലെ ചോദ്യം. കാറിൽ ജനിച്ച് പുറത്ത് മരിക്കുന്നവനെ കാർ ബോൺ ഡൈ ഓക്സൈഡ് എന്ന് വിളിക്കുന്നു എന്നായിരുന്നു വിദ്യാർത്ഥിയുടെ രസകരമായ പ്രതികരണം.
തമാശ കലർന്ന ഈ മറുപടി ഏവരുടെയും ശ്രദ്ധ പിടിച്ചുപറ്റി. പോസ്റ്റിന് ഇതുവരെ 4.8 ദശലക്ഷത്തിലധികം കാഴ്ചകള്‍ ലഭിച്ചു. നിരവധി ഉപയോക്താക്കൾ രസകരമായ കമന്റുകളുമായി രംഗത്തെത്തി. ഒരു ഉപയോക്താവ് എഴുതി, “ഇതിനർത്ഥം ഞങ്ങളെ തെറ്റായ നിർവചനം പഠിപ്പിച്ചുവെന്നാണോ?” കൊള്ളാം, എന്തൊരു ഉജ്ജ്വലമായ മനസ്സ് എന്നായിരുന്നു മറ്റൊരാളുടെ കമൻ്റ്.
ഏതായാലും പോസ്റ്റിന്റെ ആധികാരികത പരിശോധിച്ചിട്ടില്ല. ലഭ്യമായ വിവരങ്ങളുടെ അടിസ്ഥാനത്തിലാണ് ഈ റിപ്പോർട്ട് പുറത്തുവന്നിരിക്കുന്നത്.
